Saterdaglagmedisyne - Ouma en oupa

* My ouma het begin kla dat niemand haar meer bel nie!

Toe plak ek 'n "How's my driving?" plakker op haar kar se buffer, nou lui haar foon aanmekaar.

* 'n Oupa vat elke oggend die 5-jarige Ansie skool toe.
Toe hy een oggend siek is, vat haar ouma haar.
Die aand vertel sy haar ma en pa dat die ryery saam met ouma baie anders was as saam met oupa.
"Hoekom?" vra hulle.
Ansie: "Ek en ouma het nie een idioot, blinde of dom ou op die pad gesien nie."

* Hoe weet jy dat jy begin oud word?
Jy loop nie meer jou pêlle in 'n kroeg raak nie, maar in Dis-Chem.

Gedig: Stan's Song

Vers 1:
Daar sit ’n ou man in sy stoel,
’n album op sy skoot,
sy hande blaai deur jare
wat lankal verder loop.
Gesigte uit ’n ander tyd,
party helder, party vaag,
en elke bladsy fluister sag:
die lewe gaan so gou verby.

Vers 2:
Hier glimlag mense uit die papier,
jonk soos hulle eenmaal was,
vasgevang in klein oomblikke
agter vergeelde glas.
Hy ken die lyne van elke foto,
die voue en die skeure goed,
want ’n mens leer met die jare:
wat breek, kan steeds iets kosbaars hou.

Prekoor:
En toe draai hy nog ’n bladsy,
en die wêreld word weer stil.
Twee jong manne tussen blare,
asof die tyd daar rus.

Koor:
Daar is Dolf, aan die linkerkant,
en Stan, nog jonk, langs hom.
Twee broers kyk na die kamera,
voor al die jare kom.
Geen foto weet wat môre bring nie,
geen lens kan afskeid sien.
Dit hou net vas wat voor hom staan,
vir eendag se onthou.

Vers 3:
Toe kom neëntien-nege-en-sestig,
en Dolf se jare raak te min.
Maar in daardie klein ou foto
bly hy altyd jonk daarbinne.
En Stan se jare word dekades,
een vir een het hulle gekom,
maar tussen al die mense van sy lewe
bly sy broer se gesig by hom.

Vers 4:
Nou is die jongste man een-en-sewentig,
met ’n leeftyd in sy hand,
en hy kyk na al die merke
wat die jare agterlaat.
Daar was mense. Daar was liefde.
Daar was hande wat hom hou.
En ’n lang lewe leer ’n mens soms
hoe kosbaar “toe” word binne “nou.”

Brug:
Die papier het oud geword,
die beeld het amper weggekwyn,
’n duisend kyke oor die jare,
oor elke skeur en elke lyn.
Toe vra die ou man net eenvoudig,
met sy broer nog in sy hart:
“Kan iemand hierdie foto
weer ’n bietjie duidelik maak?”

Finale koor:
En stadig word die foto duidelik,
die jare trek ’n tree terug.
Dolf se oë, Stan se jong gesig,
kom uit die skade terug.
En toe kom kleur weer deur die blare,
groen waar grys so lank moes staan,
warmte kom terug in hulle vel,
lig val oor twee jong manne saam.

Outro:
Die ou man sit nog in sy stoel,
die album op sy skoot.
Sy broer is steeds die jong man
wat die kamera eenmaal onthou het.
Hy kyk ’n lang ruk na die foto,
en miskien verstaan hy nou:
’n lewe word nie net in jare gemeet nie,
maar in wie ons liefgehad het,
en wie vir ons lief was.

Die foto is weer duidelik.
Die jare bly waar hulle is.
Maar tussen groen blare staan twee broers,
vir een klein oomblik
weer naby.

[Klik HIER vir die lied.]

Ouma se wenke: Vlekke - klere

👉 Bêre al jou wit goed in blou plastiese sakke. Dit keer dat die klere nie geel word nie.
👉 Blousel -  'n mens kry dit in meeste supermarkte. Week die klere daarin - wees net versigtig want as dit nie mooi opgelos het nie, maak dit blou kolletjies op jou klere.
👉 Kry vir jou 'n koekie Sunlight seep. Maak die klere nat en smeer hulle behoorlik met Sunlight seep. Jy moet smeer en smeer totdat die wit skuimbolle verskyn. Laat lê dit so nat vir 2 of drie dae. (Moenie weer water bytap nie - die seep kan maar so droog word in die klere). Was dit dan normaalweg.

👉 Week wit sokkies in soutwater voordat jy dit was – dit verwyder alle vlekke.

👉 Maak 'n pasta van asyn en koeksoda en vryf dit aan die kledingstuk se kraag. 

Idioom: Die klere maak nie die man nie!

Teetyd: Tee kalmeer die gees en verkwik die siel

Moenie die waarde van 'n koppie tee onderskat nie, want daarmee les jy veel meer as jou dors. 'n Geurige koppie tee troos as jy sat voel en lus is vir niks meer as om geselsies te maak met 'n teekoppie in jou hand nie.

In die eetkamer van Ons Huis sal jy altyd iemand kry om 'n heerlike geselsie mee aan te knoop. Op die foto van links na regs is Esna van der Merwe, Claudia Poliesie, Annatjie Grobbelaar en Joey Cloete.

Hartsake oor 'n koppie tee: Die verskil ...

'n Beroemde akteur is uitgenooi na 'n dinee by 'n aftree-oord. 

Na ete was daar lofbetuigings oor sy roemryke loopbaan en hy is gevra om iets voor te dra. Hy het gevra vir enige spesiale versoek. Die mense was maar skaam, toe staan 'n ou dominee op en vra: "Sal u asseblief vir ons Psalm 23 voordra." 

Die akteur was uit die veld geslaan vir 'n oomblik, want hy was bekend vir sy vertolking van Shakespeare. "Met plesier," sê hy, "Ek dink ek ken nog die woorde."

Toe begin hy voordra met sy pragtige stem en suiwer intonasie en die gehoor hang aan sy lippe. Nog nooit het die klanke van die bekende Psalm hulle so melodieus op die ore geval nie. Toe hy klaar is, het 'n spontane applous losgebars. "Baie, baie dankie." Die akteur was amper aangedaan deur die gehoor se waardering vir sy poging. Spontaan sê hy, "Maar nou wil ek 'n groot guns vra. Sal die persoon wat die Psalm versoek het, dit nie vir ons voordra nie?" 

"Ek?" vra die bejaarde predikant verbaas. "Ek weet niks van die voordragkuns nie en my stem is taamlik treurig. Maar as u dit as 'n guns vra, kan ek dit nie weier." Die akteur beduie dat hy moet vorentoe kom, maar die ou man glimlag: "Toe maar, ek staan sommer hier by my sitplek." 

Hy begin met sy ietwat krakerige stem voordra. Aan die einde was daar geen applous, maar die hele gehoor het met geboë hoofde gesit en geen oog was droog. "Sien julle die verskil?" vra die akteur, self bewoë. "Ek het julle oë en ore bereik, maar hierdie man het jul harte geraak. Want sien, ek ken Dawid se Psalm, maar hy ken Dawid se Skepper!"

Uit die Groot Karoo: Schalk se lewensnippers

Vandag se internetgebed vir jou: Loof hom

Nog voor die eerste strale van die dag, 

wil ek saam met die voëltjies U Naam groot maak!
Hoe groot is U!
U goedertierendheid strek oor die hele aarde.
Hierdie dag behoort aan U!
U het hierdie dag gemaak, 

daarom sal ons nie vir een oomblik ophou om U te loof nie!
Dankie vir ‘n nag van rus en beskerming.
Dankie vir ‘n nuwe dag wat ons saam met U kan loop en vir U kan leef!
Dankie vir nog 'n seëndag,

waarin ek tot eer van U naam kan leef!  
Gee dat ek die vreugde met ander kan deel.
In Jesus Naam!

Amen

Oomblik van stilte: Ps 94:18

Wanneer my probleme my onderkry, het U my elke keer gehelp, Here. U sorg vir u kinders met u liefde!

Was jy al in 'n storm?

Het jy al gesien hoe lyk 'n storm oor die see?
Soms lyk ons lewe ook so, of dit voel so.
Maar storms hou nie vir altyd aan nie.
Al lyk die situasie nou vir jou hopeloos, 

kan jy verseker daarop staatmaak dat die see weer gaan kalm word.

Dis 'n natuurwet.

En al maak 'n storm skade, word die skade mettertyd herstel.
Al maak 'n storm ons seer en ruk dit soms ons fondasie onder ons uit, is dit steeds die Here wat die genesing bring.
Die storm gaan ophou en die uitkoms gaan kom, ons moet net vasbyt.

[Aangestuur]

Saterdagmedisyne: Iets om oor te dink

* Vroue is altyd bekommerd oor wat mans vergeet; mans is altyd bekommerd oor wat vrouens onthou.

* Ons sal altyd goeie vriende bly tot ons oud en seniel is; dan word ons weer nuwe vriende.

* My neef is 'n ywerige jagter. Maar die jare stap aan en hy moes onlangs 'n heupvervanging kry. Die ou heup pryk nou op 'n houtpaneel teen sy muur ...

* Hoekom moet spoke stoele rondskuif en goed rondgooi? Hoekom kan hulle nie liewer skottelgoed was en vloere vee nie?

Baie BINGO vir die bingo-liefhebbers

Kom kuier by die Market for Charity!

Market Details

Next Date: Saturday, 3 October 2026

Time: 09:00 – 14:00

Location: McGregor Museum, Atlas Street, Kimberley

Cost: Free entry

Gedig: In die skadu van sy vleuels

Die lang pad van die lewe lê nou agtertoe,
die voete is soms swaar, die hande dikwels moeg.
Maar binne hierdie hawe vind die siel sy rus,
waar die Groot Argitek die storms sagkens sus.

U was die Gids wat elke voetstap lankal ken,
wat gehelp het om die loopbaan klaar te wen.
Vanaf die vroeë jeug tot met die grys van haar,
hou U beloftes stand, bly U genade daar.

Hier in die stilte van die herfs se goue gloed,
is elke dag ’n gawe, elke herinnering goed.
Ons leef nie in die vrees van wat die môre bring,
want God hou self die wag, terwyl die harte sing.

Hier stap ons saam as kinders van die Allerhoogste Heer,
en bring vir elke dag se sorg aan Hom die eer.
Geseënd is die ouderdom, ’n heilige gety,
waar ons vir altyd veilig in Sy skadu bly.

[Anoniem]

Ouma se wenke: Persoonlike versorging

* Elmboë: Suurlemoensap maak skurwe elmboë, asook hande wat deur groente gevlek is, weer mooi wit. Skurwe elmboë kan in ‘n halwe suurlemoen, met 1 teelepel suiker daarin, gevryf word.

* Hare: Spoel ligte hare met suurlemoensap af.

* Vir skoon kamme: Week kamme vir 'n rukkie in warm water waarin 2 teelepels koeksoda opgelos is.

* Mond: kou pietersielie om van ‘n ui- of visreuk in die mond ontslae te raak. 

* Skilfers: was hare en spoel dit af met 1 eetlepel Engelse sout of ‘n teelepel koeksoda opgelos in 500 ml water.

* Seer keel: Gorrel louwarm water waarin sout opgelos is.

Idioom: Jou keel skoonmaak!

Hartsake oor 'n koppie tee: Moenie jou gedrag verander nie ...

’n Man sien hoe ’n slang in die vlamme brand en besluit om dit uit die vuur te bevry. Die slang pik hom toe hy dit vang en dit veroorsaak ontsettende pyn. 

Die persoon gooi dadelik die slang weg en die slang val terug in die brandende vlam. Op hierdie stadium kyk die persoon rond en kry 'n metaalstok. Hy gebruik die stok om die slang uit die vlamme te red. 'n Man wat die voorval dopgehou het, het die persoon genader en vir hom gevra: "Hierdie slang het jou gepik! Hoekom probeer jy nog om sy lewe te red?" 

Die eerste man het geantwoord: "Die aard van die slang is om te pik, maar dit sal nie my natuur verander nie, en my natuur is om te help." 

Moenie jou gedrag verander as gevolg van iemand se slegte geaardheid nie. Moenie die reinheid van jou verstand verloor nie. Leer om versigtig te werk!

Uit die Groot Karoo: Schalk se lewensnippers

Market for charity: Family Fun Day

Market Details

Next Date: Saturday, 3 October 2026

Time: 09:00 – 14:00

Location: McGregor Museum, Atlas Street, Kimberley

Cost: Free entry

Vandag se internetgebed vir jou: Dankbaarheid

Dankie liewe, kosbare Heer, vir al U seëninge en vertroetelings in ons lewe. Daar is so baie dinge waarvoor ons vir U kan dankie sê, as ons begin skryf, sal ons nooit kan ophou nie. Daarom vra ons vir U om liewers ons hart se gordyntjies weg te trek en daarin te loer. Dankie dat ons die warmte van Ú sorgsame Vaderarms om ons kan voel en Ú hartklop in ons hart kan ervaar. Maak ons vandag Ú wonderlike voorbeeld, sodat as ander na ons kyk dat hulle vir Ú sal raaksien en verlang om U beter te leer ken. Dankie dat U ons liefhet met 'n ewige, vergewende liefde. Amen

Oomblik van stilte: 2 Korintiërs 12:9

God sê vir die apostel Paulus sê: “My genade is vir jou genoeg. My krag kom juis tot volle werking wanneer jy swak is.” 

God gee vir ons genade vir elke dag. En die genade wat Hy vir ons gee vir vandag is nie bedoel vir môre nie. Hy gee jou vandag genade vir vandag se behoeftes. Moenie bekommerd wees oor môre se behoeftes. Wanneer môre kom, sal daar verseker vars voorraad van Sy genade wees!

Gebed: Here vandag rus ons in U getrouheid, ons fokus op vandag se genade wat aan al die eise van ons behoeftes voorsien. In Jesus naam. Amen!!

[Aangestuur]

Saterdaglagmedisyne - Ouma

* Susan, vyf, het by ouma in die ouetehuis gaan kuier, terwyl haar ma dokter toe is. Ouma gooi vir hulle vrugtesap in en vertel vir Susan hoe gesond dit is en hoeveel vitamines in 'n glas vrugtesap is.

Sy was besig om dit te drink toe sy begin hik.
"Ouma, moet asseblief nie weer vir my van hierdie sap gee nie," sê sy "Dit laat my tande hoes!"

* Brittany hou haar ouma met groot oë dop, terwyl dié al haar aand se pille uithaal om te drink. Sy besluit om vir ouma te help om die botteltjies oop te maak. Nadat Brittany 'n ruk gespook het om die botteltjie met pille oop te maak, verduidelik ouma dat die prop "Kinderproof" is en dat 'n grootmens altyd sal moet help. Met groot oë vra Brittany: "Maar hoe het die botteltjie geweet dis ék wat hom wil oopmaak?"

* Ouma gaan kuier by haar Gautengse kinders en moet 'n kamer deel met haar tienerkleindogter. Dis gelukkig nie vir een van hulle twee 'n probleem nie, want hulle is nie net naamgenote nie, maar hulle is ook baie erg oor mekaar.

Die Maandagoggend vroeg is die kleindogter universiteit toe, maar vergeet haar skootrekenaar in haar haas in haar kamer.
Haar ouma dink toe dis 'n skaal.
Lang storie kort, ouma weeg R38 000!

Gedig: Die Goue Oes

Die pad was lank, die draaie baie,
deur somerhitte en wintervlae.
Elke rimpel vertel sy eie storie,
van klein oorwinnings en verbygaande glorie.

Ons soek nie meer na die wêreld se geraas,
of om die vinnigste wedloop te haas.
Die ware wysheid lê nou stil en diep,
in die drome wat ons sagkens aan die slaap gesus het.

Dis die kuns om met vrede terug te kyk,
om te weet die siel is ryk.
Nie aan goud of silwer of aardse besit,
maar aan liefde, genade, en die krag van bid.

So stap ons aan in die laatmiddaglig,
met 'n dankbare hart en 'n sagte gesig.
Want die aandwind bring 'n diep verstaan:
elke tree was die moeite werd gewees om te gaan.

[Geskryf deur 'n KI-assistent]

Ouma se wenke: 'n Paar nuttige algemene wenke

* Koperartikels kan skoongemaak word in 'n oplossing van 20 g wynsteensuur, opgelos in 500 ml warm water. Voeg 'n bietjie skottelgoedopwasmiddel by. Vryf die artikel met 'n sagte doek, gedoop in bogenoemde mengsel af.

* Om te verhoed dat silwer messegoed aanslaan, kan 'n paar stukkies bordkryt in die messegoedlaai geplaas word.

* Indien 'n ketel te lank kook, lei dit tot die vorming van 'n aanpaksel aan die binnekant van die ketel wat die lewensduur van die element verkort. Dié aanpaksel kan verwyder word deur 'n oplossing van 3 dele water en 1 deel asyn in die ketel te gooi en dit 'n paar uur te laat staan.

* Gietysterware wat geroes het, kan in terpentyn gedoop word. Die tydperk waarin dit in die terpentyn gelaat word, hang af van hoeveel dit geroes het, maar dit kan wissel van 1 uur tot 3 dae. 

* Twee glase wat in mekaar vassit, kan losgemaak word deur koue water in die boonste een te gooi en die onderste een in warm water te plaas.

[Idioom: Hoop hierdie nuttige wenke is vir jou van waarde voordat my glas leegloop.]

[Bron: Rooi Rose 27 Februarie 1991]