Gedig: Aaispaai

Ek vra vir Ma wat sy verstaan

onder die woordjie ewigheid.

Sy sê: daar is geen tyd,

maar alles gaan net aan en aan.

Dit moet dan iets beteken

soos 'n Royalbakpoeierblik

met prent op prent geteken:

jy kry net blik op blik op blik.

[DJ Opperman: Kuns-mis 1964] 

Klik gerus HIER vir inligting oor die digter.

Gedig: Namakwaland

Op die groot saaidag van die heelal
het reeds 'n entjie duskant Wupperthal
oor die kaal Noordweste
'n sakkie van die HEER se beste
saad per ongeluk gelek,
gelek en uitgeval.

* DJ Opperman

Klik gerus HIER vir inligting oor die digter.