Showing posts with label Doen. Show all posts
Showing posts with label Doen. Show all posts

Thursday, 4 June 2026

*Jy kan nog baie dinge doen - maar jy moenie!

Jy kan op 'n hoë, leer klim ... maar jy moenie!
Jy kan op en af op die bed spring ... maar jy moenie!
Jy kan ’n storie begin met “In MY dae” ... maar jy moenie!
Jy kan (modieuse) geskeurde jeans dra ... maar jy moenie!
Jy kan op jou hurke sit en vinnig opstaan ... maar jy moenie!
Jy kan op die huis se dak rondloop ... maar jy moenie!
Jy kan oor ’n redelike groot plas water spring ... maar jy moenie!
Jy kan jou 3-jarige kleinkind probeer inhardloop ... maar jy moenie!
Jy kan jou broek sommer so in die loop uit- of aantrek ... maar jy moenie!
Jy kan ’n styfpassende help-my-beter-lyk-T-hemp dra ... maar jy moenie!
Jy kan met jou hande in jou sakke by ’n trap afloop ... maar jy moenie!
Jy kan by die toilet in die winkelsentrum verbyloop ... maar jy moenie!
Jy kan al die sakkies kruideniersware op een slag uit die kar dra ... maar jy moenie!
Jy kan probeer om die spyskaart te lees sonder jou leesbril ... maar jy moenie!
Jy kan kliphard kommentaar lewer op mense se voorkoms ... maar jy moenie!
Ja, JY KAN, maar JY MOENIE!!

[Dankie, René, vir die aanstuur van hierdie goeie raad!]

Friday, 15 May 2026

Boodskap uit 'n koevert: Die eerste keer

Die geloof dan is 'n vaste vertroue op die dinge wat ons hoop, 'n bewys van die dinge waat ons nie sien nie. Hebreërs 11:1  

Bid en doen
Twee dogtertjies het op pad skool toe hul tyd effens verspeel en was bang dat hulle laat sou kom.
"Kom ons kniel en bid dat ons betyds moet wees," sê die een toe.
"Nee, " sê die ander een, "kom ons hardloop terwyl ons bid."

Ons behoort nie net te bid nie, maar in die geloof 
ook tot handeling oor te gaan,
 wanneer dit vir ons duidelik is wat om te doen

Die eerste keer
Georg Müller, die man wat 'n weeshuis in die geloof gestig het en met kinders en al volkome van God vir hulle daaglikse lewensonderhoud afhanklik was, het by geleentheid gesê: "As die Here my hierdie keer teleurstel, sal dit die eerste keer wees."