Ouma se wenke: Hier is 11 wenke om in jou etenstyd ’n blaaskans te vat en te ontspan ...

* Strek jou bene - gaan stap ’n bietjie en kry vars lug. Dit help met bloedsirkulasie en sal jou blootstel aan die nodige sonlig wat jou ’n hupstoot kan gee.

* Verrig take - gaan betaal ’n rekening, gaan koop iets te ete vir vanaand of tel gou jou baadjie by die droogskoonmakers op.

* Gaan gym of doen ander oefeninge tydens jou etenstyd.

* Vat ’n middagslapie of selfs net ’n powernap om weer kragte op te bou.

* Spandeer tyd saam met kollegas en vriende of selfs jou wederhelf en kry iets te ete.

* Gee terug - volunteer by ’n sopkombuis of om skoolkinders te tutor.

* Kry jou fokus terug deur te mediteer. Dis ’n goeie manier om te ontspan.

* Gaan doen inkopies vir jouself, ’n geliefde of die huishouding.

* Lees ’n boek of selfs die koerant om jou brein aan die gang te hou.

* Bel ’n familielid of vriend om net hallo te sê of om bietjie stoom af te blaas.

* Luister na musiek met jou oorfone aan. Jy kan na hartelus die volume opdraai en jou gunstelingliedjie geniet. Moet net nie kliphard saamsing nie.