Ongelukkig of dankbaar?

Dit is my verjaardag vandag! 

En ek kan nie besluit of ek ongelukkig of dankbaar moet wees nie!!

Besef julle die enigste tyd in ons lewens wanneer jy wil ouer wees is wanneer ons kinders is?
Jonger as tien, is jy so verskriklik opgewonde oor ouer word jy dink sommer in desimale.
"Hoe oud is jy?" 

"Ek's vier en 'n half."
Jy's nooit 36 en 'n half nie, jy's vier en 'n half, amper vyf.
Dis die geheim.
Nou's jy 'n tiener, niemand kan jou keer nie, jy spring sommer na die volgende syfer toe.
"Hoe oud is jy?" 

"Ek gaan 16 wees."
Jy kan nou 12 wees, maar uiteindelik gaan jy 16 wees.
Dan kom die groot dag, jy word 21.
Selfs die woord klink soos 'n seremonie.
Ja ... jy WORD 21!!!
Dan raak jy 30. 

Wat's besig om te gebeur?
Genugtig, jy klink soos suur melk.
Jy't geRAAK, wat het verander ?
Jy WORD 21, jy RAAK 30.
Dan NADER jy 40 ... nee, bly daar!
En jy BEREIK 50.
Jy WORD 21, jy RAAK 30, jy NADER 40,
Jy BEREIK 50, en dan MAAK jy dit tot by 60.
"Krisis! Ek't nie gedink ek gaan dit maak nie."
Jy WORD 21, jy RAAK 30, jy NADER 40,
Jy BEREIK 50, en dan MAAK jy dit tot by 60.
Teen daai tyd het jy al so baie momentum opgebou, jy TREF 70.
Daarna is dit 'n dag tot dag ding.
Jy TREF Woensdag ...
In jou 80's: jy TREF middagete, jy TREF slaaptyd.
Jy's nie seker of jy gaan wakker word nie.
Jy koop nie meer beleggings nie.
Goeiste, jy koop nie eers groen piesangs nie.
Dis nog nie die einde nie.
In jou 90's gaan jy weer agteruit."Ek was NOU NET 92."
As jy 100 sien, gebeur daar 'n vreemde ding.
Jy raak weer soos 'n kind
"Ek's 100 en 'n half"

[Aangestuur: Klik HIER]

Dink 'n bietjie hieroor ...

Deesdae lewer almal kritiek op almal wat iets doen, iets probeer doen en ook op diegene wat nie iets doen nie. Die kritici weet altyd beter en die voor die hand liggende oplossings word met smaak in die naaste oor uitgestort. Dis net só jammer dat dié mense wat met soveel insig toebedeel is, nie 'n daadwerklike poging tot die verbetering van die onmiddellike omgewing aanwend nie. Raad(t) en advies is beslaan reeds bladsye vol. Sosiale media wemel daarvan, maar diegene wat die daad by die woord voeg, is dun gesaai.

Die volgende raakleesstukkie kan 'n mens tot nadenke stem:

* Het die doeners nie minder geword as gevolg van al die kritiek nie?

* Misien het die mense wat altyd die ekstra myl geloop het, ongeag die omstandighede, besluit het om halt te roep, omdat die versperrings in hulle pad al meer geword het.

* Miskien moet 'n mens, voordat jy iemand kritiseer of fout vind met hulle werkswyse, eers komplimenteer - sien die goeie raak - alles kan nie net verkeerd wees nie.   

*  Moenie dadelik deel word van die uitsaaistasie wat 'n sappige storie versprei nie - laat enige storie by jou stop.

* Tel elke dag jou seëninge en kyk met genade-oë na hulle wat jou pad kruis.

* Kweek doelbewus ʼn positiewe lewenshouding aan. Dit is nooit te laat nie.

* Bid eerder in plaas van kritiseer.

[Dankie, Danelia, vir die deel hiervan.]   

Interessante feite: Die storie agter koffie

Daar word vertel dat koffie in die jaar 850 ontdek is toe 'n bokwagter in Ethiopië gesien het hoe sy bokke vroliker as gewoonlik rondtrippel as hulle rooi bessies van 'n plaaslike struik vreet. Die bokwagter het met die bessies begin eksperimenteer en self gelukkiger gevoel.

Die eerste koffiebome vir produksie is in ongeveer 1100 deur die Arabiere geplant wat begin het om koffie te rooster en te brou. Die Arabiere het die qahwa genoem.

Die heel eerste koffiewinkel is in 1475 in Konstantinopel geopen.

Koffie het Europa in die jare 1600 bereik via die hawe van Venesië. Die eerste koffiewinkel in Italië het in  1654 geopen.

In 1652 het koffiewinkels in Engeland begin oopmaak.

Die Engelse woord tips (fooithe) het sy ontstaan gehad in hierdie Britse koffiehuise waar daar 'n bordjie langs die blikkie geplaas is wat gelees het: To Insure Prompt Service. Almal wat goeie diens en 'n goeie sitplek wou bekom, moes 'n munt in die blikkie gooi.

James Kilbourn van Stereo Café in Westdene, Bloemfontein, vertel dat koffie word op koffieplase oor die wêreld heen gekultiveer, geoes en geprosesseer. Sodra dit verpak, verhandel en na die finale bestemming versend is, word die groen bone verhit tot 'n verkose temperatuur oor 'n sekere tyd - hoe warm en hoe lank sal die smaak en sterkte van die koffie bepaal.

Elke tipe boon reageer anders teenoor hierdie veranderlikes, gebaseer op unieke karaktereienskappe.

Koffiebraaimeesters (roast masters) soos James het elk sy eie resep om 'n unieke braaitipe te skep en elkeen kan dieselfde bone braai, maar met verskillende resultate.

Koffie kan op verskillende maniere gebrou word soos filter, espresso, 'n moka-pot, Turks of dompelaar - en op selfs meer maniere bedien word. 

[Bron: Spesiale fokus//koffie] 

 

Nuttelose feite vir die interessantheid daarvan

Die plastiekbottels vir gaskoeldrank is vir die eerste eer in 1973 gebruik

Die eerste valskermsprong is in 1912 deur 'n kaptein Berry van St. Louis, Missouri, VSA, gedoen.

Sedert die bekendstelling van die liedjie Memory in die musiekblyspel Cats in 1981 is dit al meer as 'n miljoen keer oor die radio gespeel. 

In jou leeftyd sal jy ongeveer 75 000 liter water drink.

Warm water vries vinniger as koue water.

Die langste woord in die Oxford-woordeboek is pneumonoultramicroscopicsilicovolcanoconiosis.

In 1653 was Adriaan van der Donck die eerste en enigste prokureur in New York.

Die wêreld se oudste roos is in Duitsland en daar word geskat dat dit selfs so oud as 'n 1000 jaar kan wees.

In 1913 was die Rusiese lugdiens die eerste wat 'n toilet aan boord van sy vliegtuie bekend gestel het.

In 1894 het Thomas Edison en WKL Dickinson die eerste filmkamera bekend gestel.

Skerpioene gloei wanneer hulle onder ultravioletlig geplaas word.

'n Rot kan langer sonder water oorleef as wat 'n kameel kan.

Gemiddeld 12 pasgebore babas word daagliks vir die verkeerde ouers gegee.

[Nuttelose feite kan tot interessante tafelgesprekke lei.] 

Vrydag-terugflits: Geitjie in die Boeing

Wys my 'n meisiekind met sproete en oranjerooi hare en ek wys vir jou 'n geitjie, sê 'n mooi vrou met swart hare en bottelkuite in die vertreksaal van die lughawe.

Sy sê dit op 'n goedige manier, want die rooikop met die sproete na wie ons sit en kyk, is nie ouer as ses nie.

'n Geitjie - as iemand nie dié uitdrukking ken nie - is 'n parmantige meisiekind, soos die een wat haar verloofde in die woonstel bokant myne met die konfytkant van 'n sny brood geklap het.

Eintlik ken ek heelparty stories van rooikoppe, soos van die enetjie in Australië wat paljas op ons toebroodjies wou smeer omdat ons in haar eetplek Afrikaans gepraat het, maar dit is 'n lang storie.

Nietemin. Soos dit dikwels gebeur wanneer 'n mens in die vertreksaal na iemand sit en kyk, beland ek en die geitjie in die vliegtuig langs mekaar; ek met my koerant en sy met haar handsakkie van plastiek.

Sy ken die vliegtuigryery, want sy gord vas en kyk by die venster uit voordat ek kan aanbied om haar te help. Sy draai eintlik haar rug na my toe, asof sy daarmee wil sê sy het nie geselskap nodig nie.

Die Boeing trek al hier by 6000 meter toe sy terugdraai en 'n peperment uit die handsakkie haal. Toe kyk sy vir die eerste keer na my - na my hande, my das, my kraag, my bril en my hare en terug tot by die hande.

"Wanneer kom die koeldrank?" vra sy.

Op dié manier raak ons darem so half aan die gesels, al steur sy haar nie aan vrae nie en doen sy self die vrae-werk. "Waar's jou vrou?" wil sy weet. Hoekom vlieg sy nie saam nie? Hoeveel kinders het julle? Hoe oud is hulle? Wat's hulle name?"

Sy vra 'n Sprite en twee pakkies grondboontjies toe die lugwaardin verbykom.

"Lees jy by die huis ook heeltyd koerant?" vra sy toe ek naderhand die agterstallige leeswerk probeer inhaal.

"Kyk jy saans televisie of speel jy met jou kinders?"

Toe ons oor die Grootrivier vlieg, wys ek haar die blink lint en sê dit is waar ek grootgeword het.

"Woon jou ma-hulle nog daar?" hervat sy haar ondervraging.

"Wanneer gaan jy vir hulle kuier? Gaan jou kinders saam? Is jou ma-hulle lief vir jou kinders?"

Toe die ete bedien word, weet ek nog nie eens wat haar naam is nie, en sy weet omtrent alles van my, behalwe my banknommer.

Sy hoop ons kry nie hoender nie, want die hoender in 'n vliegtuig is nie soos Kentucky nie, sê sy. As ek nie my kaas en sjokolade wil hê nie, sal sy dit vat.  Sy vat altyd vir haar ouma 'n stukkie vliegtuigkaas en die stukkie sjokolade.

Nou weet ek darem sy gaan by haar ouma kuier.

Nadat sy haar kaas en sjokolade geëet het en myne in die handsakkie gebêre het, waag ek dit om haar oor haar ouma uit te vra. Dié woon in Belville, wat nie ver van die see af is nie, maar te ver om te stap.

Eers toe die vliegtuig oor die Kaapse Vlakte sak, sê sy haar naam is Mariaan en sy word so vies wanneer haar ouma Marie-jaan sê. Haar ouma en oupa wat dood is, het ook so Marie-jaan gesê.   

Die Boeing hardloop al op die aanloopbaan toe ek verneem sy woon in Johannesburg by haar oupa en sy nuwe vrou, wat baie jonger as haar ouma is, maar nooit tyd het om te gesels nie. Dit is dié dat sy dikwels vir haar ouma in die Kaap gaan kuier.

Iets sê vir my, nou weet ek soveel van haar soos ek behoort te weet. Dit is die rede hoekom ek nie verder uitvra nie.

Toe die passasiers begin toustaan om af te stap, klim die geitjie oor my bene om in die paadjie te kom. Sy sê dankie vir die kaas en die sjokolade en sy hoop ek gaan gou terug huis toe, want my kinders sal verlang.

Ek sit en wag maar dat die mense begin uitstap terwyl die een vraag in my brand; die vraag wat ek te bang was om te vra.

Sy stap eers 'n entjie saam met die tou, maar toe draai sy om en kom fluister in my oor voordat sy wegskarrel: "My pa het my ma geskiet en nou sit hy in die tronk, want hy's 'n moordenaar."

Gerhard Burger

[Die Taalgenoot - Kortom - Gerhard Burger - Julie 1992] 

Klik HIER en word deel van Die Taalgenoot-familie. 

Terugflits: Kimberley Jim en die perde

Dit kan 'n liegstorie ook wees, maar 'n man wat grys sou gewees het as hy nie bles was nie, vertel nou die dag in 'n vliegtuig 'n interessante storie.

Agt maande gelede, sê hy, staan een van sy kollegas, wat Kimberley Jim genoem word, een môre voor 'n plek waar mense geld op die perde verwed.

Kimberley Jim, wat dikwels wens hy kan vinnig ryk word, soos die delwers by Kimberley, vroetel in sy voorsakkie en haal R14 uit.

Hy staan nog so met die R14 en wonder of hy moet of liewer nie, toe staan 'n ou tannie van maklik 75 langs hom.

Sy wil haar nie met sy sake bemoei nie, sê sy, maar as hy die winste met haar deel, sal sy die geld gaan verwed volgens 'n stelsel wat sy van haar oorlede man geleer het.

Kimberley Jim is die soort mens wat grys tannies vertrou, met die gevolg dat hy die geld aan haar gee en 'n afspraak maak om haar die middag ná die wedrenne op dieselfde plek te kry.

Dit is toe dat hy sy eerste R350 000 gewen het.

Die ou vroutjie was sesuur daar met die wedkaartjie in haar hand en hulle het saam-saam die R700 000 gaan opeis.

Die volgende twee weke het Kimberley Jim haar elke wedrendag daar in die straat gaan soek, maar dit was eers in die derde week toe hy met R250 in sy hand voor die wedplek staan, dat sy skielik weer langs hom opduik.

Sy het R25 geneem en hom gedwing om die ander geld in sy sak te steek. Toe hulle dié middag sesuur weer voor die wedplek staan, was hulle elk R400 000 ryker. 

Na nog ses weke, sê die bleskop, was Kimberley Jim 'n man met byna R2 miljoen in die bank, maar met geen benul van wie die ou tannie is nie.

Al wat sy wou sê, is dat sy die Booysens-bus huis toe haal en nie saam met vreemde mans in motors ry nie.

Eers ná hul tweede groot geluk het hy sy vrou van die ou vrou se rol in sy geldwennery vertel. Hy het toe al vir sy vrou 'n nuwe motor gekoop en 'n stapel R50,00-note in haar handsak gedruk terwyl sy geslaap het.

Die meeste vroue sou dankbaar gewees het, maar Kimberley Jim s'n is 'n agterdogtige, jaloerse vrou. Sy glo nie die storie van die ou tannie en die weddenskappe nie.

Die volgende maand het sy elke wedrendag saam met Kimberley Jim voor die wedplek gaan staan, maar die ou vroutjie het nie een keer opgedaag nie. Kimberley Jim se vrou het hom begin wantrou.

Verlede week, toe sy vrou nié saamgaan nie, loop Kimberley Jim weer die ou tannie raak en sy gaan verwed R18 000 op die perde waarmee hulle elk oor die R200 000 wen.

Toe hulle dié aand groet en van mekaar wegstap, maak Kimberley Jim 'n draai en volg haar tot by die busterminus.

Hy klim vinnig voor haar in die Booysens-bus en gaan sit heel agter. Na 'n rukkie klim sy ook in en gaan sit omtrent in die middel. So ry hulle toe saam-saam Booysens toe.

Soos 'n regte speurder klim Kimberley Jim skelmpies by die bushalte af waar die ou tannie afklim en stap 'n hele ent agter haar straat af.

Uiteindelik gaan staan sy voor 'n geboutjie wat jare gelede 'n huis was, maar nou deur 'n loodgieter gebruik word. Sy sluit die deur oop en stap binne.

Kimberley Jim wag 'n paar minute en gaan klop toe aan. Hy klop en klop totdat sy vinger seer is, maar niemand kom maak oop nie.

Die volgende dag was Kimberley Jim vroeg by die geboutjie waar die loodgieter eers agtuur opgedaag het.

Toe Kimberley Jim hom oor die ou vroutjie uitvra, het die loodgieter gevra of hy koffie wil drink terwyl hy na die storie luister.

In Booyens weet almal van die ou tannie, het hy vertel. Sy het tot in 1952 in die huis gewoon wat nou die loodgieter se werkplek is.

Haar man is in 1950 aan myntering dood en sy het nie 'n sent geërf nie omdat hy alles op die perde uitgespeel het. Sy is twee jaar later in 'n armmansgraf begrawe.

Nou word vertel sy word nog soms in ons dorp, wat Johannesburg genoem word, gesien waar sy mans oorreed om haar met hul geld te laat perde speel.

Die mense vertel van mans wat al duisende rande gewen het, sê die loodgieter, maar daarna alles verloor het wat hulle ooit gehad het - huis, vrou, kinders, werk, motor en selfs hul verstand.   

- Gerhard Burger

[Die Taalgenoot - Kortom - Gerhard Burger - Mei 1992]

Wie van ons lesers kan hierdie storie onthou?? 
Laat weet gerus!!

Dink hieroor: Oor verhoudings

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat dit die mens se blindekol vir sy blindekolle is wat die ongelukke laat gebeur.

In 'n verhouding is daar gereeld een wat reg is en een wat verkeerd is. Klik HIER as jy meer wil weet.

Dink hieroor: Oor bid vir reën

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas: "As jy bid vir reën, bid met 'n sambreel in die hand. Ja, en wees ook bereid om die modder te aanvaar."

"Onthou, jy het beheer oor wat jy vra, nie oor wat jou aangebied word nie." Klik HIER vir die verstaan van ons aksies.

Dink hieroor: Leierskap

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat wanneer leiers met hulle ondersteuners praat, kies hulle wat hulle wil predik: opbouende samewerking en vooruitgang, of woedende, verwoestende vernielsug.

Klik HIER as jy meer oor leierskap wil weet.

Dink hieroor: Troetel die adder

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat die mens moet besluit hoe hy teenoor slange (gaan) optree. En dis hoe dit is met jou vriendskap-probleem. Jy moet leer om te onderskei tussen mense wat soos slange is; en die wat nie so is nie.

Klik HIER as jy wil weet hoe om die adder nie te troetel nie.

Dink hieroor: Haaie op die strand

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat in 'n afgestompte wêreld, oorvoed aan sensasie-skok, die waarheid dikwels eenvoudig net te saai is.

Klik HIER as jy wil weet hoe sensasie verslawend kan wees.

Dink hieroor: Mond vol tong

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas: "Geuiterde woorde dra 'n boodskap UIT, maar dit dra ook 'n boodskap IN." 

Praat en hoor is mos maar twee heel verskillende goed. Klik HIER vir meer inligting.

Dink hieroor: 'n Battery het twee pole

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat as ons ons verpligtinge versaak, dan breek jy die stroom.

Vir elke positief in die lewe is daar 'n ooreenstemmende negatief. Klik HIER om meer daarvan te wete te kom.

Dink hieroor: Granaatpluk is soos trou

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat  Ons Huis (die ouetehuis) se blog gereeld lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas: "Die Skepper het mos die granaat gemaak vir die man sodat hy vir vrou kan probeer begryp." 

Klik HIER as jy wil weet hoe oom Klaas weet dat 'n groen geplukte granaat nie later ryp word nie - hy bly groen en raak later net onsmaaklik.

Dink hieroor: Proe die pitkos

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat elke man sy eie plan het, om 'n vrou die hof te maak ... amper soos granaat skoonmaak.

Klik HIER as jy wil weet wanneer is 'n dag vol vars verrassings.

Dink hieroor: Van vlam tot vuur

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK geniet Klaas Niemandt se hartstories wat in die Graaff-Reinet Advertiser verskyn. Vandag vertel oom Klaas waarom moet 'n man maar die vuurhoutjie isoleer dat hy op sy eie eenkant kan uitbrand.

Klik HIER as jy meer van vlam tot vuur wil weet.

Dink hieroor: Verantwoordelikheid verruil vir vryheid

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK en wat gereeld Ons Huis se blog lees, geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat ons so vry is dat wetsgehoorsame burgers hulleself moet inkerker teen die vrye beweging van misdadigers.

Klik HIER as jy wil weet hoe 'n mens verantwoordelikheid vir vryheid verruil.

Dink hieroor: Om te ween is goed

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK geniet Klaas Niemandt se hartstories wat in die Graaff-Reinet Advertiser verskyn. Vandag sê oom Klaas dat party goete in die lewe praat 'n man nie; jy leef dit net.

Klik HIER as jy wil weet hoekom dit goed is om te ween.

Dink hieroor: Kyk my vas ...

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK geniet Klaas Niemandt se hartstories wat in die Graaff-Reinet Advertiser verskyn. Vandag vertel oom Klaas hoe jy weet dat 'n man wat jy pas ontmoet het, nie op kronkelpaadjies sluip nie en dat hy sy pad reguit met vaste tred stap. 

Klik HIER as jy van die klong met die reguit kyk en die groet met die oë wil weet.

Dink hieroor: Swem of sink

Ons deel in die leesvreugde van die lesers van die Tuinroete, Hessequa en die Karoo. Ons klomp hier in die NK geniet Klaas Niemandt se hartstories wat in die Graaff-Reinet Advertiser verskyn. Oom Klaas weet dat mense mekaar nodig het, maar gee mense altyd hulp of is kritiek makliker?

Klik HIER as jy wil weet hoekom swem in die lewe belangrik is.