Saterdaglagmedisyne

Verjaardagwense

 
Mev. Visser, baie geluk met u verjaardag. 'n Nuwe lewensjaar gevul met alles wat mooi is word u toegewens. Geniet die dag!

Liz' thoughts

Click HERE for more. 

Woensdagwense: week 17

World Earth Day

Vandag se internetgebed vir jou: Onse Vader

Klein dingetjies - groot vreugde

Soms het iemand 'n behoefte om na geluister te word. Dit kan jou tafelgenoot of jou buurvrou of een van die personeellede wees. Sien ons daardie behoefte raak? Dit is belangrik om met jou ore te luister - nie met jou ego nie en ook nie om hulle behoefte af te maak as minder belangrik nie.

Dis die klein dingetjies wat die meeste vreugde bring. Die opregte belangstelling in die mense om jou. Daar is soveel inwoners wat net bestaan - wat ophou lewe het - gaan sit by hulle, luister, reik uit.

As jy bevoorreg genoeg is om 'n klein tuintjie te het, begin jou week deur blomme te pluk vir jou kombuis- of kamer of iemand in die versorgingsafdeling.

Begin jou week met iets wat mooi is in die lewe. En skielik is 'n klein gebaartjie die rede van groot vreugde in iemand anders se lewe.

Saterdaglagmedisyne

Liz' thoughts

Click HERE for more.

Woensdagwense: week 16

Verjaardagwense

Mev. Dita, ek hoop dat u spesiale dag baie geluk, liefde en vreugde vir u sal bring. Geniet 'n vreugdevolle dag!

Verjaardagwense

Mnr. A Keulder, ons wens u 'n baie spesiale dag toe. Mag hierdie volgende reis om die son jou beste een nog wees! Gelukkige verjaardag!

Vandag se internetgebed vir jou: Dutoitspan se gebed vir elkeen wat hier lees, is ...

dat jy die nabyheid van God in jou lewe sal ervaar,

dat die Here vir jou die vrede van die hemel sal gee,

dat jy met Hemelse blydskap geklee sal word,

en dat jy geseën sal word met genesing

in die kragtige Naam van Jesus Christus.

Amen

Wat om in geskenksakkies vir senior burgers te sit

Geskenksakkies is 'n fantastiese manier om ons waardering en liefde vir die senior burgers in ons lewens te bewys. Soos ons ouer word, verander ons behoeftes en ons voorkeure.

Wanneer dit by geskenksakkies vir senior burgers kom, is dit belangrik om hul unieke behoeftes en belangstellings in ag te neem. Of jy nou 'n geskenksakkie saamstel vir 'n spesiale geleentheid of net om hul dag op te helder, hier is 'n paar idees wat sekerlik 'n glimlag op hul gesigte sal sit.

1. Toiletware (dit is altyd nodig)

Handeroom, lipsalf en seep wat sag op hul vel is. Mondversorgingitems soos tandepasta, tandeborsels en mondspoelmiddel.

2.  Ontspanning en gemak

'n Stresbal of ’n handmasseerder, bordspeletjies, legkaarte, blokkiesraaisels en boeke. 

3. Lekkernye (soet en sout)

Sagte koekies of beskuit, lekkergoed, neute of gedroogde vrugte. Verskillende teegeure of kitssop is ook treffers. 

4. Stokperdjies

Almal het 'n passies - lees, brei, hekel, legkaarte, borduurwerk, skryf, verf - vind uit en blaas vuur in daardie passie.  

5. Ietsie persoonliks

Lekkerruikgoed, naskeerroom, serp, sokkies, hoed of handdoek.

6. Tydskifte

Teken in op 'n koerant of tydskrif vir jou ouer. (Harde kopie of digitaal)

Indien jy op die harde kopie ingeteken het, kan die ontvanger later hierdie leesstof in die sitkamer of biblioteek sit, sodat die vreugde van lees gedeel kan word.

WATERDRUPPEL vir die WEEK = Ons Wegoopmaker

Groete en Vrede!!!

Kyk, dit is nou maar wors. Draadwerk is alles behalwe maklik. Dit is vrek harde werk. Van ver af lyk dit maklik want nadat gate op die regte plek gegrou is, word dik teerpale daarin geplant. Daarna word drade aan die pale vasgemaak en styf getrek. Sodra dit gedoen is, word sif gehang waarna 'n klompie sparre vasgemaak word en siedaar ... die draad is gespan. Heel maklik, heel eenvoudig en voor jy kan sê "Koop Suid-Afrikaans" is alles klaar. Altans, dit is wat ek gedink het, maar so paar maande gelede het ek mooi geleer dat draadwerk veel meer behels as wat mens sou dink.

Ons vergrote erf moes behoorlik toegespan word en ek het vir Kef gevra of hy my tog ‘n hand sal gee met hierdie projek wat die Maandagoggend sou begin. “Nee wat pastoor het hy gesê nadat ons die saak vasgemaak het, “ons maak sommer gou-gou klaar. Miskien so oor 5 dae.”

Sommer vroeg-vroeg die volgende Maandagoggend was daar ‘n klop aan die agterdeur. My verbasing was groot toe klein Corrie (wat skaars 13 jaar oud is) saam met sy pa kom inval vir die draadwerk. "Die klong moet leer pastoor, die klong moet die draadwerk leer. As hy wil man wees, moet hy leer” het hy selfvoldaan gesê terwyl ons hierdie dag se eerste beker koffie afsluk. "Vandag maak ek sy pad vir hom oop. Vandag begin hy leer wat dit is om ‘n grootmens te wees."

Klein Corrie sit grootoog en luister na sy pa se woorde. Ek wonder wat alles deur hierdie jongeling – wat eintlik nog op die skoolbanke moet wees - se kop gaan. Dalk besef hy dit nog nie, maar vandag loop hy op die pad wat sy pa vir hom oopmaak. En so was dit ook dan gewees. Kort voor lank het ons sweet gespat, maar Corrie het die meeste gesweet om tred te hou met Kef. Dié se genade is maar aan die min kant as dit by werk kom.

Ten spyte van sy jeugdige ouderdom het Corrie daardie Maandag gate met 'n swaar grou-yster gegrawe, water met 'n verf emmer aangedra, sand en sement met die kruiwa aangery en dit gehelp meng. Dit alles, terwyl Kef eers verduidelik en dan wys. Daarna werk Kef die heeltyd saam met Corrie terwyl hy die jongeling met 'n fyn oog dophou en reghelp. “Onthou” het Kef gesê, “Vandag maak ek sy pad vir hom oop. Vandag begin hy leer wat dit is om ‘n grootmens te wees."

Die Mooiste Mooi het later daardie selfde middag vir ons yskoue koeldrank gebring. Terwyl ons in stilte hierdie yskoue lafenis koeldrank geniet, dink ek aan Kef se plan met sy klong. ‘n Plan om sy seun in te lyf om man te wees. Terselfdertyd onthou ek ook dat inlywing of ontgroening as jy wil, uiters noodsaaklik maar nooit lekker is nie. Dit maak nie saak of dit nou op skool, op die sportveld of in die werksomgewing is nie, inlywing bly onlekker. Veral as dit jou beurt is om dit te beleef of te ervaar.

Dan herinner die Veilige Gees my dat Jesus ook op 'n unieke manier die 12 dissipels ingelyf het. As die Wegoopmaker het Hy vir hulle 'n sprekende voorbeeld gestel wat van hulle verwag word. Nie soseer met woorde nie, maar eerder by wyse van 'n voorbeeld. Die dissipels moes leer om soos Hy te wees. Hulle moes leer om die minste te wees en ander onvoorwaardelik te dien. Daarom het Jesus hulle voete - toe hulle dit die minste verwag het - gewas. Petrus wou die aand soos 'n halsstarrige donkie vasskop maar lateraan het die ou heethoof uit respekte stil-stil toegegee.

Om waarlik kind van die Skepper van hemelgoed en stofaarde te wees (of om waarlik deel van Sy uitverkore groep te wees) impliseer dat ek en jy deur Hom wat die Wegoopmaker is, ingelyf moet word. En hierdie inlywingsproses behels dat ek en jy - sonder voorwaarde, sonder klagte en sonder teenstribbeling – die minste moet wees en ander moet dien. Ons moet bereid wees om te sê wat Hy sê, te maak soos wat Hy maak en te wees soos wat Hy is. En wanneer ons dit doen, sal 'n genadelose en wrede wêreld weet wie ons Wegoopmaker is!

Mar 9 vers 35 (Afr20) = “Nadat Hy gaan sit het, roep Hy die twaalf en sê vir hulle: “As iemand eerste wil wees, moet hy laaste van almal en almal se dienaar wees.”

 
Sandkorrel baie seëninge.

Divine Life Bediening (HJ & Dalene Cronjé)
Selnr: 082 772 2192
WhatsApp: 081 568 7549
Klik HIER vir verdere inligting.

[Dankie, Valerie, vir jou gereelde bydraes tot hierdie blog. Indien jy wil en betrokke kan raak by hierdie uitreiking, maak gebruik van die kontakdetail hierbo.] 

Saterdaglagmedisyne

Poem: Friends

People need people and friends need friends
And we all need love for a full life depends
Not on vast riches or great acclaim,
Not on success or on worldly fame,

But just in knowing that someone cares
And holds us close in their thoughts and prayers- tot hier
For only the knowledge that we're understood
Makes everyday living feel wonderfully good,

And we rob ourselves of life's greatest need
When we 'lock up our hearts' and fail to heed
The outstretched hand reaching to find
A kindred spirit whose heart and mind

Are lonely and longing to somehow share
Our joys and sorrows and to make us aware
That life's completeness and richness depends
On the things we share with our loved ones

Helen Steiner Rice

Woensdagwense: week 15

Verjaardagwense

Mev. Koeglenberg, gelukkige verjaardag!! Wens u 'n wonderlike en gesonde nuwe lewensjaar toe. Geniet 'n vreugdevolle dag.

Verjaardagwense

Mnr. Maritz, om nog 'n kers uit te blaas, beteken dat u nog 'n jaar van vreugde geleef het. Maak seker dat elke dag van u lewe, en elke kers, tel. Geniet 'n heerlike verjaardag!

Dinsdag-denke: Die Augrabiesvalle se les

Die naweek het ek en my gesin weer die Augrabiesvalle besoek in die NOORD-KAAP. Met al die reën in die land en die riviere wat in vloed is, was die verwagting groot dat dit die jaar 'n wonderlike skouspel gaan wees..

Ons moes maar redelik lank wag by die hek voordat ons kan ingaan in die park, want reeds vroegoggend het die motors alreeds lang toue gestaan en wag vir hul beurt om in te gaan.

Van die mense wat wag om in te gaan, was al moedeloos, hier en daar was een wat omgedraai het, maar tog het daar ’n baie vriendelike en gesellige atmosfeer onder die mense geheers. Die kinders het langs die kant van die pad baljaar en op en af gehardloop. Elke keer wanneer die ry so tien motors aanbeweeg, was daar weer groot opgewondenheid, want die toegangshek is nie meer ver nie. Langs die pad was daar ’n ou droë rivierloop wat reeds in vloed was, ’n klein syvertakking van die Oranjerivier. Die was omtrent so ’n klein voorskou van wat op ons sou wag wanneer ons by die werklike Oranjerivier kom, waar hy afstort in die ravyn.

Uiteindelik is ons in by die park en langs die pad sien ons die magtige Oranjerivier soos hy afstorm, in vloed, op die rotse en skeure wat voorlê voordat die water verdwyn in die smal kloof op pad na die see. In die verte kon jy reeds die dreuning van die water hoor soos dit afstort in die ravyn.

Nadat ons geparkeer en klaar die toegangsgelde betaal het, stap ons af na die waterval. Op ’n afstand kan jy al die kolkende watermassa sien soos dit oor die afgrond stort – wat ’n asemrowende gesig is dit nie. Die rivier het so breed gevloei dat daar sestien watervalle was, elkeen pragtig maar nie te vergelyk met die hoofval wat water meters hoog die lug in opskiet soos dit die rotse tref. Dit was voorwaar ’n skouspel soos min en het ek net weereens besef hoe Magtig moet Vader wees as Sy skepping so groot en wonderlik is.

Verder in die ravyn af is die watervalle nie so groot en indrukwekkend nie maar is hulle baie hoog en wanneer die water neerstort onder in die kolkende watermassa is dit soos ’n wolk van misreën wat opstyg. Die reënmis is so erg dat as jy maar ’n paar minute in die reënmis loop, is jy so nat dat jy die water uit jou klere kan uitdroog.

Die reënmis maak van alle kante af nat, bo, onder langs die kant, daar is nie te ontsnap aan die reënmis nie. Jy haal selfs die reënmis in en dit omvou mens in totaliteit.

Wat ’n lieflike ervaring was dit nie en voorwaar ’n skouspel om te sien en te beleef.

Dinsdagoggend tydens my oggendaanbidding en lofprysing verskyn die wonder van wat ek die naweek aanskou het, weer in my gedagtes en word die volgende lesse daaruit vir my geleer deur die Gees van Yahweh.

Soos wat ons gewag het om in te gaan en die wonder van die valle te aanskou, so wag die mense hier op aarde op die koms van ons Verlosser wanneer Hy op die wolke sal verskyn. Daar is ’n groot afwagting en opgewondenheid onder Sy kinders om Hom te sien. Maar so is daar ook ’n paar wat moedeloos raak terwyl hulle wag, maar steeds wag hulle en hou moed want die einde is in sig. Ongelukkig is daar ook dié wat nie kans sien om so lank te wag nie en maar omdraai en wegstap van die heerlikheid wat daar wag, want die wêreld roep harder as die stem van die Almagtige. Die klein syvertakking van die rivier was soos ’n klein voorskou van wat op ons wag en so loop ons ook in ons omwandelinge saam met Vader hierdie onverwagse heerlike geskenke van Sy Heerlikheid raak en staan ons soms verbyster voor Sy grootheid en Almag. Soms wanneer ons totaal moedeloos is, lei Vader ons om by so ’n syvertakking uit te kom, sodat ons weer verfris kan word deur die heerlikheid van Sy genade.

Wanneer jy by die park ingaan, dan weet jy, jy het uiteindelik gearriveer by jou bestemming, die paar kilometer wat jy nog moet ry, maak nie saak nie, want jy is in, die gewag is verby. Wanneer ons die Here aanneem as ons enigste Verlosser, dan het ons ook gearriveer, in die Heerlikheid en reddende Genade van ons Koning. Dan kan ons eers die groot rivier van Sy genade sien. Ons is nog nie by die skouspel nie, maar ons kan nou sien waarheen dit lei en ons sien die Almag wat hierdie rivier van Liefde en Genade van ons Vader voortdryf.

Die afgaan na die valle is ook die paadjie wat ons moet wandel nadat ons gered is, want dan eers begin die groei en die werklike kennismaking met die grootheid van God. Ons kan Sy stem hoor net soos ons die gedreun van die valle kan hoor. Dit lok jou om nader te kom en die almag en skouspel te kom aanskou.

Elke een wat daar staan en die valle aanskou lyk baie tevrede, want hulle het tot hier gekom om die wonder van die valle te aanskou net soos die kinders van Vader baie bly is dat hulle die wonder van Sy heerlikheid mag aanskou.

Die reënmis wat opslaan van die valle en mens omtrent insluit van alle kante is soos die Gees van Vader wat ons omvou, wat deel word van ons en getuig van die grootsheid van die water. Sonder die water kan daar geen reënmis wees nie en die valle veroorsaak die reënmis. Die een getuig van die ander en saam is hulle deel van dieselfde water.

Aan die einde van die besoek het my vrou opgemerk dat dit voel asof die hele prentjie nog nie heel voltooi is nie, sy sal graag wil sien waar die water die see inloop, want dit sal die hele skouspel afrond.

Vir die afronding van die skouspel sal ons maar nog ’n rukkie moet wag totdat ons Koning ons kom haal op die wolke, dan sal die prentjie voltooi wees.

Watter wonderlike ervaring was dit nie en wanneer ek weer by ’n waterval kom, sal die les van Augrabies my altyd bybly.

Soms tref ons die Vader se genade en lering op die mees onverwagse plekke aan, ons moet net altyd sorg dat ons “ore” oop genoeg is om te luister.

Tips from Granny

* Good manners don't cost anything.
* You can only do your best.

* Never go to bed on an argument. 
* Don't buy what you can't afford.
* Treat others the way you would like to be treated.

* Never drink alcohol on an empty stomach.  
* A smile can get you a long way.

* Never go out with wet hair.  
* You don't get something for nothing.
* Never accept a lift off a stranger.

* A happy marriage is the foundation to a happy family.

* Work hard at school because qualifications are the one thing that can't be taken from you.
* Family first.
* I want, never gets.

Vandag se internetgebed vir jou:

Gedig: Lidi de Waal

ek weet hierdie is dalk vir jou 'n mondvol tjol
maar nou dat ek tot hier gekom het
nou is ek tot boordenstoe gatvol
tot oorlopenstoe keelvol
tot near to the brim toe oorvol
vir al die gerondhol
vir die dolle ge-om en ge-om en ge-omtol
voor ek weer sal kan rondjol
en met nuwe moed weer kan voortrol
wil ek nou net eers heeltemal inmol
in die luukse van rus en stilte
en wyn by die glasvol
en sommer net van tjoklits en gesels
en lees en lê en slaap
hoograak soos met ń goeie zol
so niemand moet nou enigsins
verder met my kom lol
... want hierdie klink vir my mos nou
so heeltemal in die kol
so gans en al deernisvol
so uitermate sinvol

Deur: Lidi de Waal

[Gaan besoek hierdie merkwaardige en bekende kunstenaar HIER. Dankie, Estelle, vir hierdie deel van hierdie gedig.]

Saterdaglagmedisyne

Dis my verjaarsdag vandag, en ek kan nie besluit of ek ongelukkig of dankbaar moet wees nie.

Fee for knocking my door

One of the houses I deliver newspaper had its mailbox blocked, so I knocked on the door.

Mr. David, an elderly man with unsteady steps, slowly opened the door. 

I asked, "Sir, why is your mailbox blocked?"

He replied, "I blocked on purpose."

He smiled and continued, "I want you to deliver the newspaper to me every day. Please knock the door or ring the bell and hand it to me in person."

I was puzzled and replied, "Sure, but that seems inconvenience for both of us and a waste of time."

He said, "It's all right. I'll pay you extra each month as Knocking Fee.

With a pleading expression, he added, "If there ever comes a day when you knock on the door and find no response, please call the police."

I was shocked and asked, "Why, Sir?"

He replied, "My wife passed away, my son is abroad, and I live here all alone, who knows when my time will come."

At that moment, I saw the old man's misty, moist eyes.

He further said, "I never read the newspaper. I subscribe it to hear the sound of knocking or doorbell ringing. To see a familiar face and exchange few pleasantries." 

He clasped his hands and said, "Young man, please do me a favour. Here's my son's overseas phone number. If one day you knock on the door and I don't answer, please call my son to inform him."

After reading this, I realised there are so many solitary, lonely, elderly people among our circle of friends.

Sometimes, you might wonder why they, in their old age, still send messages on WhatsApp, just like days they were still working.

Actually, the significance of these morning and evening greetings is similar to the meaning of knocking or ringing the doorbell; it's a way of wishing each other safety and conveying care.

Now-a-days, WhatsApp is very convenient, and we don't need to subscribe to newspapers anymore. 

If you have the time, teach your elderly family members how to use WhatsApp. 

One day, if you don't receive their morning greetings or shared articles, they might be unwell or something may have happened to them.

Please care for your friends and family. After reading this, my eyes welled up with tears. I deeply understood the significance of our WhatsApp messages to each other.

[Thank you, Rosetta, for sharing this with us.]

Liz' thoughts

Click HERE for more. 

Resep: Paasbolletjies

Paasfees is om die draai en heerlike tuisgebakte paasbolletjies sal net die ding doen. 

Bestanddele
450 g witbroodmeel

5 ml all spice (gemengde speserye)

2 ml sout

120 g gemengde droë vrugte (rosyne, sultanas, korente en sitrusskil)

50 g (60 ml) suiker

7 g droë gis

55 ml gesmelte botter/margarien

215 ml louwarm melk

1 eier, geklop

Versiersel (kruisie)

60 ml witbroodmeel

15 ml suiker

15 ml melk

1 groot eier

Metode

• Meng alle droë bestanddele, behalwe die droë vrugte.
• Meng alle nat bestanddele en meng in die meelmengsel in.
• Knie tot sagte deeg (voeg bietjie melk by as te styf is). Knie goed vir omtrent 10 min. tot lekker elasties.
• Maak toe en laat rys tot dubbel die grootte.
• Knie deeg af.
• Knie vrugte in en maak 12 bolletjies.
• Pak bolle langs mekaar op bakplaat en laat weer rys.
• Maak die versiersel aan tot gladde pasta. Skep dit in 'n versiersak of plastieksak waarvan 'n klein hoekie afgesny is. Spuit kruise oor bolletjies.
• Bak by 350 gr C vir 15-20 min.
• Verf 'n bietjie suikerwater oor die bolletjies as uit die oond kom.

Variasie

Laat vrugte en all spice uit en voeg sjokoladesplinters by en vanieljegeursel in all spice se plek.

[Uit: Die Pienk Boekie: Nuusbrief nr. 93, Maart 2011 - Jeanetta du Preez]

Klik HIER vir nog resepte.

Woensdagwense: week 14

Dinsdag-denke: Paul ... die vervolgde broer in Christus

Net soos die Apostel Paulus, was Paul in Afrika gevange geneem vir sy geloof. Nou in sy vroeë 40's, het hy reeds 10 jaar in 'n Eritiese tronk verduur. Hier het hy konstante hongerte, siekte en 'n geestelike geveg ervaar om sy geloof te ontken. "Ons sal jou vrylaat as jy net instem om hierdie vorm te teken," het die wagte gesê. "Hoekom al hierdie jare mors?"

"Dis alles ter wille van my geloof," het Paul aan hulle gesê.

Terwyl Jan Gouws hierdie getuienis skryf, word Christenmans vervolg, geslaan, uitgebuit, gevange geneem en doodgemaak vir hulle geloof. Vervolging teenoor hulle is gewoonlik gefokus, ernstig en sigbaar. En wanneer manlike broodwinners en kerkleiers getref word - word hul gemeentes en families in puin gelaat.

Paul is uit die tronk, maar sy stryd is nog lank nie verby nie. Beide sy ouers is dood terwyl hy in die tronk was, so op hierdie stadium rou hy. Hy voel soos 'n vreemdeling vir sy familie en sy pyn is wesenlik.

Paul se woord van dank aan Geopende Deure was soos volg: "Julle het my materieel ondersteun terwyl ek in die tronk was, sels al is julle nie my bloedfamilienie. Selfs na my vrylating is die manier waarop julle my ondersteun het, ongelooflik. Ek het die hand van die Here deur julle gesien. Ek kan julle nie genoeg bedank nie. Die Here vertroos my en gee my hoop. Ek wil steeds vir Hom lewe en die vrug van Sy arbeid in hierdie land sien. Dit is die enigste ding wat ek begeer."

[Jan Gouws - Uitvoerende Direkteur
Geopende deure Suider-Afrika
22 Oktober 2019 - uittreksel uit brief van Geopende Deure]

April-verjaardae

10 - Mnr. A Maritz

10 - Mev. V C Koeglenberg

16 - Mnr. A Keulder

17 - Mev. S Dita

25 - Mev. T Visser

Vandag se internetgebed vir jou: Oggendgebed

In die grys van die môrelig bring ek myself voor U, my God.
Gestroop van dit wat die wêreld van my weet.
Elke klein gedagtetjie is aan U bekend.
Al my drome lê mooi uitgepak.
Elke kommer het U eerste raak gesien.
Heer, stroop my van alle onsuiwerhede.
Gebruik my vandag tot U eer.
Laat my luister na die Heilge Gees wat my bewoon.
Help my onthou van hoe Jesus mense na U gelei het.
Almagtige God en Vader, dankie vir die voorreg om dit te weet.

Dankie vir elke seëning en U aanraking.
U ken my lewe.
In hierdie grysoggend uur is ek dankbaar.
U is in beheer van my lewe.
Laat U lig deur my skyn vir elke eensame siel daarbuite.

'n Heerlike lagbui ...

'n Heerlike lagbui is beter as medisyne.

Leer om jou neus uit ander se sake te hou.

Dan het jy genoeg tyd om jou eie sake

in orde te hou.

Leer om stories te vertel.

'n Goeie storie is soos 'n sonstraal op 'n grou dag.

Leer om 'n kompliment te gee waar jy kan.

Almal kan doen met 'n goeie woordjie.

Leer om sarkastiese opmerkings te vermy.

Dit gee nog die spreker nog die ontvanger

enige plesier.

Leer om op te hou kla.

As jy niks goeds kan sien nie,

bly ten minste stil daaroor.

Leer om nie oor jou pyne te praat nie.

Niemand stel in elk geval daarin belang nie.

Leer voor enigiets anders om te lag.

Dit koop meer vreugde

as al jou geld in die bank.

[George Cooper]

[Dankie, Anoniem, wat hierdie stukkie waarheid met ons deel.]

Verjaardagwense

Mev. Roos, u moet lekker verjaar. Mag u net seën en liefde van Bo ontvang en mag vrede en geluk jou soos 'n skadu agtervolg. Vreugde vir hierdie dag.

Saterdaglagmedisyne

Goeie Vrydag-wense

Mag die seëninge van Goeie Vrydag vir jou vrede, hoop en liefde bring.

Mag die offer van Jesus Christus jou op hierdie heilige dag inspireer om met deernis en vriendelikheid teenoor ander te lewe en op te tree.

Mag jy troos en vertroosting vind in die liefde van Christus op hierdie Goeie Vrydag.

Laat ons die offer van Jesus Christus onthou en daarna streef om sy leringe van liefde, vergifnis en barmhartigheid te volg.

Mag jy 'n geseënde Goeie Vrydag en 'n betekenisvolle Paasseisoen hê.

Tips from Granny: Drink Water Instead of Soda or Juice

"My Grandma didn’t have special drinks around that cost extra money. She simply drank water, coffee or tea that she brewed at home. She kept it frugal and simple. We spend so much on bottles of water, sports drinks, sodas and specialty coffees that it’s a multi-billion dollar industry and yet why not just save the money like grandma did and drink water? Your wallet and your waistline will thank you for it."

Verjaardagwense

Mev. Jansen, baie geluk met u verjaardag. Mag Jesus u oorvloedig seën sodat u altyd gelukkig sal wees. Geniet hierdie spesiale dag.

Liz' thoughts

Click HERE for more. 

Woensdagwense: week 13

Dinsdag-denke: Die dooie eend

Die volgende is ‘n kort verhaaltjie oor die genade van ons Hemelse Vader.

Daar was op ’n keer hierdie seun wat ’n rek present gekry het, maar niks daarmee kon raakskiet nie.
Tot hy op 'n dag op sy ouma se troeteleend aangelê het. Wat natuurlik ’n raakskoot was - met die gevolg: ’n dooie eend. Toe hy paniekerig die eend onder ’n klomp hout probeer wegsteek, sien sy suster hom. Toe hy en sy suster die aand na ete skottelgoed moes was, was sy suster se woorde gou: ek dink jy kan maar alles was, en as jy nie wil nie, onthou gerus van die eend.

Na twee weke was hy so moedeloos gewas dat hy besluit het om maar liewer voor ouma te bieg. En ouma se woorde? Ek weet van die eend, my seun. Ek het alles deur die venster gesien. Omdat ek jou liefhet, het ek jou klaar vergewe. Ek het net gewonder hoe lank jy jou suster gaan toelaat om jou haar
slaaf te maak.

Wat het hier gebeur? Die seun was reeds vergewe, maar hy het gedink hy is skuldig, het geglo hy sal altyd skuldig bly, omdat ouma hom nooit sal vergewe vir haar troeteleend nie. As hy maar net dadelik na ouma gegaan het.

’n Eenvoudige verhaal. Maar dit is ook ons verhaal. Ons skiet nie met rekke nie, maar wel met oneerlikheid, hebsug, woede, arrogansie, leuens. God is soos hierdie ouma. Hy sien ons, al probeer ons wegkruip. Hy reik uit na ons al sondig ons elke dag. Hy hou ons steeds styf vas en verseker ons van Sy liefde en genade net omdat Hy kan. Hy is ons God. Hy verlaat ons nooit oor verkeerde besluite nie, maar betoon eerder sy liefde aan ons.

Die beste voorbeeld wat Jesus vir ons kom stel het, was juis hierdie voorbeeld van genade - onverdiend en liefde onvoorwaardelik. Aan die kruis word Jesus bespot deur die misdadigers wat saam Hom gekruisig word. Een van hierdie misdadigers reik uit na Jesus en dan sien ons hoe Jesus hom verseker dat hy saam met hom in die paradys sal wees. Die Here het elkeen van ons onvoorwaardelik lief en dit is iets waarvoor ons waarlik dankbaar kan wees. Ons dien immers ‘n God wat uitkyk vir ons en ons veilig hou in sy hande.

Bron: Maandblad van die NG-kerk Môregloed

Augustus 2018 

[Dankie, Anoniem, dat jy hierdie stukkie met ons deel.]  

Verjaardagwense

Mev. Botha, vandag gee ons met liefde vir u 'n bossie rooi rose en 'n heerlike koppie tee om op u verjaardag te drink. Mag Jesus u oorvloedig seën.

Vandag se internetgebed vir jou: Vir U sorg

Hy is kosbaar vir My ...

Ek het jou naam op seesand geskryf,

maar seewater het oor dit gespoel.

Ek het jou naam in die lug geskryf,

maar die wind het dit weggewaai.

Toe besluit ek om jou naam in gebed te noem

en die Here antwoord my:

"Ek ken daardie naam.

Hy is kosbaar vir My

en niemand sal hom uit my hand ruk nie."

[Dankie, Elmari Guy]

Saterdaglagmedisyne

World Water Day

What does it feel like to be old?

The other day, a young person asked me: What did it feel like to be old?

I was very surprised by the question, since I did not consider myself old. When he saw my reaction, he was immediately embarrassed, but I explained that it was an interesting question. And after reflection, I concluded that getting old is a gift.

Sometimes I am surprised at the person who lives in my mirror. But I don't worry about those things for long. I wouldn't trade everything I have for a few less gray hairs and a flat stomach. I don't scold myself for not making the bed, or for eating a few extra "little things." I am within my rights to be a little messy, to be extravagant, and to spend hours staring at my flowers.

I have seen some dear friends leave this world, before they had enjoyed the freedom that comes with growing old.

Who cares if I choose to read or play on the computer until 4 in the morning and then sleep until who knows what time?

I will dance with me to the rhythm of the 50's and 60's. And if later I want to cry for some lost love ... I will!

I'll walk down the beach in a swimsuit that stretches over my plump body and dive into the waves letting myself go, despite the pitying looks of the bikini-wearers. They'll get old too, if they're lucky ...

It is true that through the years my heart has ached for the loss of a loved one, for the pain of a child, or for seeing a pet die. But it is suffering that gives us strength and makes us grow. An unbroken heart is sterile and will never know the happiness of being imperfect.

I am proud to have lived long enough for my hair to turn gray and to retain the smile of my youth, before the deep furrows appeared on my face.

Now, to answer the question honestly, I can say: I like being old, because old age makes me wiser, freer!

I know I'm not going to live forever, but while I'm here, I'm going to live by my own laws, those of my heart.

I'm not going to regret what wasn't, nor worry about what will be.

The time that remains, I will simply love life as I did until today, the rest I leave to God.

[Thank you, Janine for sharing this thoughts.]

Liz' thoughts

Click HERE for more.

Woensdagwense: week 12

Dinsdag-denke: Vir ons beswil

Soms bring God swaarkry oor Sy kinders om hulle weer op die regte pad terug te bring. 

As dit met ons goed gaan, is dit so maklik om ver van God af weg te dwaal. 

Dit is eers in tye van nood en swaarkry dat ons werklik besef dat ons self hulpeloos en onmagtig is, dat ons ontdek dat daar net Een is wat werklik kan help en vir ons uitkoms kan gee. Aan die einde van die dag is daardie stuk swaarkry wat ons weer by God uitgebring het, dus tot ons beswil. 

God het altyd 'n doel met ons seerkry en swaarkry. Hy wil ons daardeur nader aan Homself trek, Hy wil ons leer dat ons nie sonder Hom kan lewe nie, dat ons Sy liefde en krag elke dag nodig het, dat hierdie pyn en swaarkry waarteen ons so skop, ons uiteindelik ryker en ryper kinders van God sal maak. 

Dwarsdeur die Bybel kry ons te doene met mense wat deur hulle swaarkry vir God beter leer ken het. Job erken op die ou end dat sy swaarkry die bril was waardeur Hy God gesien het.Tot nou toe het ek net gehoor wat mense van U sê, maar nou het ek U self gesien. Job 42:5

Hemelse Vader, ek weet so goed dat U 'n doel het met hierdie probleme in my lewe, maar ek kan nie leer om vrede te maak daarmee nie. Dankie dat U my daardeur wil leer en dat U dit wil gebruik om my voete weer op die regte pad te kry. Amen.