Roep die Here vanoggend aan want Hy is lofwaardig. Gee aan God die lof, gee aan jou Skepper die eer voordat jou dag nog begin.
Al het jy nie nou enige aanvalle van die vyand nie; loof God nog steeds vir sy goedheid en sy genade, wat jou elke dag opwek en jou met wysheid en krag toebedeel, om jou doelwitte te bereik.
Doen dit en sien hoe God jou met sy rykdom van blydskap en vreugde vul.
Jy stap met 'n groot voordeel alreeds die dag in, in oorwinning in Jesus se Naam.
Dankie Here my God, vir u groot genade van u heerlike blydskap en vreugde, waarmee ek my eerste tree vir die dag kan ingaan. U is lofwaardig en ek wil vroegdag u Naam saam met die engele verheerlik en vereer. Amen
No comments:
Post a Comment