Hartsake oor 'n koppie tee: Nie Godsdiens nie, maar Christus

Toe 'n prediker by 'n jong man aandring om sy hart vir die Here te gee, was sy antwoord: "Ek het vir die afgelope vyf jaar godsdiens probeer, maar dit werk nie. Ek het dit opgegee" 

"Dis niks," het die prediker gesê, "ek het vir vyftien jaar godsdiens probeer, en ek het dit ook opgegee."

"Nou, maar waarom preek u dan as dit nie werk nie?" wou die jongman weet.

"Ek het toe Christus probeer," was die antwoord, "en Hy het volkome in my behoeftes voorsien. Dis nie godsdiens wat ek aanbeveel nie, maar 'n lewende, liefdevolle Verlosser." 

Hartsake oor 'n koppie tee: Wonderlike genade

God het elkeen van ons só lief, dat Hy Sy eie Seun gestuur het om in ons plek vir ons sondes te sterwe, sodat elkeen wat gewillig is om Hom as Verlosser aan te neem, dadelik vergifnis mag ontvang en die ewige lewe kan beërwe. En wat meer is, aan almal wat Hom aangeneem het, gee Hy die reg om kinders van Hom genoem te word. En as Sy kinders ontvang ons hier reeds die vreugde, vrede, blydskap en hulp wat ons nodig het vir elke dag en elke uur.

Wat 'n vreugde om soveel genade uit ons Vader se hand te ontvang.

Hartsake oor 'n koppie tee: Jou talente is daar vir 'n rede

Moenie jou talente wegsteek nie!

Jy is daarmee geseën om ander te dien,

om vir ander ‘n lig te wees, 

om ander te bemoedig.
Gebruik altyd jou talente

na die beste van jou vermoë.

Moet dit nooit onder die maatemmer wegsteek nie.

Hartsake oor 'n koppie tee: Hy wil jou suksesvol maak

Wanneer God jou suksesvol wil maak,

sal Hy eers jou gemaksone wegneem,

Hy sal jou geduld toets,

Hy sal jou isoleer,

Hy sal jou geloof uitdaag.

Want voordat Hy jou die lewe gee waarvan jy droom,

bou Hy die weergawe van jou wat dit kan hanteer.

Hartsake oor 'n koppie tee: Waaroms verander in daaroms

Is daar geluk - bewaar dit.
Is daar 'n kruis - aanvaar dit.
Is daar onreg - stel dit reg.
Is daar teenslae - hou aan veg.
Is daar vreugde - deel dit.
Is daar 'n breuk - heel dit.
Skenk iemand jou liefde - beleef dit.
Doen iemand jou leed - vergeef dit.
Het jy geloof - wys dit.
Is daar moed - prys dit.
En laat die wêreld daarvan weet.
As jy glo sal al die waaroms 

eenmaal verander in daaroms!

Hartsake oor 'n koppie tee: Bly gefokus

Dis nie altyd maklik nie,

MAAR

* Moenie jou lewe met ander mense vergelyk nie.
* Hardloop jou wedloop.
* God se doel vir jou lewe is nie dieselfde as ander mense se doel nie.
* Moenie na links of regs kyk nie.
* Bly gefokus op jou roeping.