Ons Huis is volgende jaar 80 jaar oud. Dit is 'n hoë en geseënde ouderdom soos baie van ons inwoners kan getuig. Die pad tot hier was nie elke dag maklik nie en met talle op- en afdraandes, teleurstellings, hartseer, vreugdes, toe deure, maar gelukkig ook baie oop deure, kan Ons Huis sy naam gestand doen as tuiste vir senior burgers. Met 'n nederige begin oorkant Dutoitspan Kerk, het die ouetehuis spoedig uit sy nate gebars en moes daar na alternatiewe moontlikhede gekyk word.
Gaan lees gerus die agtergrond van die ouetehuis HIER.
Op hierdie punt liewe leser het ons u hulp nodig. Ons is op soek na staaltjies, stories, resepte, grootwordjarestories, foto's en enige iets wat ons kan gebruik om 'n feeskalender saam te stel.
Stuur alle inligting na aldawelman@gmail.com
Ons sien uit na al die stories en inligting.
No comments:
Post a Comment