Saterdaglagmedisyne - Van der Merwe

* 'n Ou man is elke Maandagoggend met ipekonders by die dokter. Die oggend vra die dokter: "Oom, wat is vandag die probleem?"

"Ag doktertjie," antwoord die ou man bewerig, "ek het tog so 'n vreeslike pyn in my roer." 

"Haai, oom. Waar sit oom se roer?"

"Nee, ek weet nie. maar elke keer wanneer ek roer, dan pyn dit."

* Koos en sy drinkersvriend sit rustig in die kroeg toe hy skielik na die telefoon geroep word. Hy is nog nie terug op sy stoel nie, of hy bestel 'n dubbele brandewyn en Coke.

"En nou?" vra sy maat.

"Ek het nou net gehoor ek het twee weke om te lewe."

"Was dit jou dokter wat jou gebel het?"

"Nee, my vrou. Sy gaan vir twee weke by haar suster kuier."

* Van der Merwe se vaderlike trots ken geen perke nie.

Sy seuntjie het skaars met vioollesse begin, of hy vertel sy kroegvriende die kind het so 'n natuurlike aanleg dat die bure sy huis se ruite stukkend gooi om die musiek beter te kan hoor.

[Bron: Finansies & Tegniek, 3 November 1995]

Gedig: Aaispaai

Ek vra vir Ma wat sy verstaan

onder die woordjie ewigheid.

Sy sê: daar is geen tyd,

maar alles gaan net aan en aan.

Dit moet dan iets beteken

soos 'n Royalbakpoeierblik

met prent op prent geteken:

jy kry net blik op blik op blik.

[DJ Opperman: Kuns-mis 1964] 

Klik gerus HIER vir inligting oor die digter.

Ouma se wenke: Bestuur beter

1. Wees vriendelik en hoflik teenoor ander bestuurders. (Soms moet 'n mens maar op jou tande kners - probeer nietemin!)

2. Stel veiligheid bo alles.

3. Besef dat jy 'n verantwoordelikheid het teenoor almal wat saam met jou in die kar is.

4. Bly kalm en ten alle tye waaksaam agter die stuurwiel.

5. Wees op jou hoede vir voetgangers, veral kinders.

6. Onthou dat tweewielvoertuie dieselfde regte as motors op die pad het.

7. Hou jou motor behoorlik in stand en laat hom gereeld met die oog op veiligheid nasien.

8. Moet nooit onder die invloed van alkohol bestuur nie.

9. Gehoorsaam alle verkeerswette.

[Ek sien so dikwels hoe mense vir mekaar vinger wys of ligte flikker en om alles te kroon, klim hulle graag op hul voertuig se toeter. Niks van hierdie aksies, gaan die situasie verbeter nie. Verdraagsaamheid is eintlik die wagwoord. As elkeen wat hier lees, probeer om meer agter die motor se stuur te glimlag en minder te toet, kan ons dalk ... net dalk 'n verandering sien. Hierdie onmoontlikheid verg dieselfde deursettingsvermoë wanneer 'n olifant geëet moet word ... happie vir happie.]      

Ek woon in 'n aftreeoord - en dit is wat min mense verstaan

~ deur Johan Potgieter vir ONS GOUE JARE ~

Toe ek in ’n aftreeoord ingetrek het, het ek gedink ek trek net na ’n kleiner plek toe.

Minder tuin.

Minder huiswerk.

Minder bekommernis.

Maar ek het gou besef: ’n mens trek nie net uit ’n huis uit nie. Jy trek uit ’n hele fase van jou lewe uit.

My ou huis was vol herinneringe. Die tuin. Die kaste. Die merke teen die deurkosyn. Die gewone dinge wat vir ander mense dalk niks beteken nie, maar vir jou ’n hele lewe se storie dra.

Tog is daar ook groot gemoedsrus in ’n goeie aftreeoord.

Ek slaap rustiger. Daar is mense naby. Daar is sekuriteit. My kinders hoef nie elke dag te wonder of ek alleen sukkel in ’n groot huis nie.

Maar veiligheid alleen maak nie ’n mens gelukkig nie.

Wat regtig saak maak, is hoe mense jou behandel.

’n Vriendelike groet.

’n Versorger wat jou naam onthou.

Bestuur wat luister.

Personeel wat nie net werk doen nie, maar mense raaksien.

Dán begin ’n plek stadigaan soos ’n tuiste voel.

Daar is ook nuwe geselskap. ’n Koppie tee. ’n Kerkdiens. ’n Musiekoggend. ’n Gesig wat bekend raak. ’n Bankie in die son.

Sulke dinge klink klein, maar op ’n sekere ouderdom is dit nie klein nie. Dit is deel van waardigheid.

Maar alles is nie altyd maklik nie.

Jy verloor ook iets. Jou eie ritme. Jou eie huis. Jou eie manier van dinge doen. Daar is reëls, roetines en ander mense se behoeftes ook. Dit vra geduld — en soms vra dit dat jy stilweg afskeid neem van ’n lewe wat verby is.

En dan is daar eensaamheid.

’n Mens kan tussen ander mense woon en steeds alleen voel. ’n Aftreeoord kan geselskap moontlik maak, maar dit kan nie familie vervang nie.

’n Oproep.

’n Besoek.

’n Boodskap wat vra: “Hoe gaan dit regtig?”

Dit bly kosbaar.

As ek vandag vir families iets kan sê, is dit dit: moenie net na die mooi woonstel kyk nie. Kyk hoe mense behandel word. Kyk hoe personeel met inwoners praat. Vra wat gebeur as gesondheid verander. Vra wat ekstra kos. Vra hoe klagtes hanteer word.

’n Aftreeoord se ware karakter wys nie in sy advertensies nie. Dit wys in sy gange, sy eetsaal en sy sorgsentrum.

’n Goeie aftreeoord kan ’n groot seën wees. Maar dit werk net reg wanneer die mens agter die kamernommer steeds raakgesien word.

Want op die ou end soek ons almal dieselfde ding:

Nie net ’n plek om oud te word nie, maar ’n plek waar ons met waardigheid kan leef.

Wat dink jy maak die grootste verskil in ’n aftreeoord — veiligheid, sorg, familiebetrokkenheid, of die manier waarop mense behandel word?

Lesers is welkom om aan ONS GOUE JARE te skryf en ons sal die skrywe oorweeg vir publikasie. onsgouejare@retirementzone.org 

Lees ONS GOUE JARE TYDSKRIF gratis deur te gaan na:

https://onsgouejare.co.za/index.php/tydskrif 

[Dankie, Elmari, vir die aanstuur]

Uit die Groot Karoo: Schalk se lewensnippers

Vandag se internetgebed vir jou: Oggendgebed

By waterstrome

in die grys van die môrelig 

bring ek myself voor U, my God.
Gestroop van dit wat die wêreld van my weet.
Elke klein gedagtetjie is aan U bekend.
Al my drome lê mooi uitgepak.
Elke kommer het U eerste raak gesien.
Heer, stroop my van alle onsuiwerheid.
Gebruik my vandag tot U eer.
Laat my luister na die Heilge Gees wat my bewoon.
Help my onthou van hoe Jesus mense na U gelei het.
My Almagtige God en Vader, 

dankie vir die voorreg om te weet. 

Dankie vir elke seëning en U aanraking.
U ken elke fasset van my lewe.
U verstaan elke oortreding.
In hierdie grysoggend-uur is ek dankbaar.
U is in beheer van my lewe.
Laat U lig deur my skyn vir elke eensame siel daar buite.

Elke kind verdien dit om veilig en geliefd te voel

Kinderbeskermingsweek in Suid-Afrika vind plaas van 29 Mei tot 5 Junie 2026. Dit val onder die breër, maandlange viering van Kinderbeskermingsmaand. Vanjaar se nasionale veldtog se tema is: 

"Werk saam om geweld teen kinders te beëindig."

Hierdie is so 'n belangrike saak en elkeen van ons moet die dag van môre se belange op die hart dra. 

Koop 'n groen strikkie en dra dit vir hierdie week by die werk of sommer net dorp toe en as iemand jou uitvra oor die groen strikkie, is dit die ideale geleentheid om oor kindermishandeling, boelie en beskerming te praat.   

Kontaknommer om van die strikkies te bekom:

053 831 2413

Moenie uitstel nie, kry sommer NOU jou groen strikkie! 

Oomblik van stilte: 1 Kon. 3:9a

Gee dus u kneg 'n opmerksame hart om reg te spreek oor u volk en tussen goed en kwaad te onderskei,

Die Here wil aan jou wysheid gee en dit begin met 'n opmerksame hart. 'n Hart wat na God se stem sal luister en doen wat God sê om te doen. Met so 'n hart sal jy God se Gees van onderskeiding hê.
Dan wil God jou mond aanraak om reg te spreek tot sy heerlikheid en eer.
Vers 26b: Want hulle het gesien dat daar goddelike wysheid in sy binneste was om reg te doen.
Dit is wat God aan jou wil gee, sy wysheid, deur sy Gees.

Dankie, Here, dat u wysheid my op die pad gehou het, deur my voete op die regte pad te rig. Here, gee my wysheid om goeie en regte besluite daagliks te neem deur u wysheid. Help my om U te aanbid, met u woorde van wysheid en 'n opregte hart in my binneste. Ek wil nie op mense of prinse vertrou nie, maar net op U. Ek wil u gebooie en insettinge onderhou. Ek dank U dat ek dit vanoggend kan bid van U, in Jesus Naam. Amen.

[Aangestuur deur Pieter Swanepoel]

Saterdaglagmedisyne - Wat is 'n soen?

Twee ou omies sit op Ons Huis se stoep en praat oor vergange se dae. Later draai die gesprek in die rigting van soene. En skielik wonder die een oom waar het die gebruik van soen vandaan gekom? Oupa John is nie links nie en haal sy nuwe slimfoon uit. Vandat hy dit vir sy verjaardag gekry het, probeer hy die inwoners tydig en ontydig daarmee beïndruk. Hy besluit om hierdie vraag vir Google te vra.

Oupa John tik: "Wat is 'n soen?"

Antwoord: *Volgens 'n Franse navorser beteken 'n soen omtrent 250 bakterieë en dus 3 minute minder leeftyd. 

* Wanneer laas het jy jou geliefde in jou arms geneem vir 'n lekker lang innige kus? As dit verlede maand of selfs verlede jaar was, is jou verhouding beslis in gevaar.

* Navorsing wat deur 'n versekeringsmaatskappy gedoen is, toon dat mans wat hulle vrouens soggens voor werk tot siens soen in minder motorongelukke betrokke raak as nie-soeners.

Verstom oor al die feite en nuwe inligting wat hy beslis met sy tafelgenote gaan deel, vra oupa John vir Google nog so 'n paar feite.

Hier is nog interessanthede omtrent soene wat jy moontlik nie van geweet het nie:

* Verliefdes oefen 'n druk van tussen dertien en veertien kilogram op mekaar se lippe uit - egpare minder as een.

* Kenners glo soenery het per ongeluk 4000 gelede in Indië ontstaan waar dit die gebruik was om neuse teen mekaar te vryf - totdat iemand gegly het en gevind het dat die mond sensitiewer is as die neus.

* Toe twee tieners in 'n motor by 'n verkeerslig in Rio De Janeiro gesoen het, het die tandedraadjies aan hulle tande verstrik geraak. Hulle het die verkeer twee en 'n halfuur lank opgehou, voordat 'n tandarts hulle uitmekaar kon kry.

Oupa Jack: "Sê my, John, weet jy nou wat 'n soen is?"

Gedig: Sypaadjiemense

Sypaadjiemense Sypaadjiemense
Beweeg soos skimme in die straat verby
Sypaadjiemense Sypaadjiemense
Beweeg gesigloos voor my hart verby

ek wens ek kon ‘n kiekie-kyk
hoe jou wêreld diep daar binne lyk
‘n stukkie van jou drome leen
ek wonder wie jy is

ek wens ek kon die taal verstaan
waarin jy jou gedagtes baan
ek wens ek kon ‘n oomblikkie
jou lewenspaadjie deel

Sypaadjiemense Sypaadjiemense
Beweeg soos skimme in die straat verby
Sypaadjiemense Sypaadjiemense
Beweeg gesigloos voor my hart verby

miskien is dit dalk beter so
want as ons iets van almal weet
die hartseer dalk te swaar te veel
die liefde dalk te mooi

stap maar bymekaar verby
ek bly ek en jy bly jy
‘n enkelpaadjie iewers heen
ek wens ek kon verstaan

Sypaadjiemense Sypaadjiemense
Beweeg soos skimme in die straat verby
Sypaadjiemense Sypaadjiemense
Beweeg gesigloos voor my hart verby

Sypaadjiemense Sypaadjiemense
Beweeg soos skimme in die straat verby
Sypaadjiemense Sypaadjiemense

Nikita

[Bron HIER]

Ouma se wenke: Gee jou geheue 'n hupstoot

Die beste spyskaart om die geheue en breinfunksie 'n hupstoot te gee, en goeie bloedvloei na die brein te bevorder, is baie soos wat jy sal eet om jou hart te voed en te beskerm. 

* Eet gereeld groente

* Geniet bessies en kersies.

* Kry genoeg omega-3-vetsure

* Seekos

* Werk okkerneute in 

(Transcare: derde uitgawe)

[Idioom: Ons het almal die geheue van 'n olifant nodig!]

Hartsake oor 'n koppie tee: Die Genade in die aanvaarding van verandering

Daar was 'n tyd toe ons geglo het ons het beheer oor alles - ons dae, ons kinders, ons loopbane, selfs die rigting van die lewe self. Ons het versigtig beplan, styf vasgehou aan drome, roetines, mense. En miskien was dit toe nodig. Die lewe het ons gevra om te bou, om te sorg, te lei, te beskerm.

Maar stadig maar seker skuif die lewe.

Een vir een begin die dinge wat ons so styf vasgehou het, weg te glip - nie altyd met pyn nie, maar soms met stille waardigheid.

Die kinders word groot en trek weg - nie uit minagting nie, maar omdat hulle hul eie lewens moet bou.
Geliefde huise word verkoop, nie omdat hulle nie gekoester is nie, maar omdat dit moeiliker geword het om daardie trappe te klim.

Ons rolle - as bestuurder, moeder, ingenieur, onderwyser - vervaag in die agtergrond, soos name wat in sagte sand geskryf is.

En dan is daar 'n oomblik - 'n stil middag, miskien - wanneer ons rondkyk en besef: die lewe het verander.

Die mense wat ons elke dag gebel het, stuur nou boodskappe. Die gesigte rondom ons is nuut. Selfs ons eie weerkaatsing dra sagte lyne wat ons nooit opgemerk het nie.

Maar in plaas van hartseer, begin iets anders intrek.

'n Soort vrede.

Ons verstaan, stadig, dat loslaat nie oor verloor gaan nie. Dit gaan oor ruimte maak - vir stilte, vir vrede, vir besinning.

Loslaat beteken om ons harte toe te laat om herinneringe sonder kettings te dra.

Dit beteken om te aanvaar dat ons nie meer die middelpunt van die wêreld is nie - maar ons is steeds deel daarvan, diep en pragtig.

Loslaat is nie swakheid nie. Dit is genade - die genade van die rivier wat vorentoe vloei, nie die rotse weerstaan ​​nie, maar rondom hulle dans.

Dit is in hierdie jare - wanneer die wêreld stiller word - dat ons die ware krag van aanvaarding leer.
Ons hou minder vas, maar ons voel meer.
Ons jaag minder na, maar ons waardeer meer.
Ons praat minder, maar wat ons sê dra diepte.

En so sit ons by die venster, drink ons ​​tee en glimlag – nie omdat die lewe perfek was nie, maar omdat ons geleef het, ons liefgehad het en ons laat gaan het ... met grasie.

[Dankie, Rosetta, vir die aanstuur.]

Uit die Groot Karoo: Schalk se lewensnippers

Vandag se internetgebed vir jou: Dankgebed

Hemelse Vader, ek dank U vir die kosbare Woord wat U in my lewe gespreek het. Dankie dat U Woord my rein maak en my hart suiwer, nie deur my eie werke nie, maar deur U genade en waarheid. Ek prys U, Here Jesus, dat U my nie verlaat nie, maar dat U beloof het om in my te bly soos ek in U bly.

Dankie dat U my verbind het aan Uself, die ware Wingerdstok, sodat ek nie uit my eie hoef te leef nie, maar deur U krag en lewe. Ek is dankbaar dat U my geroep het om vrug te dra, vrug wat getuig van geloof en liefde, en wat die Vader verheerlik.

Here, ek waardeer die sekerheid dat sonder U ek niks kan doen nie, want dit leer my nederigheid en afhanklikheid. Dankie dat U my nie losmaak wanneer ek swak is nie, maar dat U my vas hou en my versterk om steeds in U te bly.

Ek loof U vir die vrug wat U in my lewe voortbring - liefde, vrede, gehoorsaamheid en geloof – want dit is alles U werk in my. Mag my lewe altyd ’n dankoffer wees tot U eer.

In Jesus se Naam dank ek U, Here.
Amen.

Oomblik van stilte: Jes. 6:3c

Die hele aarde is vol van sy heerlikheid. 

Met jou menslike oog sal jy niks sien nie, net die Heilige Gees kan jou oë open en die heerlikheid  en heerskappy van God aan jou uitwys. 

Oral om jou is die heerlikheid van God; om jou is die mooiste en beste heerlikheid van God sigbaar.

God wil Homself vandag aan jou openbaar.

Soek God en vra na Hom en Hy sal aan jou openbaar gemaak word.

Terwyl die engele saam sing, bewe die drumpelposte van God se huis en rook vul sy huis.

Dankie, Here, vir u engele wat aan U lof toebring. Die engele ken God en besing sy glorie dag en nag en sal nooit ophou om God te verheerlik nie; selfs die deurposte bewe terwyl die roepers dit uitroep: "Heilig heilig is die Here van die leërskare." In aanskoue daarvan het Jesaja sy onreinheid gesien en besef dat hy verlore is. Maar God sal my aanraak en ek sal ook uitroep: Heilig, heilig, heilig is die Here van die leërskare. Amen.

[Aangestuur deur Pieter Swanepoel]

Saterdaglagmedisyne - Oupa & ouma

* Besige Billy se pa moet ingaan vir 'n operasie en ouma besluit om te kom hand bysit en die kind te help met huiswerk en te help met die rondryery.

Sy pa word uit die die hospitaal ontslaan en ouma gaan haal hom. By die huis aangekom, kry sy hierdie blink idee om 'n bietjie vir Billy tot kalmte en rustigheid te maan.

Ouma: "Billy, jy moet nou soet wees en baie stil. Die dokter het jou pa se blindederm verwyder en hy het baie pyn."

Billy: "Het pa dit ook op huurkoop gekoop?"

*  Waarom het oupa vir hom op sy oudag 'n BMW gekoop?

Hy kan dit maklik spel.

* Hoe noem 'n mens 'n Honda met een sitplek?

Ballade vir 'n enkeling.

Boodskap uit 'n koevert: Die eerste keer

Die geloof dan is 'n vaste vertroue op die dinge wat ons hoop, 'n bewys van die dinge waat ons nie sien nie. Hebreërs 11:1  

Bid en doen

Twee dogtertjies het op pad skool toe hul tyd effens verspeel en was bang dat hulle laat sou kom.

"Kom ons kniel en bid dat ons betyds moet wees," sê die een toe.

"Nee, " sê die ander een, "kom ons hardloop terwyl ons bid."

Ons behoort nie net te bid nie, maar in die geloof 

ook tot handeling oor te gaan,

 wanneer dit vir ons duidelik is wat om te doen

Die eerste keer

Georg Müller, die man wat 'n weeshuis in die geloof gestig het en met kinders en al volkome van God vir hulle daaglikse lewensonderhoud afhanklik was, het by geleentheid gesê: "As die Here my hierdie keer teleurstel, sal dit die eerste keer wees."

Gedig: Die inhoud van hulle huis

om die wêreld klein te kry, mak in miniatuur:

'n potplant as teken van woeste natuur

tyd deur 'n horlosie afgerond

'n geskoolde troeteldierhond

'n mat is 'n mandala in die portaal

op die rak 'n woordeboek van die inwonertaal

yskasmagnete wat soos ikone versier

'n waterkleurstorm hang teen die muur

verniste hout en skoongewaste ruite

raam vir hulle die wêreld daar buite

[Loftus Marais: Staan in die algemeen nader aan vensters 2008]

Ouma se wenke: Neusbloei

Hieronder is stappe wat jy kan neem wanneer 'n persoon se neus bloei:

* Laat die persoon regop sit en effens vorentoe leun. Moenie die persoon laat lê nie en moenie die kop agtertoe laat hang nie.

* Gebruik jou duim en indeksvinger om die neus ferm net onder die been vas te knyp.

* Kyk op die horlosie om die drukking vir 5 minute aan te wend.

* As die bloeding na vyf minute aanhou, herhaal die proses.

* Indien die bloeding hierna aanhou, kry mediese sorg.

(Transcare: Derde uitgawe) 

[Idioom: Moenie jou neus optrek vir hierdie wenke nie.] 

Ascension Day by Malcolm Guite

We saw his light break through the cloud of glory
Whilst we were rooted still in time and place
As earth became a part of Heaven’s story
And heaven opened to his human face.
We saw him go and yet we were not parted
He took us with him to the heart of things
The heart that broke for all the broken-hearted
Is whole and Heaven-centred now, and sings,
Sings in the strength that rises out of weakness,
Sings through the clouds that veil him from our sight,
Whilst we our selves become his clouds of witness
And sing the waning darkness into light,
His light in us, and ours in him concealed,
Which all creation waits to see revealed .

Hartsake oor 'n koppie tee: Innerlike lig

Mense is soos gebrandskilderde vensters.
Wanneer dit sonnig en helder is, 

skitter en gloei hulle,
maar wanneer die son ondergaan, 

word hulle ware skoonheid
weerspieël deur hulle innerlike lig.

(Skrywer onbekend)

Uit die Groot Karoo: Schalk se lewensnippers

Vandag se internetgebed vir jou: Gebed om geluk

Dierbare Vader,

My grootste begeerte is om gelukkig te wees.
Op materiële gebied probeer ek alles in my vermoë
om dit te vind, maar steeds ontwyk dit my.
Uit U Woord leer ek dat ware en
standhoudende geluk van binne kom;
uit die diepte van my gees en gemoed.
Help my om Christus as die middelpunt
van my lewe te kies en te lewe
volgens die voorskrifte van U Woord.
Help my om in alle omstandighede dankbaar te wees
en nooit negatief te dink of op te tree nie.
Gee dat ek my naaste sal liefhê soos myself,
hulle nood sal raaksien en altyd gewillig
sal wees om te help.
Leer my om gou te vergewe en stadig om te veroordeel.
Bly altyd by my, want slegs dán
is geluk binne my bereik.
Amen

[Solly Ozrovech]

Moedersdaggedagtes van Jean Kyler McManus

'n Moeder ken jou werklik.

'n Moeder gee werklik om vir jou.

'n Moeder sal jou

in haar gedagtes

en in haar gebede onthou ...

'n Moeder het reg van die begin

jou altyd liefgehad.

En sy sal staan by jou

In woord en gebed en daad!

Ons wil aan elkeen van ons inwoners en ook ons lesers 'n geseënde Moedersdag toewens. Dankie vir al julle liefde, opofferings, trane, harde werk en deursettingsvermoë toe julle self moeg en oorlaai was. Dankie vir die spore wat julle in jul kinders se lewens, maar ook in ander se lewens gelaat het. En saam met Jean Kyler McManus wil ons dankie sê vir die ontelbare gebede wat ons op die regte pad gehou het en nog steeds hou. In vandag se deurmekaar wêreld moet ma's hulle gebede verdubbel, want dis hierdie knielwerk wat kinders op hul voete hou. Vreugdewense.

Oomblik van stilte: 2 Kron. 20:9

As daar oor ons onheil kom - swaard, straf of pes of hongersnood - sal ons voor hierdie huis en voor u aangesig staan; want u Naam is in hierdie huis; en ons sal U aanroep uit ons benoudheid, dat U kan hoor en verlos.

Die hoofpunt vanoggend is om God aan te roep.

Die Here alleen wil jou uit al jou probleme, aanvalle, ongeregtigheid, en sonde verlos.

Maar, laat jou huis en almal wat daar ingaan, altyd weet dat die Naam van die Here God, alleen koning is in jou huis. Buig jou hoof na die aarde toe en aanbid God. 

O Here my God, ek roep U aan omdat u Naam in my huis is. Ek kom staan voor u aangesig, en roep U aan in my benoudheid. U sal my hoor as ek roep en U sal my verlos. Ja, in u hand is krag en sterkte, sodat niemand teen U kan stand hou nie (vers 6b). Dankie, Here, dat U neergedaal het om in my huis te kom woon. Amen.

[Aangestuur deur Pieter Swanepoel]

Vir ma ...

Dis Moedersdag. Ek stap deur my goed versorgde tuin en pluk my mooiste roos - vir my ma. My gedagtes gooi ver draaie tot daar dóér in die bywonershuisie. Ma, by die voetenent van hul bed, knielend, biddend. Die kaalvoetdogtertjie in die verslete nagrokkie wil weet: "Ma, hoekom bid ma so lank?"

Sonder om te aarsel, kom die antwoord: "Vir jou, my kind, want om ongedeerd deur hierdie wrede wêreld te kom en om jou drome verwesenlik te sien, sal jy baie gebed nodig hê."

Vandag, sewentig jaar later, weet ek dat ma se gebede my nog altyd dra. En nou bring ek dié roos en vra dat my ma my moet vergewe vir die talle kere dat ek die pad byster geraak het. Ek is jammer dat ek gevra het vir die laaste tiensjielingnootjie in die "kêsboksie," maar die blink skoentjies met die strikkies was só mooi, Ma! Op sestien was ek seker maar te selfsugtig om op te let hoe verslete ma se skoene was.

Dankie, Ma. Ek bring hierdie roos, al is dit sewentig jaar te laat.

Jo Goodwood

[Hierdie brief het in die negentigjare in 'n tydskrif verskyn en 'n fotostaat daarvan het sy weg na my lessenaar gevind wat ek graag deel.]

Saterdaglagmedisyne - Oumas en oupas

 * 'n Ouma vertel van 'n voorval in haar dogter, wat 'n kleuterskoolonderwyseres is, se klas.

Soms kom kleintjies in hulle onskuld met pragtige antwoorde vorendag.

Die juffrou vra vir die klassie waarom mense klere dra.

Die eerste antwoord wat sy gekry het, was: "Om hulle skoon te hou."

* Die rede waarom oupas, oumas en kleinkinders so goed oor die weg kom, is omdat hulle ‘n gemeenskaplike vyand het.

* Ouma se raad aan haar kleindogter.

Onthou: * Sommige mense trou vir liefde.

* Ander trou vir geld.

* En 'n baie klein handjievol gelukkiges trou vir albei.

Gedig: Namibië

Soos ’n ryp vrug, reg om gepluk te word
wag hierdie land sy besoeker in.
Begeer hy om te onthul
skatte van eers, kosbaarhede van nou.

So ’n dorre land
almal deel saam, die hegte band.
Hy wil verras
met flenters van kameeldoringbas.

Hy wil oes
die verwering van roes.
Swart koue yster, so kul
boorlinge, so gul.

Verlate langs ’n sandroos
lê eens mens - nou net beendere, sielloos …
Geroeste skeepsgeraamtes
beur deur die sand,
geen oorlewing, daar gestrand
saam deel hul ’n laaste lêplek.

Tot duinsand hul eendag
heel bedek.

Namibië, land met kontras.
Hy lok jou uit, hy wil verras
inwoner en gas.
Pak sy mooi, sy roes en eensaamheid,
binne-in jou hart
se tas.

[Ina van Vuuren - bron]

Ouma se wenke: Waar kry ek finansiële advies?

Baie baie jare terug het ek hierdie belangrike finansiële raad gelees en ek voel ek moet dit deel. Dalk help dit iemand. Die eerste belangrike stap is natuurlik om hulp by ‘n finansiële beplanner te kry.

 
Waar kry ek ’n finansiële beplanner? 

* Vra jou vriende of hulle iemand reeds gebruik en kan aanbeveel. 

* Indien jy nie daar geholpe raak nie, gaan na die webblad van die Instituut vir Finansiële Beplanning (FPI) by www.fpi.co.za. 

* Dit word sterk aanbeveel dat jy net met ’n finansiële beplanner werk wat by die FPI geregistreer is.
* As jy iemand se naam het, kan jy na die Raad op Finansiële Dienste se webblad (www.fsb.co.za) gaan om te sien vir watter kategorieë van advies daardie persoon geregistreer is.
* Vertrou ook jou instink – as jy ongemaklik voel, vra vrae totdat jy gemaklik voel of loop weg. Die persoon met wie jy werk, moet vir jou alles op skrif gee en dit moet op so ’n manier verwoord wees dat jy presies weet waar jy staan en wat dit jou gaan kos. As jy nie gemaklik is oor die kostestruktuur of die deursigtigheid daarvan nie, is dit ’n rooi vlag.
* Die Pensioenkantoor beveel aan dat jy meer as een mening kry. Wees versigtig vir persone (“adviseurs”) wat vir jou sê: “Ek gaan na jou kyk, jy hoef oor niks bekommerd te wees nie, vertrou my, teken hier.”
* Goeie adviseurs met kundigheid en integriteit gee vir hul kliënte die volledige inligting, met ’n aanbeveling wat hy/sy dink die regte besluit is, sodat die kliënt die finale besluit neem.
* Daar is dus nie so iets soos “jy moet nou teken, anders gaan jy jou kans verbeur nie”.  Onthou die goue reël:  As iets te goed klink om waar te wees, is dit! 

[Idioom: Moenie jou geld in die water gooi nie!]

Die stille Mei

Mei het stil-stil ingesluip ... soos daai eerste koue oggend waar jy dink dis nog herfs, maar jou tone weet dis al winter. 

En daar sit ons - hare in krullers, ’n warm koppie koffie in die hand, ’n warmwatersak wat sy eie persoonlikheid ontwikkel het - en ons besef: dis nie die ouderdom wat pla nie ... dis die “side effects!”

Daai knars in die knieë wat soos ’n ou houtvloer klink, die bril wat jy elke vyf minute soek terwyl hy al die tyd op jou kop sit, en die oomblik wanneer jy opstaan en vergeet hoekom jy opgestaan het! 

Maar weet jy wat?

Selfs met al hierdie “bywerkings,” is daar iets besonders aan hierdie seisoen van ons lewens.

Ons lag harder.

Ons waardeer die klein dinge meer.

Ons weet nou dat ’n koppie koffie nie net ’n drankie is nie - dis ’n oomblik van genade. 

Mei is hier - ’n nuwe maand, ’n nuwe kans om weer lig te bring, al voel ons soms soos daai hen met die krullers en die yssakkie!

Kom ons stap hierdie maand in met humor in ons harte, dankbaarheid in ons gees en ’n warm kombers naby genoeg vir noodgevalle. 

Mag Mei vir jou wees:

✨ vol lag

✨ vol vrede

✨ en net genoeg energie om elke dag met moed aan te pak

Onthou:

Ons raak nie oud nie ... ons raak net meer interessant! 

[Dankie, Valerie!]

Hartsake oor 'n koppie tee: Drie dinge ...

Die lewe van drieë!!
3 dinge in die lewe wat nooit terugkom wanneer dit verby gegaan het nie:
- Tyd
- Woorde
- Geleenthede

3 dinge in die lewe wat jy nooit moet verloor nie:
- Moed
- Hoop
- Humeur

3 dinge in die lewe wat die waardevolste is:
- Geloof
- Gebed
- Liefde

3 dinge wat 'n persoon maak:
- Hardwerkendheid
- Vindingrykheid
- Verantwoordelikheid

3 dinge wat 'n mens kan vernietig:
- Lusteloosheid
- Trots
- Woede

3 dinge in die lewe wat konstant is:
- God
- Veranderinge
- Dood

3 Wese wat jou liefhet en nooit sal verlaat nie:
- Die Vader
- Die Seun en
- Die Heilige Gees

Ek het God vir drie dinge gevra:
- Om jou as leser te seën
- Om jou as leser te lei
- Om jou as leser altyd te beskerm

Uit die Groot Karoo: Schalk se lewensnippers

Interesting facts: People who make their bed every morning tend to have these 7 quiet strengths

Farley Ledgerwood: "Psychology says people who make their bed every morning without fail tend to share certain character traits that extend far beyond bedroom tidiness. According to research on conscientiousness and success, these small daily habits reveal deeper patterns about how we approach life.

If you’re someone who never leaves your bedroom without making the bed, or if you’re just curious what this habit says about a person, here are seven quiet strengths that psychology says bed-makers tend to possess.

1) They understand the power of small wins

2) They’ve mastered delayed gratification

3) They don’t rely on motivation

4) They appreciate order and structure

5) They respect their space and themselves

6) They understand consistency over intensity

7) They value fresh starts

This habit was never really about the bed. It was about building a foundation of small, reliable actions that shape who you become.

The people who make their bed every morning without fail aren’t doing it to impress anyone or because they’re obsessed with tidiness. They’re doing it because they’ve figured out that character is built in these unglamorous moments, in the choices we make when nobody’s watching.

If you’re someone who already makes your bed daily, recognize what that simple habit reveals about your deeper strengths. If you’re not, maybe it’s worth trying for a week, not to have a tidy bedroom, but to see what else might shift when you start your day with that small act of follow-through.

Do you make your bed every morning? If so, do these traits resonate with you?"

Read the rest of this interesting article with a lot of details HERE! 

Vandag se internetgebed vir jou: Geen mens se lewe word gemeet aan sy jare hier op aarde

Vader, dankie dat ons elke oggend wanneer ons wakker word die dag met gebed kan begin. Hemelse Vader, gee dat ons sal besef geen mens se lewe word gemeet aan sy jare hier op aarde, maar aan dit wat hy vir ander doen, want daarin is ewigheidswaarde. Vader, lei ons asseblief deur u Heilige Gees om U beter te leer ken wanneer ons die Woord optel en lees. Help ons Here om die waarhede van die Bybelse boodskap te aanvaar en in ons lewe so toe te pas dat mense Jesus meer en meer in ons lewe sal sien. Vader, help ons om te onthou dat U altyd eerste in ons lewens moet kom en seën ons asseblief met wysheid en insig om so te lewe dat alles wat ons doen tot eer en verheerliking van u Naam sal wees, en ons dank U daarvoor. Amen. 

Oomblik van stilte: Ps. 111:5 Jod

Hy dink vir ewig aan sy verbond.

Die Here wat van ewigheid was en sal wees, maak nie verbonde en dan verbreek Hy dit weer later nie.
Hy het 'n vaste verbond met die mens, sy maaksel gemaak.
Hy het Homself uit sy hoogheid neergebuig vir jou en sy goedheid het jou aangeraak.
Hy het met sy dood vir die mens 'n ewige blyplek gemaak in sy eie koninkryk.
Hy het al jou sonde weggeneem en daarvoor met sy lewe betaal en jou gereinig, sodat jy voor Die Vader mag staan en nie sal sterf nie.
Glo in Jesus as die Seun van God en jy sal gered word.

O Here, goeie God en Vader, dankie vir u genadegawe van my verlossing van die voëlvanger se web. Dankie dat ek u voorhowe mag betree en in U Allerheiligste mag ingaan en saam met U maaltyd mag hou, ja, waarlik in u teenwoordigheid mag kom. Pe. U het aan U volk verlossing gestuur; Sade. U het u verbond vir ewig ingestel. Kaf. sy Naam is heilig en vreeslik (vers 9). Vers 10 Resj. Die vrees van die Here is die beginsel van die wysheid; Sin. almal wat dit beoefen het 'n goeie verstand. Sy lof bestaan tot in ewigheid. Amen.

[Aangestuur deur Pieter Swanepoel]

Saterdaglagmedisyne - die jongeres se denkpatroon

Tye het verander en harde werk is nie meer bo-aan die lysie nie,

* 'n Bekende en welvarende sakeman spreek 'n klompie jongmense toe oor welvaartskepping. Almal entoesiastiese sakelui in wording. Om 'n bietjie perspektief aan sy gehoor te gee oor belasting en ander ekonomiese begrippe, wou hy illustreer dat geen amptenaar, verpleegster of wie ook al, betaal kan word as daar nie eers rykdom geskep is waaruit belasting verkry kan word nie.

Sy vertrekpunt was om die gehoor te vra hoe 'n mens geld in die hande kan kry. Die heel eerste voorstel was: "Om dit te steel."

Die tweede was: "Om te dobbel."

Eers by punt nr. 6 het een ou opgestaan en kwytgeraak: "Om te werk." 

Toe bars die hele gehoor uit van die lag.

Red nou 'n land... 

Gedig: Die werkersdag-groet

Vir hulle wat vroeg opstaan,

en met 'n glimlag deur die dag gaan.
Vir hulle wat saai en oes,
en vir die samelewing sorg en oppas.
'n Groot dankie aan elke werker,
julle maak die lewe soveel sterker.
Geniet hierdie welverdiende rus,
mag julle dag met vreugde wees gekus.

Ouma se wenke: Sê motte die stryd aan

* Sit stukkies kamfer in jou kas om motte uit jou klere te hou.

* 'n Koekie seep of 'n kers werk ook baie goed. 

   (Die koekie seep laat jou klere sommer ook lekker ruik.)

* Sit lappies geweek in parafien of terpentyn in jou kas om motte uit jou kaste te hou. (Gebruik hierdie as 'n laaste uitweg as eerste twee wenke nie werk nie.)

[Idioom: As jy vir 'n mot die pinkie gee, gryp hy beslis die hand!]

Hartsake oor 'n koppie tee: Geloofsvertroue

Ek wou my tweejarige seuntjie leer wat geloof is. Ek het hom op die tafel getel, 'n entjie teruggestaan en gesê: "Willie, spring! Pappa sal jou vang." Maar die outjie sê: "Pappa, myne bang."

Ek sê toe weer: "Kom nou, Willie, moenie bang wees nie, ek sal jou vang." Hy het reggestaan om te spring, maar toe kyk hy af en sê: "Myne bang."

"Moenie na die vloer kyk nie, Willie," het ek aangehou, "Kyk reguit in my oë en spring - nou!" En toe spring die outjie in my arms.

Toe sê hy vir my: "Myne weer spring." En toe ek hom terugsit op die tafel, spring hy dadelik in my arms.

Daarna wou hy net altyd spring. Dit was asof hy nou te veel vertroue in my gehad het. Maar in God kan 'n mens nooit te veel vertroue stel nie."

[Timo Kriel - 1985] 

Uit die Groot Karoo: Schalk se lewensnippers

Vandag se internetgebed vir jou: Seën ons hierdie week ...

Here, dankie, dat ons U instrument mag wees sodat U ons kan gebruik om 'n seën vir ons medemens te kan wees. Dankie vir U gees wat ons inspireer om ten volle te kan lewe.
Seën bid ons vir die week oor U kudde en elkeen wat op die lewenspad sal wandel.

Saterdaglagmedisyne - "A very simple solution"

Two old ladies Dolly and Ruby were talking about their grandchildren.
Dolly said, "Each year I send each of my grandchildren a card with a generous check inside. I never hear from them ... never receive a thank you message."
Ruby replies, "I too send my grandchildren a very generous check. I hear from them within a week after they receive it. In fact, they each pay me a personal visit."
"Wow! How come?” remarked Dolly.
"Very simple solution ... I don't sign the check!"

Poem for Reflection: Met the Master Face to Face

I had walked life's way with an easy tread,
Had followed where comforts and pleasures led,
Until one day in a quiet place,
I met the Master face to face.

With station and rank and wealth for my goal,
Much thought for my body but none for my soul,
I had entered to win in life's mad race,
When I met the Master face to face.

I built my castles and reared them high,
Till their towers pierced the blue of the sky,
I had sworn to rule with an iron mace,
When I met the Master face to face.

I met Him and knew Him and blushed to see,
That His eyes full of sorrow were fixed on me;
As I faltered and fell at His feet that day,
My castles melted and vanished away.

Melted and vanished, and in their place,
Naught else could I see but the Master's face.
And I cried aloud, "Oh, make me meek,
To follow the steps of Thy wounded feet."

My thought is now for the souls of men,
I have lost my life to find it again,
E'er since one day in a quiet place,
I met the Master face to face.
by Lorrie Cline

Ouma se wenke: Aftreebeplanning

Ek wil my nie uitgee as 'n finansiële kenner nie, maar die lewe het my 'n paar dinge geleer. Ek deel graag 'n paar wenke oor aftreebeplanning. 

Aftreebeplanning kan in drie (3) stadiums verdeel word: 

* Beplanning voor aftrede

* Beplanning met aftrede

* Beplanning na aftrede 

1. Voor aftrede moet seker gemaak word dat genoeg geld opsy gesit word en die regte beleggingsprodukte gekies word (risiko en opbrengs). 

 

2. Met aftrede moet weer verseker word dat die regte keuses vir die beleggingsproses gemaak word om belasting tot die minimum te beperk en aftrede so gladweg as moontlik te laat verloop. 

3. Na aftrede moet weer besin word oor die manier waarop geld belê moet word, asook hoeveel onttrek kan word. 

‘n Finansiële raadgewer kan jou help om seker te maak dat jy goed beplan vir ’n gemaklike aftrede. Begin vroegtydig bou aan dié belangrike verhouding.

[Idioom: Op 'n mens se oudag wil jy graag geld soos bossies hê.]

Hartsake oor 'n koppie tee: Wat maak gebed so anders?

Jy hoef nooit 'n afspraak te maak nie, 

die lyn is nooit beset nie.

Daar is nooit te veel ander besoekers nie.
Die Hoorder is nooit te besig nie.
Hy is nooit uithuisig nie.
Hy stuur nooit vir jou weg nie.
Hy val jou nooit in die rede nie.
Hy luister nooit met 'n halwe oor nie.
Hy vergeet nooit 'n versoek nie.
Hy is nooit raadop nie.
Hy word nooit moeg nie.
Hy is nooit in 'n slegte bui nie.
Hy ag niks onbelangrik nie.
Hy vra nooit vergoeding nie.
Hy wag op ons.

[Dankie, Nerine, vir die aanstuur hiervan.]

Uit die Groot Karoo: Schalk se lewensnippers

Vandag se internetgebed vir jou: Laat my nooit twyfel nie ...

HERE, wat 'n pragtige dag, na 'n wonderlike nag.

Skenk my die krag om alles te kan vermag wat hierdie dag van my verwag.
Skenk my geduld as ek vir iemand wag.
En as ek kwaad raak, hou my stemtoon sag.
Leer my om vir myself te lag, 

en 'n glimlag te deel eerder as om vir een te wag.
Maak my elke sekonde bewus van U Skepping se prag
En laat my nooit twyfel aan U Mag ... 

Amen.

Oomblik van stilte: Ps. 139:7-10

Waar sou ek heengaan van u Gees en waarheen vlug van u aangesig? Klim ek op na die hemel, U is daar; en maak ek die doderyk my bed, kyk, U is daar! Neem ek die vleuels van die dageraad, gaan ek by die uiteinde van die see woon, ook daar sou u hand my lei en u regterhand my vashou.

Hierdie is 'n baie kosbare Psalm. Baie mense probeer vlug van God, wanneer iemand die Woord spreek verander hul die onderwerp. Soms vloek hul erger, want hulle skop teen die prikkels. Selfs Jona het probeer vlug, maar heellaas verniet! Jy kan nooit van God wegvlug nie. Hy ken jou gedagtes nog voor jy daaraan dink. Die grootste wonderwerk is ek en jy ... ja, selfs die asem het God in jou neus geblaas. Volgende keer as jy minderwaardig voel, gaan lees hierdie Psalm en dank God jou Vormeerder.

Gebed: Abba Vader, dankie vir U liefde. Dankie dat U my so wonderbaar gemaak het, die kroon van U skepping. Help ons om dit te besef. Seën en bewaar ons vandag in Jesus se naam. Amen!

Saterdaglagmedisyne - oupa op sy stukke

* Oupa aan haarkapper: "Wat kos 'n haarsny?"

"R120,00 vir pensioenarisse."

"En om my te skeer?"

Die haarkapper kyk na die ou man se stoppeltjies en besluit dis regtig nie eens die moeite werd om R10,00 te vra nie, maar vir sy tyd sal hy die prys so bietjie lig." 

Haarkapper: "Spesiale prys van R25,00"

Oupa: "Skeer dan my kop, asseblief!!"

* Oupa wat sy hele lewe lank nog nooit baie taktvol was nie, sê baie sarkasties vir die kelner van 'n bekende restaurant: "Kelner! Ek kan nie al die vlieë hier binne verdra nie!"

Kelner onverstoord: "Seker, Meneer! Sê net vir my watter vlieë jy nie van hou nie en ek sal hulle verwyder."

* Kombuismatrone aan die klaerige ontevrede inwoner: "Hoekom eet jy nie jou sop nie?"

Inwoner: "My tande is te stomp!"

Inwoners: 'n Uit-ons-hart-dankie vir elkeen van julle ...

Gedig: Leef jou lewe

Daar is lewe, daar is hoop
Moet nie jou siel aan twyfel uitverkoop
Daar is wysheid wat met jare kom
Moet nie jou lewe bind aan vrae en hoekom's

Leef jou lewe heeltemal leeg
Laat niks jou verhinder of jou laat bewe
Sorgeloos en vry, dis hoe dit hoort
Laat niks jou verhinder, lewe voort

Daar sal 'n dag kom wat genoeg genoeg sal wees
Waar jou roete dalk so anders, as nou sal wees
Leef net voluit, tyd sal leer
Daar kom goedheid en guns, weer 'n keer

[Anoniem]

Ouma se wenke: Gesondheidsvoordele van piesangs

* Piesangs bevat 'n goeie hoeveelheid voordelige vesel, antioksidante, minerale en vitamiene.

* Piesangs word gewoonlik aanbeveel vir kinders wat ondervoed is. Dit is ook 'n gunsteling happie onder atlete vir energie in 'n kits. Dink net wat dit vir ons op ons jare kan beteken!

* Die vrug kan ook hardlywigheid verminder.

* Piesangs is 'n goeie bron van vitamiene B6 asook vitamiene C.

* Hierdie nederige vrug bevat ook vlakke van minerale soos koper, magnesium en mangaan. Magnesium is noodsaaklik om bene sterker te maak, terwyl koper 'n noodsaaklike element is in die produksie van rooibloedselle.

* Piesangs is ook 'n baie ryk bron van kalium. Kalium is 'n belangrike komponent van sel- en liggaamsvloeistowwe wat help om hartklop en bloeddruk te reguleer en die skadelike gevolge van natrium teen te werk.

Piesangs in enige vorm is heerlik. Onthou om daagliks 'n piesang in te sluit by jou peuselhappies ... lekker kan ook gesond wees. Heerlik om in jou handsak of skooltas te gooi - dis klaar verpak in sy eie "bakkie."  

[Idioom: Moenie 'n piesang vlak kyk nie.]

Statistiek: Dankie vir 326 000 e-besoeke!

Ons waardeer elkeen van ons getroue lesers!

Hartsake oor 'n koppie tee: Hoe sê mens dankie ...

󾬕-- Vir dit wat 'n mens het?
󾬕-- Vir soveel liefde ...
󾬕-- 'n Huisie, 'n blyplek, 'n kamer in die aftreeoord ...
󾬕-- 'n Bed!
󾬕-- Heer, ek het nie veel nie ...
󾬕-- Maar dit weet U klaar!
󾬕-- Die bietjie wat ek het ...
󾬕-- Is vir my so kosbaar!
󾬕-- Heer, ek tel elke dag my seëninge ...
󾬕-- Een vir een!
󾬕-- Want ek weet ...
󾬕-- Wat ek het, is net vir my geleen!
󾬕-- Heer, soms kan my lewenstorms ook maar woes slaan ...
󾬕-- Maar steeds laat U my blyplek vasstaan!
󾬕-- Heer, U beskerm my en ...
󾬕-- My familie al ons hele lewe lank!
󾬕-- En soms weet mens nie ...
󾬕-- Hoe om U te bedank nie!
󾬕-- Heer, my geld is min ...
󾬕-- My blyplek is klein ...
󾬕-- Maar dit is so asof daar meer ...
󾬕-- Sonlig in my lewe skyn!
󾬕-- Heer, ek kyk vas in glimlagte ...
󾬕-- En kry drukkies elke dag!
󾬕-- My God ...
󾬕-- Ek kan dit weer teruggee!
󾬕-- Want U is my Krag!
󾬕-- Heer, soms laat die lewe my ook ...
󾬕-- Opdraande loop!
󾬕-- Ek het geleer waar daar lewe is ...
󾬕-- Is daar Hoop!
󾬕-- Heer, ek het leer swem toe ...
󾬕-- Die lewensbranders op hul woesste geslaan het!
󾬕-- Toe ek struikel en afdwaal ...
󾬕-- Was U die een wat verstaan het!
󾬕-- Heer, U het hartseer ...
󾬕-- Pyn en ook soms ...
󾬕-- Twyfel op my pad gebring!
󾬕-- U het weer 'n melodie in my lewe gegee toe ...
󾬕-- My hart nie meer die lied van die lewe wou sing nie!
󾬕-- U het soveel keer my uit die donker dieptes van die lewe kom haal ...
󾬕-- Juis wanneer ek dink als het my gefaal!
󾬕-- Heer, U het my totaal verstom ...
󾬕-- Toe ek heel by die wenpaal anderkant uitkom!
󾬕-- Daarom buig ek vandag my knieë in gebed en sê:
󾬕-- Dankie Heer ...
󾬕- Vir dit wat ek het.

Uit die Groot Karoo: Schalk se lewensnippers