Wie is ek?

Ná Aftrede: Wanneer die speletjie verby is ...

Ek het onlangs 'n stuk gelees wat my diep getref het - en ek wil dit graag met julle deel. Dit laat mens besin oor wat oorbly wanneer ons titels, rolle en statusse vervaag. Ekself het my loopbaan in die motorbedryf met trots en passie uitgeleef. Daar was hoogtepunte, prestasies en baie ure van harde werk. Maar nou, ná aftrede, vra ek myself af: Wat beteken dit alles vandag? Wie is ek nou?

Die storie wat tot my gespreek het:

’n Senior uitvoerende bestuurder het afgetree en uit sy luukse amptelike woning na 'n gewone woonstel verhuis. In sy nuwe omgewing het hy homself steeds as belangrik gesien en hom van ander gedistansieer. Tot op 'n dag toe 'n ander ouer man met hom begin gesels het. Hierdie nuwe vriend het geduldig geluister terwyl die afgetrede bestuurder herhaaldelik vertel het van sy belangrike posisie en hoë status.

Eendag sê die ander man sagkens: “Na aftrede is ons almal soos gebruikte gloeilampe. Dit maak nie saak watter watt jy was, hoe helder jy geskyn het, of watter tipe lamp jy was nie - LED, halogeen, fluoresserend - as jy klaar is, is jy klaar. Nou is ons almal net gloeilampe wat nie meer brand nie.”

Hy het verder gesê: “Daardie man oorkant was ‘n majoor-generaal in die weermag. Daar sit ‘n professor. Ekself was vir twee termyne ‘n parlementslid. Maar niemand praat daaroor nie, want ons weet: wie ons was, is nie meer wie ons is nie. Wat nou saak maak, is wie jy is in die nou.”

Daardie eenvoudige gesprek bevat ’n waarheid:

👉 Ons waarde lê nie in die titels wat ons dra of die poste wat ons beklee het nie.

👉 Ons moet leer om innerlike vrede te vind, om eenvoudig net mens te wees.

👉 Ons moet ophou bestaan en begin leef - met vreugde, met nederigheid, en met omgee vir ander.

'n Bybelvers wat my daaraan herinner, is Prediker 3:1–2:

    “Vir alles is daar 'n bepaalde tyd, 'n tyd vir elke saak onder die hemel: 'n tyd om gebore te word en 'n tyd om te sterwe; 'n tyd om te plant en 'n tyd om uit te trek wat geplant is …”

En ook Miga 6:8:

    “Hy het jou bekend gemaak, o mens, wat goed is: en wat vra die Here van jou anders as om reg te doen, liefde en trou te bewys, en nederig saam met jou God te wandel?”

Laaste gedagtes vir my medereisigers in Die Lewe:

    ☀️Wanneer jy die son sien opkom, onthou dat beide die opkomende en ondergaande son mooi is - maar net een word geprys.

   🙌 Wanneer jy na die maan kyk, sien jy God se skoonheid.

    🙌Wanneer jy in die spieël kyk, sien jy Sy beste skepping: JY.

Ons is almal pelgrims op reis - God is ons Reisagent. Hy het reeds ons roetes en bestemmings bepaal. Vertrou Hom en leef voluit.

Moenie vergeet nie:

👉 Besoek ‘n hospitaal - en jy sal besef niks is mooier as gesondheid nie.

👉 Gaan na ‘n tronk - en jy sal leer hoe kosbaar vryheid is.

👉 Besoek ‘n begraafplaas - en jy sal verstaan hoe tydelik die lewe is.

Laat ons leef met die vrees van God en respek vir mekaar.

Laat ons gee, selfs al is dit klein.

Laat ons onthou: Na die speletjie keer die koning en die pion terug na dieselfde kis.

Mag ons die lewe waardeer, saam lag, en vir mekaar sorg - met nederigheid en dankbaarheid.

[Aangestuur deur Babsie Swanepoel]

Dankie, Kimberley Biker's

Kimberley se motorfietsryers het Saterdag in die gees van Kersfees kragte saamgesnoer om van die Pension Run-inisiatief 'n reuse sukses te maak. 

Hierdie Kimberliete se positiewe aansteeklikheid, saam met die broodnodige skenkings en geskenkies, het breë glimlagte op die gesigte van die inwoners van Resthaven, Belgrave Lodge en Ons Huis gesit.

Meer as 50 pakke doeke vir volwassenes is aan elkeen van die drie tehuise oorhandig, danksy die ondersteuning van donateurs en die borge. Doeke is 'n duur noodsaaklikheid vir baie bejaarde inwoners. Die organiseerders hoop om die Pension Run 'n jaarlikse tradisie te maak om te verseker dat senior burgers in Kimberley 'n stresvrye feesseisoen kan geniet.

Elke besoek Saterdag was gevul met glimlagte, liefde, omgee, dankbaarheid en 'n gevoel van gemeenskap. En is dit nie juis die belangrikste boodskap wat uitgedra moet word nie?

Inwoners: 'n Uit-ons-hart-dankie vir hierdie ongelooflike en heerlike verrassing. Julle sal nooit weet wat hierdie besoekie vir ons beteken het nie. Mag  julle nog diep spore in Kimberley trap!

[Klik HIER en HIER om na ongeveer 80 foto's te kyk.]

Dankie, Babsie, dat jy hierdie goeie nuus met ons lesers deel. Waardeer dit!

Gesondheid: Wenke van sr. Annabelle

Die afgelope tyd kry ons baie warmer as gewoonlik en gepaard daarmee probleme wat opduik.

Mense moet asseblief kyk na hul voginname. Drink ten minste 2 liter of meer koue/koel vog in die tyd.

'n Mens verloor ongeveer 500ml vog net om asem te haal. As jy nie genoeg vog inneem nie, dan kry jy allerhande probleme ... 

* jou bloeddruk daal wat jou duiselig en naar laat en jy kan val en bene breek,

* jou brein verloor vog en jy sukkel om te onthou en raak deurmekaar, 

* jy kry blaasontsteking en wonder waarom, 

* jou bene en voete swel, want ons  harte trek swaar en dan wonder ons hoekom gebeur dit.

Al bogenoemde kan toegekryf word aan 'n vogtekort.

Sit die elektroliete terug deur hierdie relatiewe goedkoop resep.

1 liter OROS met 5ml sout in. Drink 10h00 en 15h00 250ml daarvan.

OF

Koop REHYDRATE by die apteek en maak 10h00 en 15h00 vir jou 250ml aan en drink dit.

Hierdie voorstelle is om die elektroliete wat ons verloor deur die hitte en sweet te probeer vervang. 

Probeer ook om KOEL te bly. Vermy dit om in sulke warm weer (as jy kan) tussen 11h00 en 16h00 buite te wees. Vermy aktiwiteite soos tuinwerk en stap. 

Onthou jou hoed as jy uitgaan in die son. Pas julself op in hierdie somertyd. 

Mooi dag en somer vir almal.

Sr. Annebelle

[Dankie, Babsie, dat jy hierdie wenke met ons deel.]

PASOP VIR WOORDE!

Pasop vir woorde, woorde is kragtig en dra meer krag às wat jy besef. 

Om die volgende te spreek is om iemand ÓF jouself 'n vloek op te lê. 

Let op op jou woordeskat as dit soos volg daaruit sien. 

1 . Ek is altyd moeg

2 . Hy of sy sal nooit regkom nie.

3. My huwelik is net 'n gemors.

4 . Ek is so sieklik

5. Ek bly swaar kry.

6. Die onheil tref hulle of my altyd.

7. Ek is bestem om swaar te kry.

8. Ag, die Here hoor my nie (soek jy Hom 'n bietjie?)

9 . Die kinders maak my moeg.

10. Ek is maar altyd die swartskaap

Soos jy spreek só sal dit wees. Ons woorde is ons eie ondergang.

Wéés dus stadig om te praat en vinnig om te dink.

Die Woord sê dit wat in die mens se hart omgaan, so sal hy wees.

GOD het jou lief ... beoefen eerder "The Power of Positive Thinking!"

[Dankie, Babsie, dat jy hierdie met ons deel.] 

What does love mean to 4-8 year old kids??

The problem is: We look for someone to grow old together, while the secret is to find someone to stay a child with!

(Charles Bukowski)

What does love mean to 4-8 year old kids? Slow down for a few minutes to read this ...

A group of professional people posed this question to a group of 4 to 8 year-olds, 'What does love mean?' The answers they got were broader, deeper, and more profound than anyone could have ever imagined!

'When my grandmother got arthritis, she couldn't bend over and paint her toenails anymore ... So my grandfather does it for her all the time, even when his hands got arthritis too. That's love.'

Rebecca - age 8

'When someone loves you, the way they say your name is different. You just know that your name is safe in their mouth.'

Billy - age 4

'Love is when a girl puts on perfume and a boy puts on shaving cologne and they go out and smell each other.'

Karl - age 5

'Love is when you go out to eat and give somebody most of your French fries without making them give you any of theirs.'

Chrissy - age 6

'Love is what makes you smile when you're tired.'

Terri - age 4

'Love is when my mommy makes coffee for my daddy and she takes a sip before giving it to him, 

to make sure the taste is OK.'

Danny - age 8

'Love is what's in the room with you at Christmas if you stop opening presents and just listen.'  

Bobby - age 7 (Wow!)

'If you want to learn to love better, you should start with a friend who you hate.'

Nikka - age 6 (we need a few million more Nikka's on this planet)

'Love is when you tell a guy you like his shirt, then he wears it every day.'

Noelle - age 7

'Love is like a little old woman and a little old man who are still friends even after they know each other so well.'

Tommy - age 6

'During my piano recital, I was on a stage and I was scared. I looked at all the people watching me and saw my daddy waving and smiling. He was the only one doing that. I wasn't scared anymore.'

Cindy - age 8

'My mommy loves me more than anybody. You don't see anyone else kissing me to sleep at night.'

Clare - age 6

'Love is when Mommy gives Daddy the best piece of chicken.' 

Elaine - age 5

'Love is when Mommy sees Daddy smelly and sweaty and still says he is handsomer than Robert Redford.'

Chris - age 7

'Love is when your puppy licks your face even after you left him alone all day.'

Mary Ann - age 4

'I know my older sister loves me because she gives me all her old clothes and has to go out and buy new ones.'

Lauren - age 4

'When you love somebody, your eyelashes go up and down and little stars come out of you.' (what an image!)

Karen - age 7

'You really shouldn't say 'I love you' unless you mean it. But if you mean it, you should say it a lot. 

People forget.'

Jessica - age 8

And the final one: The winner was a four year old child whose next door neighbor was an elderly gentleman who had recently lost his wife. Upon seeing the man cry, the little boy went into the old gentleman's yard, climbed onto his lap, and just sat there. When his mother asked what he had said to the neighbor, the little boy said, 'Nothing, I just helped him cry.'

(this made me cry!) 

[Thank you, Babsie, for sharing this with Ons Huis readers.]

TOE IS DIT WINTER ...

Ek het dit eers vinnig gelees, tot ek by die derde sin gekom het ... Ek het opgehou en weer voor begin lees, maar dié keer stadiger - dit laat jou regtig stop en dink ... 

Jy weet ... tyd het 'n manier om vinnig te loop en jou onverhoeds te betrap sonder dat jy aan die verbygaande jare dink. Dit voel soos net gister wat ek jonk was. Tog, op 'n manier, voel dit soos 'n leeftyd gelede en ek wonder waar al die jare heen is. Ek weet dat ek almal geleef het, ek kry terugflitse van hoe dit tóé was, en ook van al my hoop en drome.

Maar hier is dit ... die winter van my lewe, en ek is verras ... hoe het ek so gou hier gekom? Waar is die jare heen, en wat het van my jeug geword? Ek onthou so goed hoe ek deur die jare na ouer mense gekyk en gedink het dat ek baie jare agter daardie ouer mense is, ... en dat die winter so ver weg was ... dat ek myself nie kon indink hoe dit moes wees nie.

Maar ... hier is dit ... my vriende word grys, en tree af ... hulle beweeg stadiger ... en ek sien nou ouer mense. Sommige lyk beter en ander slegter as ek ... maar, ek sien die groot verandering. Nie meer dié wat ek onthou wat jonk en lewenslustig was nie ... maar, soos ek, begin hulle ouderdom wys en óns is nou daardie ouer mense wat ek gesien, maar nooit gedink het ek ook sal word nie. Nou vind ek dat net om in die stort te klim 'n regte prestasie vir die dag is. En 'n middagslapie is nie meer 'n bederfie nie, maar 'n vereiste! Want as ek dit nie uit my eie vrye wil doen nie ... raak ek bloot aan die slaap net daar waar ek sit!

En so betree ek n nuwe seisoen van my lewe ... onvoorbereid op al die skete en kwale, en die verlies van krag en die vermoë om te gaan doen wat ek nog altyd wou, maar nooit het nie! Maar ten minste weet ek, hoewel my winter gekom het, ek nie seker is hoe lank dit sal duur nie ... weet ek dat, wanneer dit hier op aarde verby is, is dit verby ... 'n nuwe avontuur sal begin!

Ja, ek het verwyte, en ek is jammer oor dinge wat ek wens ek nie gedoen het nie, dinge wat ek moes gedoen het, en baie dinge wat ek gedoen het waaroor ek bly is. Dit is alles deel van 'n leeftyd.

So, as jy nog nie in die winter van jou lewe is nie, laat ek jou herinner dat dit vinniger hier sal wees as wat jy dink. So, wat jy ookal graag in jou lewe wil bereik, doen dit asseblief gou! Moenie dinge te lank uitstel nie! Die lewe gaan gou verby. Doen vandag wat jy kan, want jy kan nooit seker wees of hierdie jou winter is of nie! Jy het geen belofte dat jy al die seisoene van jou lewe gaan sien nie, so leef vir vandag en sê vir jou geliefdes al die dinge wat jy wil hê hulle moet onthou ... en hoop dat hulle jou waardeer en liefhet vir al die dinge wat jy vir hulle in jou leeftyd gedoen het!

Die lewe is 'n geskenk aan jou, en die manier waarop jy jou lewe leef, is 'n geskenk aan dié met wie jy dit deel. Leef goed! Leef voluit! Geniet vandag, élke dag! Doen iets wat jy geniet! Wees lief vir ander! Déél wat jy het, moenie net daarmee "brag" nie.

Goeie gesóndheid is ware rykdom, nie goud en silwer nie.

Vriendskap met familie en vriende is rykdom. As julle om watter rede ookal uitmekaar gedryf het, vergewe en vergeet ... leef vorentoe en nie in die verlede nie, want môre mag dalk nooit aanbreek nie!

Vandag is die oudste wat jy  nóg was en tog ook die jongste wat jy ooit sal wees - so, geniet hierdie dag vir solank dit duur!

Jou kinders is goed ... maar jou kleinkinders is volmaak!

Om uit te gaan is goed, maar om by die huis terug te kom is beter!

Jy vergeet name ... maar dis okay, want daar is mense wat vergeet dat hulle jou ooit geken het!

Die dinge wat jy altyd graag gedoen het, doen jy nie meer nie, maar jy dink nogal daaraan dat jy nie regtig meer omgee dat jy dit nie meer doen nie ...

Jy slaap beter in n leunstoel voor die blêrende TV as in jou bed ...

Jy mis daardie dae toe alles met net 'n AAN- of AF-skakelaar gewerk het ...

Jy is geneig om meer kort woordsinne te gebruik soos "waar?" "hoesê?" ...

Noudat jy duur juwele kan bekostig, is dit nie veilig om dit enigiewers te dra nie ...

Jy merk dat alles wat in winkels verkoop word, is "mouloos" ...

Wat altyd sproetjies was, is nou "lewervlekke" ...

Jy het 3 groottes klere in jou hangkas ... 2 waarvan jy nooit sal dra nie ...

Maar OUD is goed in sommige dinge: OU liedjies, OU flieks, en beste van alles ... OU VRIENDE!!!

Mooi bly, my OU VRIEND(IN)...!

Stuur hierdie aan OU VRIENDE ... dit is nie dit wat jy bymekaarmaak nie, maar dit wat jy uitdeel wat vertel van die soort lewe wat jy geleef het!

[Dankie, Babsie Swanepoel wat hierdie ongelooflike stukkie met ons deel.] 

Antwoorde vir die Bybelvasvra!

Vrae hier.

Hoe het jy gevaar? Vergelyk gerus jou antwoorde.

Dankie aan Babsie Swanepoel wat vir ons ook die antwoorde gestuur het. Waardeer dit.

1 Adam en Eva
2 Simson
3 Jona
4 Dawid
5 10 plae in Egipte
6 Elia
7 Samuel
8 Abraham
9 Verlore seun
10 Daniel
11 Noag