Hartsake oor 'n koppie tee: Die Heer pak ons paadjie uit met die kleurvolste klippies

Klippies van:
Hoop - met jou visie altyd op Hom.
Liefde - ons deel dit graag.
Geluk - want dit is wat Hy vir ons wil hê.
Vreugde - want ons is Sy kinders.
Geduld - Hy leer dit vir ons elke dag.
Moed - om die lewe te leef.
Dankbaarheid - dat ons Hom kan ken.
Stap jou mooiste klippaadjie met die wete jou hand is altyd in Syne!

Hartsake oor 'n koppie tee: Vriendskap

Jy is vir my soos 'n handgemaakte kruik

Vol kosbare olie wat ek nuttig kan gebruik

Olie wat in der ewigheid nie kan opraak

wat ons vriendskap so wonderlik en kosbaar maak

Ek het nooit kon droom daar was 'n sielsgenoot soos jy

en ek het jou op 'n dag sommer pure-verniet gekry!

[Amori Azarel]

Hier in die aftreeoord het ons die geleentheid om tydens die laaste skof van die wedloop vriende te maak wat ons verstaan, wat in dieselfde bootjie as ons is en wat fisies nader aan ons is as ons jeugvriende, oudkollegas familie, kinders en kleinkinders.  

En dalk loop jy 'n handgemaakte kruik in jou gang raak en raak lang dae te kort en die onbekende toekoms draagliker, want daar is iemand wat jy op 'n dag sommer pure-verniet gekry het!

Hartsake oor 'n koppie tee: 'n Kosbare ketting

Vriendskap is 'n kosbare ketting

met skakels van suiwer goud -
dit word met die jare net mooier,
want vriendskap word nie oud!
Spr 17:9 

Wie ‘n oortreding bedek, soek liefde; maar hy wat ‘n saak weer ophaal, skei vriende van mekaar.
Skryf vandag vir iemand 'n brief:

'n briefie om dag te sê, 

iemand geluk te wens, 

op te beur of 

jou waardering uit te spreek.

[Helen Steiner Rice]

Gee vir jouself 'n groot geskenk en indirek ook vir ander

Maak vriende in die aftreeoord of ouetehuis. 

24/7 onder dieselfde dak bied 'n unieke geleentheid aan elkeen om nuwe vriende te maak. Hoekom is dit so belangrik om vriende in die pylvak te hê?

* 'n Vriend luister na wat jy sê, maar hoor ook jou hart.
* Iemand, 'n klipgooi in die gang af, verstaan die hartseer, die verlange en die bangwees van ouer word beter as jou kinders, werkende vriende en gemeentelede - almal in die aftreeoord is mos in dieselfde bootjie.
* Help dra mekaar se laste.
* Hierdie nuutgevonde vriend sal soos 'n warm skuiling wees teen die lewe se stormdae.
* 'n Vriend so naby is meer werd as 'n duisend familielede.
* Die geheim van nuwe vriendskap is om die meeste van die beste te maak en die minste van die slegste.
* Wees vriendelik met elkeen wat jou pad kruis, want elkeen voer 'n innerlike stryd. 

Om so 'n vriend in die aftreeoord te maak, 

moet jy ook bereid wees om so 'n vriend vir iemand te wees. 

Dink hieroor: Troetel die adder

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat die mens moet besluit hoe hy teenoor slange (gaan) optree. En dis hoe dit is met jou vriendskap-probleem. Jy moet leer om te onderskei tussen mense wat soos slange is; en die wat nie so is nie.

Klik HIER as jy wil weet hoe om die adder nie te troetel nie.

Gaan dink gou mooi ...

Nie een van ons is dieselfde nie.

Nie eers naby nie. 

Binne-in jou het God ietsie ekstra gesit. 

Jy ken daardie vriendin wat net maklik lag.

Nou God het in haar 'n lepeltjie ekstra joy bygeroer.  

Dan ken jy daardie vriendin wat altyd so kalm kan bly, no matter what. 

God het in haar twee teelepels ekstra kalmte bygesit. 

So het ons elkeen iets ekstra gekry. 

Jou opdrag is eenvoudig, gaan deel jou ekstra vandag en elke dag verder vorentoe. 

As iemand ooit weer vir jou sê jy is te veel of te ekstra, dan sê jy: "My ekstra is nie God se hand wat geglip het nie, dit is 'n opdrag van God om dit met die wêreld te deel." 

[Dankie, Rosetta! Klik HIER om kennis te maak met die skrywer en motiveringspreker en lees gerus haar blog.]

Die waarde van goeie vriende

"Ek het nooit op 'n bank gesit en met my Pa gesels nie ... toe ek trou, is ek uit die huis uit en ek het hom agtergelaat ...

Jare later, nadat ek getroud is, sit ek eendag saam met hom op sy rusbank met 'n koue koeldrank in die hand op 'n baie warm dag. Terwyl ons gesels oor die volwasse lewe, die huwelik, verantwoordelikhede en verpligtinge, is my Pa baie ingedagte en hy kyk na my met 'n ernstige uitdrukking.

'Moet nooit jou vriende vergeet nie' sê hy, 'hulle sal al hoe belangriker word, hoe ouer jy word.' 

'Ongeag hoe lief jy jou familie, jou vrou en jou kinders het, jy sal altyd vriende nodig hê.'

'Onthou om af en toe met hulle uit te gaan en te kuier, dinge saam met hulle te doen en hulle te bel ...'

Watse vreemde advies, het ek gedink! Ek is 'n getroude volwasse man, ons eersteling is op pad en sekerlik sal ons gesin en familie alles wees wat sin aan my lewe gee!

Ek het egter sy advies ter harte geneem, met my vriende kontak gehou en jaarliks het daardie getal stadig toegeneem! Oor die jare het ek besef my Pa het presies geweet waarvan hy praat!

Na 50 jaar van lewe, is dit wat ek geleer het:

• Tyd gaan verby.
• Die lewe gaan verby.
• Afstand vergroot.
• Kinders word groot, word onafhanklik en breek ons harte, want hulle beweeg aan in die lewe.
• Werk kom en gaan.
• Illusies, drange, aantrekkingskrag, seks ... word swakker.
• Mense doen wat hulle nie veronderstel is om te doen nie.
• Ouers sterf.
• Kollegas vergeet gunste wat jy hulle gedoen het.
• Die wedloop kom geleidelik tot 'n einde.

Maar ware vriende is altyd daar, ongeag hoe lank of hoeveel myle hulle van jou af is.

'n Vriend is nooit verder as 'n telefoonoproep nie, en hulle wag gewoonlik vir jou met oop arms, 'n glimlag op die gesig of 'n seënspreking vir jou lewe!

Toe ons hierdie avontuur begin het wat ons die LEWE noem, het ons nooit geweet van al die ongelooflike vreugde en hartseer wat dit op ons pad sal bring nie!

Ons het nie besef hoeveel ons van mekaar nodig sal hê nie.

Wees baie lief vir jou ouers, sorg vir jou kinders, maar behou 'n klomp goeie, dierbare vriende!

Opgedra aan al my vriende. Mag God julle elke dag seën en koester!

[Geleen vir internasionale vriendskapdag vandag]

Vriendskapsdag ...

Jou vriendskap is 'n stukkie hemel ...

Die "katterige inwoners" van Ons Huis ...

"Katterige inwoners" is 'n wêreldwye verskynsel. Hulle boek hulself by skoolkoshuise, fabrieke, hospitale en selfs ouetehuise in, ongeag of hulle enige vorms ingevul het, of hulle oud genoeg is vir die aftreeoorde en of hulle aan enige ander vereistes voldoen. Hulle wurm hulle in en alhoewel jy dit nie weet nie, kan `n kat 'n direkte impak op jou lewe hê, met baie spesifieke voordele.

Katte is nie moeilik om te versorg in teenstelling met ander diere nie. Verder is hierdie diere is baie intelligent. Katte kan op emosionele, sosiale en fisieke vlak ‘n baie belangrike ondersteunende rol speel in die lewens van hul menslike eienaars.

Katte bied vriendskap aan die eensames, onvoorwaardelike aanvaarding aan dié wat verwerp voel, en oefening en ontspanning aan die wat ‘n behoefte daaraan het.

Gaan lees meer van katte by hierdie webwerf en ook hier.

VITAMIN F

Why do I have a variety of friends who are all so different in character ? How can I get along with them all?              

I think that each one helps to bring out a "different" part of me.

* With one of them I am polite.

* I joke with another friend.

* I sit down and talk about serious matters with one.

* With another I laugh a lot.

* I listen to one friend's problems.

* Then I listen to another one's advice for me.

My friends are all like pieces of a jigsaw puzzle. When completed they form a treasure Box !!!

We all pray for each other.

Even Doctors tell us that friends are good for our health.

Dr. Oz calls them Vitamin F (for Friends) and counts the benefits of friends as essential to our well being.      

Research shows that people in strong social circles have less risk of depression and terminal strokes. 

If you enjoy Vitamin F constantly, you can be up to 30 years younger than your real age. 

The warmth of friendship stops stress and even in your most intense moments it decreases the chance of a cardiac arrest or stroke by 50%.

*I'm so happy that I have such a huge stock of Vitamin F.

[Dankie aan Marguerite Pienaar, een van ons getroue lesers, wat hierdie vitamine-wenk met ons gedeel het. Dit is duidelik dat ons almal in ons besige lewens 'n tekort aan hierdie belangrike vitamine het.]   

'n Ware vriend...

Vriendskap...

'n Ware vriend...

Vriende en familie...

Vriende...

Vriendskap!