Hoor ek die Meester vir my sê:
"Moenie mismoedig sonder hoop bly lê.
Jy moet in geloof na My wil strewe,
Ek het opgestaan kyk Ek lewe!"
Baie keer voel die lewe 'n klug,
Ek wil van alles net wegvlug
dan hoor ek weer die Meester se stem:
"Moenie laat die ongeloof jou lewe strem.
Ek het my nie in die graf begewe
Ek het opgestaan kyk Ek lewe!"
"Moenie bevrees en bang wees my kind,
want vrees maak jou ongelowig en blind.
Jy moet in My glo en in My bly.
Alles is in My te kry,
moenie vir die vyand bang wees en bewe,
Ek het opgestaan kyk Ek lewe!"
Ek kom na U vermoeid en belas
wil nie meer rou in sak en as,
U bloed was gestort vir my
nou is ek skoon en vry.
Al my sondes en ongeloof het U vergewe
U het opgestaan sodat ek kan lewe.
Gedigte uit die pen van W.P.H Coetzee
[Dankie, Ann, vir die deel.]