Ouma se wenke: Persoonlike versorging

* Elmboë: Suurlemoensap maak skurwe elmboë, asook hande wat deur groente gevlek is, weer mooi wit. Skurwe elmboë kan in ‘n halwe suurlemoen, met 1 teelepel suiker daarin, gevryf word.

* Hare: Spoel ligte hare met suurlemoensap af.

* Vir skoon kamme: Week kamme vir 'n rukkie in warm water waarin 2 teelepels koeksoda opgelos is.

* Mond: kou pietersielie om van ‘n ui- of visreuk in die mond ontslae te raak. 

* Skilfers: was hare en spoel dit af met 1 eetlepel Engelse sout of ‘n teelepel koeksoda opgelos in 500 ml water.

* Seer keel: Gorrel louwarm water waarin sout opgelos is.

Idioom: Jou keel skoonmaak!

Hartsake oor 'n koppie tee: Moenie jou gedrag verander nie ...

’n Man sien hoe ’n slang in die vlamme brand en besluit om dit uit die vuur te bevry. Die slang pik hom toe hy dit vang en dit veroorsaak ontsettende pyn. 

Die persoon gooi dadelik die slang weg en die slang val terug in die brandende vlam. Op hierdie stadium kyk die persoon rond en kry 'n metaalstok. Hy gebruik die stok om die slang uit die vlamme te red. 'n Man wat die voorval dopgehou het, het die persoon genader en vir hom gevra: "Hierdie slang het jou gepik! Hoekom probeer jy nog om sy lewe te red?" 

Die eerste man het geantwoord: "Die aard van die slang is om te pik, maar dit sal nie my natuur verander nie, en my natuur is om te help." 

Moenie jou gedrag verander as gevolg van iemand se slegte geaardheid nie. Moenie die reinheid van jou verstand verloor nie. Leer om versigtig te werk!

Uit die Groot Karoo: Schalk se lewensnippers

Market for charity: Family Fun Day

Market Details

Next Date: Saturday, 3 October 2026

Time: 09:00 – 14:00

Location: McGregor Museum, Atlas Street, Kimberley

Cost: Free entry

Vandag se internetgebed vir jou: Dankbaarheid

Dankie liewe, kosbare Heer, vir al U seëninge en vertroetelings in ons lewe. Daar is so baie dinge waarvoor ons vir U kan dankie sê, as ons begin skryf, sal ons nooit kan ophou nie. Daarom vra ons vir U om liewers ons hart se gordyntjies weg te trek en daarin te loer. Dankie dat ons die warmte van Ú sorgsame Vaderarms om ons kan voel en Ú hartklop in ons hart kan ervaar. Maak ons vandag Ú wonderlike voorbeeld, sodat as ander na ons kyk dat hulle vir Ú sal raaksien en verlang om U beter te leer ken. Dankie dat U ons liefhet met 'n ewige, vergewende liefde. Amen

Oomblik van stilte: 2 Korintiërs 12:9

God sê vir die apostel Paulus sê: “My genade is vir jou genoeg. My krag kom juis tot volle werking wanneer jy swak is.” 

God gee vir ons genade vir elke dag. En die genade wat Hy vir ons gee vir vandag is nie bedoel vir môre nie. Hy gee jou vandag genade vir vandag se behoeftes. Moenie bekommerd wees oor môre se behoeftes. Wanneer môre kom, sal daar verseker vars voorraad van Sy genade wees!

Gebed: Here vandag rus ons in U getrouheid, ons fokus op vandag se genade wat aan al die eise van ons behoeftes voorsien. In Jesus naam. Amen!!

[Aangestuur]

Saterdaglagmedisyne - Ouma

* Susan, vyf, het by ouma in die ouetehuis gaan kuier, terwyl haar ma dokter toe is. Ouma gooi vir hulle vrugtesap in en vertel vir Susan hoe gesond dit is en hoeveel vitamines in 'n glas vrugtesap is.

Sy was besig om dit te drink toe sy begin hik.
"Ouma, moet asseblief nie weer vir my van hierdie sap gee nie," sê sy "Dit laat my tande hoes!"

* Brittany hou haar ouma met groot oë dop, terwyl dié al haar aand se pille uithaal om te drink. Sy besluit om vir ouma te help om die botteltjies oop te maak. Nadat Brittany 'n ruk gespook het om die botteltjie met pille oop te maak, verduidelik ouma dat die prop "Kinderproof" is en dat 'n grootmens altyd sal moet help. Met groot oë vra Brittany: "Maar hoe het die botteltjie geweet dis ék wat hom wil oopmaak?"

* Ouma gaan kuier by haar Gautengse kinders en moet 'n kamer deel met haar tienerkleindogter. Dis gelukkig nie vir een van hulle twee 'n probleem nie, want hulle is nie net naamgenote nie, maar hulle is ook baie erg oor mekaar.

Die Maandagoggend vroeg is die kleindogter universiteit toe, maar vergeet haar skootrekenaar in haar haas in haar kamer.
Haar ouma dink toe dis 'n skaal.
Lang storie kort, ouma weeg R38 000!

Gedig: Die Goue Oes

Die pad was lank, die draaie baie,
deur somerhitte en wintervlae.
Elke rimpel vertel sy eie storie,
van klein oorwinnings en verbygaande glorie.

Ons soek nie meer na die wêreld se geraas,
of om die vinnigste wedloop te haas.
Die ware wysheid lê nou stil en diep,
in die drome wat ons sagkens aan die slaap gesus het.

Dis die kuns om met vrede terug te kyk,
om te weet die siel is ryk.
Nie aan goud of silwer of aardse besit,
maar aan liefde, genade, en die krag van bid.

So stap ons aan in die laatmiddaglig,
met 'n dankbare hart en 'n sagte gesig.
Want die aandwind bring 'n diep verstaan:
elke tree was die moeite werd gewees om te gaan.

[Geskryf deur 'n KI-assistent]

Ouma se wenke: 'n Paar nuttige algemene wenke

* Koperartikels kan skoongemaak word in 'n oplossing van 20 g wynsteensuur, opgelos in 500 ml warm water. Voeg 'n bietjie skottelgoedopwasmiddel by. Vryf die artikel met 'n sagte doek, gedoop in bogenoemde mengsel af.

* Om te verhoed dat silwer messegoed aanslaan, kan 'n paar stukkies bordkryt in die messegoedlaai geplaas word.

* Indien 'n ketel te lank kook, lei dit tot die vorming van 'n aanpaksel aan die binnekant van die ketel wat die lewensduur van die element verkort. Dié aanpaksel kan verwyder word deur 'n oplossing van 3 dele water en 1 deel asyn in die ketel te gooi en dit 'n paar uur te laat staan.

* Gietysterware wat geroes het, kan in terpentyn gedoop word. Die tydperk waarin dit in die terpentyn gelaat word, hang af van hoeveel dit geroes het, maar dit kan wissel van 1 uur tot 3 dae. 

* Twee glase wat in mekaar vassit, kan losgemaak word deur koue water in die boonste een te gooi en die onderste een in warm water te plaas.

[Idioom: Hoop hierdie nuttige wenke is vir jou van waarde voordat my glas leegloop.]

[Bron: Rooi Rose 27 Februarie 1991]

Hartsake oor 'n koppie tee: Hoekom glo ek in God?

Ek glo in God, want partykeer is die wêreld so "awesome" en dinge werk so goed uit dat my siel uitroep vir iemand om voor dankie te sê. Dan is dit Hy!

Ek glo in God, want soms is die berge en die sonsondergang en die wolke en die maan so mooi dat ek iemand nodig het om te prys. Iemand moes dit gemaak het. Dis Hy!

Ek glo in God, want partykeer gebeur goed wat so onbeplan is en so seer maak. En dan voel dit of niemand verstaan nie, maar dan onthou ek die spykers in Sy hande en die Man aan die kruis. Dan weet ek Iemand huil saam met my. Dis Hy!

Ek glo in God, want partykeer is ek so deurmekaar en die lewe so sinneloos en my drome lyk onbereikbaar en dan het ek iemand nodig om saam met my die pad te stap en rigting te wys. Dan is Hy daar!

Ek glo in God, want partykeer is ek so dom en ek doen sulke "stupid" goed en sonde mors my hart en my lewe so op en maak ander so seer. En dan het ek nodig dat Iemand vrede en wysheid bring. Dan is Hy daar!

Hy maak heel wat ek self verbrou het!
Hy bring genade selfs in seer wat ekself veroorsaak het!

Ek glo in God, want partykeer weet ek niks. Ek het leiding en wysheid nodig in 'n deurmekaar wêreld wat ek nie verstaan nie. En dan skryf Hy vir my in die Bybel en ek lees Sy Woord en hoor Sy stem en dinge maak weer sin!

Ek glo in God, in Jesus, in sy Gees, want Hy's daar! Heeltyd! Altyd!

Maak nie saak hoeveel keer ek dieselfde fout maak nie. Hy is daar!

As jy jou kop kan optel met 'n glimlag op jou mond en regtig dankbaar is vir jou seëninge, is jy gelukkig, want die meeste mense kan, maar doen dit nie.

As jy hierdie boodskap kan lees, het jy dubbele seën ontvang, iemand het aan jou gedink en jy is voorgetrek bo miljarde mense wat glad nie kan lees nie.

Tel jou seeninge!

Uit die Groot Karoo: Schalk se lewensnippers

 

10 vroeë waarskuwingstekens van Alzheimer

As trotse vennote in die Kimberley-gemeenskap en as 'n veilige hawe vir ons eie inwoners, sien ons daagliks hoe diep Alzheimer se siekte en demensie die lewens van gesinne raak. In samewerking met plaaslike inisiatiewe soos ADASA Noord-Kaap, wil ons nie net 'n plek van sorg wees nie, maar ook 'n bron van kennis en krag vir die mense van die Diamantstad.

Vir kinders en familielede is dit dikwels moeilik om te weet of 'n ouer se vergeetagtigheid net deel is van normale veroudering, en of daar dalk meer aan die gang is. Omdat vroeë opsporing families help om betyds die regte ondersteuning en mediese sorg te kry, deel ons hieronder die 10 vroeë waarskuwingstekens van Alzheimer waarna jy kan oplet.

Wat Kinders Moet Weet

Dit is soms moeilik om te onderskei tussen normale veroudering en die vroeë tekens van Alzheimer se siekte. As kinders is ons dikwels die eerstes wat klein veranderinge in ons ouers se gedrag opmerk. Vroeë opsporing is kragtig, want dit gee families die kans om betyds te beplan en die regte ondersteuning te kry.

Hier is die 10 algemeenste vroeë waarskuwingstekens waarna jy kan oplet:

• Geheueverlies wat die daaglikse lewe omverwerp: Dit is die algemeenste teken. Dit behels die herhaling van dieselfde vrae, of die vergeet van belangrike datums en onlangse gebeure (anders as om net soms 'n naam te vergeet en dit later te onthou).
• Uitdagings met beplanning of probleemoplossing: Sukkel jou ouer skielik om 'n bekende resep te volg, hul maandelikse finansies of rekeninge te bestuur, of lank te konsentreer?
• Sukkel met bekende take: Dit word moeilik om alledaagse take te voltooi, soos om na 'n bekende winkel te ry, die mikrogolfoond te gebruik, of die reëls van 'n gunsteling speletjie te onthou.
• Verwarring met tyd of plek: Mense met Alzheimer kan die spoor van datums, seisoene en die verloop van tyd verloor. Hulle kan soms vergeet waar hulle is of hoe hulle daar gekom het.
• Probleme met visuele beelde en ruimtelike verhoudings: Dit kan wissel van probleme met balans of lees, tot die moeilike skatting van afstande, wat bestuur gevaarlik kan maak.
• Nuwe probleme met woorde (praat of skryf): Hulle kan midde-in 'n gesprek stop en nie weet hoe om verder te gaan nie, of sukkel om die regte woord te vind (bv. om 'n "horlosie" 'n "hand-klok" te noem).
• Verlê van items en die onvermoë om stappe te herloop: Jou ouer mag dalk voorwerpe op ongewone plekke plaas (soos 'n bril in die yskas) en kan nie hul stappe teruggaan om dit te vind nie. Soms beskuldig hulle ander daarvan dat dit gesteel is.
• Verminderde of swak oordeelsvermoë: Dit is sigbaar in besluite oor geld (soos om groot bedrae aan verkopers te gee) of minder aandag aan persoonlike higiëne en versorging.
• Onttrekking aan werk of sosiale aktiwiteite: Hulle begin wegbeweeg van stokperdjies, sosiale geleenthede, sport of kerk omdat die veranderinge hulle onseker of skaam laat voel.
• Veranderinge in bui en persoonlikheid: Hulle kan verward, agterdogtig, depressief, bang of angstig word. Hulle kan maklik omgekrap of geïrriteerd raak, veral in situasies buite hul gemaksone.

Wat moet jy doen as jy hierdie tekens opmerk?

Moenie paniekerig raak nie, maar moenie dit ignoreer nie. As jy twee of meer van hierdie tekens gereeld opmerk, is dit raadsaam om 'n afspraak met 'n mediese dokter of 'n spesialis te maak vir 'n professionele evaluering.

Hier is die kontakbesonderhede van die twee grootste en mees betroubare nasionale organisasies in Suid-Afrika wat spesifiseer in demensie- en Alzheimer-ondersteuning

1. ADASA (Association for Dementia and Alzheimer's of South Africa)

ADASA het ondersteuningsgroepe en streekskantore in byna al die provinsies van Suid-Afrika om families en versorgers by te staan. 

• Nasionale Hulplyn: 0860 102 681 (beskikbaar weeksdae van 08:00 tot 16:00 tegen plaaslike oproeptariewe)
• Nasionale Kantoor: +27 (0)11 792 2511
• E-pos: info@adasa.org.za
• Webwerf: Besoek die amptelike ADASA Webtuiste vir nuttige pamflette en streekskontakte.

2. Dementia SA

Dementia SA fokus spesifiek op die ondersteuning van families en versorgers, veral diegene wat nie maklik toegang tot private gesondheidsorg het nie. Hulle bied 'n baie waardevolle 24-uur-hulplyn aan. 

• 24-uur Nasionale Hulplyn: 0860 636 679 (365 dae per jaar beskikbaar vir dringende hulp en berading deur maatskaplike werkers)
• Telefoon (Kaapstad-kantoor): +27 (21) 421 0077 / +27 (21) 421 0078
• E-pos: info@dementiasa.org
• Webwerf: Vind hulpbronne op die Dementia SA Webtuiste.

Plaaslike Hulp en Ondersteuning in Kimberley

Vir families van ons inwoners wat in die Kimberley-omgewing woon, het ADASA 'n aktiewe streekskantoor reg in Kimberley. Hulle het gekwalifiseerde maatskaplike werkers wat spesifiek opgelei is om families te begelei deur 'n demensie-diagnose en praktiese sorg-advies.

• Plaaslike Kantoornommer: +27 (0)87 150 5058
• Streeksbestuurder & Maatskaplike Werker: Emsie Malan
• E-pos: emsie.malan@adasa.org.za
• Fisiese Adres: ADASA Northern Cape, Caritas Terapie-sentrum, h/v Reservoir- en Lawsonstraat, Labram, Kimberley, 8301.
• Kantoorure: Maandae tot Donderdae (07:30 – 16:30) en Vrydae (07:30 – 13:00). 

(Vir dringende na-ure hulp of algemene vrae kan families ook die Nasionale Alzheimers-hulplyn skakel by 0860 102 681). 

[Saamgestel deur die Ouetehuis-span in samewerking met KI]

Internasionale Alzheimer-dag: 21 September

Vandag se internetgebed vir jou: Gebed van 'n ouma

Agter my lê die spore van my lewe,
Voor hulle strek my gebede:
"Vader in die hemel hoog,
Span U liefde soos 'n boog
Oor hulle, so klein en teer
Dat hul van kleinsaf van U kan leer.
Voor my sien ek hul laggies.
As dit U wil is, werk maar saggies.
Want hul lê baie na aan my hart.
Hul seerkry is ook my smart.
My grootste bede egter Heer:
Dat hul, hul hartjies tot U sal keer.
Neem hul handjies in U Hand,
Want ouma het hul aan U verpand."

[Internet]

Oomblik van stilte: Psalm 145:14

Die Here help almal op wat geval het. Hy ondersteun die wat bedruk is.

Dit is nie 'n skande om soms op 'n ashoop te sit nie! Job het ook daar gesit, en hy het alles wat hom neergedruk het oorwin. Ons almal beleef soms menslike emosies. Die goeie nuus is dat God ook depressie verstaan, dat Hy donker huil-harte ken en dat Hy ook die antwoorde op ons doellose vrae het. Lê dit net voor jou Hemelse Vader se voete neer. Wanneer jy te lank daar vertoef het is dit soms nodig om mediese hulp te kry. God wil hê dat ons almal positiewe en gelukkige mense sal wees. Maak werk daarvan, gaan sit by Sy voete en vind die rus en vrede wat Hy kan bied. God is lief vir jou, neem Sy hand en Hy sal jou deur die donkertye lei.

My grote God, wees my lig wanneer dit donker om my is. Wees my vriend wanneer ek alleen voel en hou my vas wanneer ek sukkel om regop te bly. Wees my genadig my Heer en ek wag op U seëninge. Amen

[Aangestuur]

Saterdaglagmedisyne - Kallie en Jimmy

* Kallie en Jimmy loop mekaar vir die eerste keer in jare raak.

Vra Kallie: "Jimmy, wat doen jy deesdae?"

"Ek verkoop meubels."

"Maak jy darem geld?"

"Ja, maar my huis raak nou vinnig leeg."

* Na die eerste week weg van die huis by 'n nuwe werk stuur 'n jong getroude Mike die volgende telegram aan sy vrou: "Voorman geword - veer in my hoed."

Na die tweede week volg die volgende een: "Bestuurder geword - veer in my hoed."

Na die derde week volg dié een: "Afgedank - stuur geld."

Waarop sy vrou antwoord met: "Gebruik vere - vlieg huis toe."

*  'n Pasiënt is in die groendakkies en om sy tyd daar te verwyl, staan hy op die asblik om bo-oor die ringmuur te sien wat elke dag in die straat aangaan.

'n Motor kom om die draai en skuur met 'n skreeugeluid reg voor hom tot stilstand. Die wiel het afgeval.

"Al die moere is weg," sug die moedelose bestuurder.

"Draai een by elkeen van die ander drie wiele uit," kom die raad van die man oor die muur.

"Dis 'n wonderlike plan. Maar is jy nie veronderstel om mal te wees nie?" reageer die motorryer.

"Ja, mal, maar nie stupid nie."

[Bron: Finansies & Tegniek, 1 Desember 1995] 

Gedig: Kyk in genade terug ...

Soms in stille tyd,
as die geraas van die lewe verdwyn,
kyk jy terug na die jare wat verbybly.
Die hande is gerimpel, maar die gees is sterk,
gevul met die wysheid van 'n leeftyd se werk.
Grys hare is 'n kroon van erfgoed en vreugd',
'n stille genade uit 'n vroeëre jeug.

[AI]