Bybelleesprogram: Lees vir 'n 100 dae - week 5 dag 3

Verdere inligting HIER.

Woensdagwense: week 31

Projek Winterhoop 2024

Die ACVV se projek in Leratopark se sukses is te danke aan elkeen se bydrae - sonder julle kon daar nie 'n Projek Winterhoop 2024 gewees het nie. Sommer 'n GROOT uit die hart DANKIE vir elkeen van julle. Julle bydrae maak die winter vir baie 'n bietjie draagliker. 

Bybelleesprogram: Lees vir 'n 100 dae - week 5 dag 2

Verdere inligting HIER.

Tips from Granny: Wear an Apron

"This tip may seem really outdated, but the purpose of aprons are to protect your clothes. Women didn’t used to have very many dresses, so they would use aprons to protect the ones that they had to keep them clean, tidy and extend their use. It’s not hard to get into the habit of putting on an apron everytime you’re working in the kitchen, garden or any other dirty job. Doing so will save you money by protecting the clothes that you’ve already spent you’re hard earned money on."

ACVV reik uit na Christina Kiddie Kinder- en Jeugsorgsentrum

Die ACVV het elke jaar 'n aantal projekte wat hulle loods om 'n verskil in veral minderbevoorregte kinders se lewens te maak. Tafeltjies, stoeltjies, speelgoed en baie ander oulike goed het hulle weg na Christina Kiddie Kinder- en Jeugsorgsentrum gevind na die sluiting van die ACVV-kleuterskool. Hierdie is een van die vele projekte wat hulle deur die jaar aanpak.

Bybelleesprogram: Lees vir 'n 100 dae - week 5 dag 1

Vandag se internetgebed vir jou:

Oomblik van stilte: 2 Timoteus 2:9b

..., maar die woord van God is nie gebonde nie.

Moet nooit die Woord van God in jou daaglikse lewe onderskat nie. Sy Woord is kragtig, lewend en aktief en kan bereik dit wat Hy gesê het. Dit mag lyk of jou situasie onveranderbaar is, maar Sy Woord is meer kragtig as dit, Sy Woord verander nie, en dit sal jou deur jou situasie dra.

Gebed: Vader, dankie dat ek op U kragtige en voortdurende Woord in my lewe kan reken. As U dit sê, glo ek dit en dit is dit! Amen.

[Aangestuur deur Pieter Swanepoel]

WATERDRUPPEL vir die WEEK = Anna se simfonie

Groete en Vrede!!!

Ons was altwee besig die spesifieke dag en sou eers met etenstyd kon gesels. Ek was buite besig by Die Ark, terwyl die Mooiste Mooi in die Sentrum doenig was. Vandag is een van daardie spesiale dae wat sy en ‘n klompie van Noenieput se vroue hulleself besig hou met “crafting” aktiwiteite in die Sentrum. Daar word gewoonlik gekuier, gelag, hulle koggel mekaar en natuurlik bid en huil hulle saam. Manne is nie welkom nie. Die enigste taal wat in die Sentrum gepraat word, is vrouetaal. En die manlike geslag sukkel mos maar oor die algemeen om regtigwaar hierdie taal ... hierdie hartstaal van 'n vrou te verstaan.

So ‘n “crafting” dag het vir die meeste van hierdie vroue amper heilig geword. ‘n Plek en tyd waarop hulle besitlik en selfs jaloers is. Jare gelede het Pollie en haar buurvrou, Lucy, op 'n keer vir voorwêreld vriende wat kom kuier het, beduie dat die “Craftkamer” die enigste plek is waar hulle veilig voel. Veral as dit voel asof die stofstorms van die lewe jou versmoor.

“Ou Anna se hart is soos ‘n oorlooptenk vandag. Sy is weer op haar snykant met al die gekerm en gekla” sê die Mooiste Mooi met die aansit by die etenstafel. Meteens verstaan ek waar die moedeloosheid wat met ‘n hoofletter M en ‘n strepie op elke “o” wat tog te duidelik op haar voorkop geskryf is, vandaan kom. Sonder om ‘n woord te sê, vat ek haar hand en kyk haar vol in die oog. Ek weet sy sal die vraag in my oog sien. Ek weet ook sy sal my daarvan vertel.

 
So vertel die Mooiste Mooi lateraan dat Ou Anna (wie floreer op simpatie), soos gewoonlik weer laat was. Eintlik was sy baie laat ... so laat dat sy net na die oggend se koffietyd daar aangekom het. Sommer met die inloop in die Sentrum in, kon mens al aanvoel dat ou Anna vandag weer van haar gaan laat hoor. Haar benerige skouertjies wat lyk asof hulle weke laas gelede reguit was, het die stryd teen die swaartekrag verloor.

 
Sommer so met die toemaak van die deur, het sy almal bekyk, die leë koffiebekers en klein bordjies gesien, diep gesug en haar geplooide gesig op 'n kreukel getrek. Haar eerste woorde nog voor sy by haar stoel langs die werkstafel kon kom, was dat sy nog nie nat of droog oor haar lippe gehad het nie. “En ‘n koekie of twee ... veral daardie soort met die stukkies sjokolade in, sal darem al te ‘nxa’ wees” het sy geskimp.

Sy het skaars haar sit gekry, toe sy wegspring om met oorgawe ‘n simfonie - haar klaagliedsimfonie - uit volle bors te sing. Die meeste van haar gekerm en gekla kom oor etlike jare saam. Hoofsaaklik het dit maar gehandel oor haglike lewensomstandighede asook die stryd in en met haarself. Aspekte waaraan sy of haar huismense nie kan of wil aandag gee nie. So word die vinger na alles en almal gewys terwyl die waarheid meestal tot haar eie voordeel heel vreemd voorgehou word.

 
Terwyl die Mooiste Mooi so tussen al ons gekou en gesluk langs die etenstafel vertel, besef ek dat ou Anna en moontlik ook ek, jy en alle ander mensegoed wat ook kerm en kla, eintlik in goeie geselskap is. Vat maar as voorbeeld vir Israel van ouds. Dink maar net aan al hulle gekerm, gekla en ook hul gesanik terwyl hulle in Egipte was. Die klompie uitverkorenes het onophoudelik in die Here se ore geneul oor die verdrukking en hulle gesukkel en gesweet.

 
Meteens besef ek dat die Here nooit sluimer of slaap nie. In Sy allemintige wysheid het Hy ‘n plan en ‘n uitkoms vir elke klagte. Dit is dalk nie die plan wat ek en jy en Anna in gedagte het nie, maar ons Here het ‘n plan. In Israel se geval was dit 'n dramatiese en drastiese plan. Hierdie plan behels om ‘n bejaarde Moses wat in die Midian woestyn weggekruip het, te stuur om die volk uit Egipte te lei. Na sy ontmoeting met die groot “Ek is”, vat Moses (ondanks die feit dat hy bang en vol verskonings is) mede-eienaarskap van hierdie reddingsplan. Net soos Jesus ‘n paar eeue later, het hy gegaan en gedoen wat van hom verlang word. Ek wonder of dit is wat die Israeliete destyds en die mensdom vandag wou hê. Dalk wou hulle eerder sien dat die Here self die saak beredder.

Ons etensuur is amper verby en ons aktiwiteite moet haas aan weer aan die gang kom. Die gekoer van ‘n handjievol bosduiwe op die Sentrum se dak trek my aandag, terwyl ek en die Mooiste Mooi Sentrum toe stap. Net voor ek die deur vir haar oopmaak, besef ek dat Vader iewers in die gistertye van die lewe sommiges van die Kalahari se alleen en vergete mense se gekerm en gekla gehoor het. Vanweë Sy oneindige liefde vir hulle, het Hy in Sy allesomvattende wysheid besluit om iets daaraan te doen. Eers het Hy Jesus gestuur. Baie jare later moes ek en die Mooiste Mooi ‘n bondel Kalahari mensegoed onvoorwaardelik kom lief hê en help. Iets wat ons net met Sy hulp, leiding en onderskraging kan doen.

 
Maar wat van jou en my? Wat van ons? Gaan ons soos ou Anna aanhou kerm en kla oor alles en nog wat? Gaan ons ander se ore onnodig moeg maak met al ons geneul? Of gaan ek en jy eerder as gestuurdes, ander kosbare mensegoed onvoorwaardelik lief hê omrede Vader ons na hulle gestuur het om te help? Ek dog ek vra maar.

Eks 3 vers 10 (Afr20) = "Gaan nou! Ek stuur jou na die farao toe. Jy moet my volk, die Israeliete, weglei uit Egipte uit."

Sandkorrel baie seëninge 

Divine Life Bediening (HJ & Dalene Cronjé)
Selnr: 082 772 2192
WhatsApp: 081 568 7549
Klik HIER vir verdere inligting.

[Dankie, Anoniem, vir die deel van hierdie stukkie. Indien jy as leser wil en betrokke kan raak by hierdie uitreiking, maak asseblief gebruik van die kontakdetail hierbo.]

Herinneringe: My grootouers

Hulle was liefdevolle siele ...

God het in sewe dae alles gemaak. Al die pragtige bome en die water. Hy het 'n wonderlike kleurvolle bal gemaak en dit Aarde genoem. Van alles wat Hy gemaak het, was my grootouers die beste, eintlik moet ek sê ... is die beste, want hulle leef nog steeds, maar net in 'n ander liggaam ...

Ek sê my grootouers is spesiaal. Maar hoe weet ek dit?

Ek het my ma gevra. Sy het my alles vertel, want ek het nie die geleentheid gehad om met hulle te praat nie. Ek hoor al hierdie wonderlike stories van hulle, maar hoe weet ek of dit waar is? Ek sit elke dag met talle vrae - soos watter soort mense was hulle ... Ek het egter nie geweet dat ek met al die antwoorde rondom my sit nie.

Hulle sê dat as God iets vat, gee hy iets beter ...

Ek kan opstaan en uitskree dat dit waar is. As ek sê ek weet alles van hulle, lieg ek, maar ek weet alles van hulle innerlike eienskappe ... want ek sien dit daagliks in iemand anders.

Wie?

My broer. 

Ek het saam met my ouers gebly tot ek vier jaar oud was. Dan het die lewe gekies om hulle ligte af te sit, sonder 'n groet! Nou bly ek saam met my broer en hy het al die eienskappe van my grootouers wat my ma vir my vertel het. Eienskappe soos 'n goeie hart, 'n liefdevolle persoonlikheid en 'n ongekende lewensvreugde.

In hom, leef hulle!

Ons het nie alles in ons huisie nie ... geen geld, geen karre, maar elke oggend word ek wakker met 'n glimlag op my gesig en my hart is vol van liefde. Die rede daarvoor is dat ek voel hoe warm en veilig dit in my huisie is ... en dit vir my is om alles te hê. Ek werk hard by die skool, want ek wil iets vir my broer doen, want hy is besig om na my te kyk. Ek wil vir hom 'n huis koop ... 'n Groot huis ... eendag ...

In my oë sien ek my grootouers in my broer. Dis hoekom ek kan sê hulle leef nog! Ek bid tot God om vir Hom te vra vir 'n dag, net 'n dag saam met hulle, om hulle te wys hoe dankbaar ek vir 'n boetie is wat my so lief het. Hoe dankbaar ek is dat hulle na my "kyk" en dat hulle altyd daar is ...

Net 'n dag ...

[Agostinho Nhancale - 14 September 2017]

Poem: They are the greatest!

The computer swallowed grandma.

Yes, honestly it's true!

She pressed 'control and 'enter'
And disappeared from view.

It devoured her completely,
The thought just makes me squirm.
she must have caught a virus
Or been eaten by a worm.

I've searched through the recycle bin
And files of every kind;
I've even used the Internet,
But nothing did I find.

In desperation, I asked Google

My searches to refine.
The reply from there was negative,
Not a thing was found 'online.'

So, if inside your 'In box,'
My Grandma you should see,
Please 'Copy, Scan' and 'Paste'
And send her back to me.

[This is a tribute to all the Grandmas and Grandpas

who have been fearless and learned to use the computer...]

Saterdaglagmedisyne

Bybelleesprogram: Lees vir 'n 100 dae - week 4 dag 5

Klik HIER vir meer inligting! 

Weekly message from the angels

Don't forget to smile today!

Bybelleesprogram: Lees vir 'n 100 dae - week 4 dag 4

Klik HIER vir meer inligting! 

Maak die lewe die moeite werd

'n Moeder vertel in 'n tydskrifonderhoud van haar besigheid wat verskuif het en dat die nuwe perseel se groot vertoonvensters uitkyk op 'n baie besige spoorlyn. Die treine het nooit vinnig beweeg op hierdie stuk spoorlyn nie. Haar vierjarige dogtertjie het groot vreugde geput uit die treine wat elke dag, 'n paar keer op 'n dag daar verbygery het. Sy het naderhand die tye van die treine geken, dan het sy vinnig na die groot vertoonvensters gehardloop en vir die treindrywer en die kondukteur gewaai.

Met tyd het hulle ook begin terugwaai, en later het hulle die trein se toeter geblaas as hulle verbykom. Dit het haar dogtertjie se dag gemaak en met 'n groot glimlag op die gesiggie en ogies wat skitter van lekkerkry, het sy op en af gespring en gewaai en gelag.

Dit het vir drie jaar so aangegaan. Toe het dit tyd geword dat haar dogtertjie skool toe moes gaan en na sy haar die eerste dag afgelaai het, het sy baie hartseer na haar werk teruggekeer. Sy het die trein hoor aankom en by die groot venster gaan staan en terwyl die trein verbygekom het, kon sy sien almal se oë soek na die klein figuurtjie wat altyd so vol vreugde vir hulle gewaai het. Sy het by die venster gaan staan en baie hartseer so liggies vir hulle gewaai.

Die volgende dag was dit dieselde en sy het 'n kennisgewing gemaak wat gesê het dat haar dogtertjie nou skoolgaan.

Maar die volgende dag het die trein weer verbygekom en dit was vir haar asof hulle stadiger gery het en die oë het gesoek na die klein lyfie.

Twee dae later het die trein weer verbygekom en die volgende oomblik het dit gestop en oor die spoorlyne het die kondukteur gehardloop en by die voordeur ingekom. Hy het verduidelik wie hy was en wou net weet waar die vriendelike dogtertjie was. Tranerig het die moeder verduidelik dat sy nou skoolgaan en dat sy 'n kennisgewing in die venster gesit het. Hy sê toe dat hulle die kennisgewing gesien het, maar dit nie kon lees nie, en hulle was bekommerd dat sy dalk siek was.

Toe sê hy vir die moeder dat dit die hoogtepunt van sy dag was. Hy het deur groot probleme gegaan en hy was menige dag so moedeloos en as hulle hier verbygery het en haar skitterogies en groot glimlag gesien het, dan het hy sommer vergeet van al sy laste en probleme en dan was die dag sommer mooier.

Wat beteken jou menswees vir ander ...? Voel hulle sleg en depressief as hulle naby jou was of is jy soos die dogtertjie ... 'n ligstraal vir ander wat se stryd baie swaar is. Maar ten spyte van hulle moeilike omstandighede, is jou teenwoordigheid vir hulle 'n ligstraal en om net jou glimlag te sien, is vir hulle so 'n aanmoediging dat hulle sommer beter voel.

Onthou die Woord sê dat ons blydskap in die Here ons beskutting is.

Georgie.

[Dankie, Anoniem, vir die aanstuur van hierdie stukkie. Klik HIER vir nog boodskappe.]

Liz' thoughts

Click HERE for more.

 

Bybelleesprogram: Lees vir 'n 100 dae - week 4 dag 3

 

Klik HIER vir meer inligting!

Die tydglas loop uit ...

Goeiedag Almal

Ek bring geensins nuwe nuus as ek sou beweer dat elkeen van ons op hierdie liewe aarde aan die worstel was-is-sal wees ...

Ons geboorte het gepaardgegaan met 'n worsteling! Vra jou Ma!

En dan was ons grootword en oudword ook ook gevul met Lief en leed!

Hier in die Hexvallei het ek oor meer as 10 jaar geleer dat Tafeldruiwe-boerdery nie vir sissies is nie! Swaarkry, swaar werk, swaartrek, skades en seëninge almal in 'n ry soos 'n lekker Karoo-lam-sosatie!

Lees gerus Ps. 73 en 37 saam met Liedboek 200:1,2,3 asook Rom. 2:4 net om 'n paar te noem.

Seënwense
Brahm

Ek is van oortuiging dat die Here met my en met ons in hierdie tyd praat oor die tyd wat God aan ons gee om te 'Ora et Labora' (Bid en Werk) want die 'tydglas' loop uit!

Woensdagwense: week 30

Bybelleesprogram: Lees vir 'n 100 dae - week 4 dag 2

Klik HIER vir meer inligting!

My Father When I Was ...

4 years old:
My daddy can do anything.

5 years old:

My daddy knows a whole lot.

6 years old:

My dad is smarter than your dad.

8 years old:

My dad doesn't know exactly everything.

10 years old:

In the olden days when my dad grew up, things were sure different.

12 years old:

Oh, well, naturally, Father doesn't know anything about that. He is too old to remember his childhood.

14 years old:

Don't pay any attention to my father. He is so old-fashioned!

21 years old:

Him? My Lord, he's hopelessly out-of-date.

25 years old:

Dad knows a little bit about it, but then he should because he has been around so long.

30 years old:

Maybe we should ask Dad what he thinks. After all, he's had a lot of experience.

35 years old:

I'm not doing a single thing until I talk to Dad.

40 years old:

I wonder how Dad would have handled it. He was so wise and had a world of experience.

50 years old:

I'd give anything if Dad were here now so I could talk this over with him. Too bad I didn't appreciate how smart he was. I could have learned a lot from him.

[Ann Landers - A 2nd Helping of Chicken Soup for the Soul]

Bybelleesprogram: Lees vir 'n 100 dae - week 4 dag 1

Wees deel van hierdie Bybellees-UITDAGING:
- Miskien is dit nie toevallig dat hierdie uitdaging juis op hierdie tydstip van jou lewe kom nie.
- ⁠Ervaar die verryking van gereelde Bybellees.
- ⁠Hoor opnuut weer die Gees van die Here met jou persoonlik praat deur sy Woord.
- ⁠100 Bybelgedeeltes wat jou ‘n goeie oorsig oor Bybel as geheel bied.
- ⁠Lees 5 dae per week.
- ⁠20 weke, dus 100 dae van lees. ⁠Indien jy nog nie begin het nie, begin nóú deelneem aan die uitdaging. Aan die einde kan jy gedeeltes inhaal wat jy gemis het.
- 100 ESSENTIËLE SKRIFGEDEELTES!

Verjaardagwense

Mev. Fourie, baie geluk met u verjaardag. Mag dit 'n jaar besaai wees met rose. Hoop u geniet die dag.

Vandag se internetgebed vir jou: Kameraadskap

Oomblik van stilte: Rom. 8:34

Wie is dit wat veroordeel? Christus is dit wat gesterf het, ja, meer nog, wat ook opgewek is, wat ook aan die regterhand van God is, wat ook vir ons intree.

Christus tree daagliks vir jou by die Vader in, Hy bid vir jou. Christus wil vir jou deur sy genade, net die beste gee, Hy het nie verniet die dood oorwin nie. Hy wil vir jou oorwinning gee oor elke oomblik in jou lewe. Hou net aan, jou oorwinning kom op 'n tyd wat God goed dink om aan jou te gee.

Dankie Here, dat U in my plek vir my gesterf het. Dankie dat U my, saam met U opwek, sodat ek kan wees waar U is. Dankie dat ek kan deel in u oorwinning en rykdom. U sit aan die regterhand van God om my vry te spreek in die uur van oordeel. Ek wil U bedank en loof vir u goedheid en barmhartigheid, in Jesus Naam. Amen.

Saterdaglagmedisyne

Janus (4) kom van die kleuterskool af en vertel baie opgewonde vir sy ma dat hy vandag geleer het hoe die bye heuning maak. Sy ma vra toe vir Janus om vir haar te verduidelik hoe. "Ag, dis baie maklik," sê hy. "Hulle vat stroop en dan gooi hulle geel kleursel van koeke daarby en dan roer hulle dit en dan is dit heuning."

Vrydag-terugflits: Die storie agter 'n mandjie

Die rye is lank.

Jy het vergeet hoe besig dit dié tyd op 'n Saterdagoggend in die supermark is. Jou oë val op die inhoud van die mandjies en waentjies van die ander mense in die ry.

Die een voor jou gaan vleis braai. Daar is pakkies vleis en wors, vuuraanstekers, koeldrank en brikette in sy waentjie. Voor hom is 'n oupa wat pakkies lekkers op die rak by die betaalpunt uitsoek. Eindelik besluit hy op'n pakkie en neem vier van dieselfde soort. Die boodskap is duidelik: Ouma het hom gestuur, want die vier kleinkinders kom kuier. Die lekkers moet presies dieselfde wees om konflik te vermy.

Jy draai effens skuins en die vroutjie agter jou se mandjie tref jou oog: een pakkie katkos, 'n tydskrif, een bakkie lasagne wat opgewarm kan word en 'n groot blok sjokolade. Jy staan ingedagte voor jou. Sy is waarskynlik 'n oujongnooi wat naweke alleen met haar kat deurbring.

Dit is jou beurt om te betaal en soos jy gewoonlik die inhoud van jou mandjie uitpak, wonder jy watter storie dit van jou vertel. Daar is piesangs en skoenpolitoer 'n pakkie papegaaikos, 'n sak hondekos en 'n lekkerny vir die kat. Dit sou seker daarop kon dui dat jy 'n diereliefhebber is. Oor die res is jy nie heeltemal seker nie.

Dan besef jy daar is 'n paar moontlikhede vir alle mandjies se inhoud en dat alles nie net voor die hand liggend verklaar kan word soos jy graag sou wou nie. Die vrou agter jou versorg dalk haar buurvrou se kat en die blok sjokolade is moontlik vir 'n kollega wat verjaar. En jy besef hoe bevooroordeeld 'n mens kan wees as jy nie die storie agter iemand se mandjie ken nie.

[Bron: Noordkaap - Potpurri - Karin Muller]

Bybelleesprogram: Lees vir 'n 100 dae - week 3 dag 5

Klik HIER vir meer inligting!

Weekly message from the angels

 
Aging is not 'lost youth'
but a new stage

of opportunity and strength.

Verjaardagwense

Mev. Haasbroek, mag u verjaardag gevul wees met sonskynwarmte en baie liefde. Geniet u spesiale dag.

122 000 keer dankie vir al ons getroue e-besoekers!

Klik HIER om na die heerlike engelbederf van so 10 dae terug te kyk! 

Noordkaap Bulletin: "Steek hand uit; maak ander se nood ligter"

Klik op die berig/prent om te kan lees of lees gerus die artikel van Helena Barnard oor Allan Visagie HIER!

Bybelleesprogram: Lees vir 'n 100 dae - week 3 dag 4

Klik HIER vir meer inligting!

Verjaardagwense

Mnr. Evans, baie geluk met u verjaardag! Ons bid dat Sy genade oorvloedig sal wees regdeur u nuwe lewensjaar.

Liz' thoughts

Click HERE for more.

 

Bybelleesprogram: Lees vir 'n 100 dae - week 3 dag 3

Klik HIER vir meer inligting!

Woensdagwense: week 29

Bybelleesprogram: Lees vir 'n 100 dae - week 3 dag 2

Klik HIER vir meer inligting!

Tips from Granny: Line Dry Clothes

"I feel like I’m doing my family good because it’s saving us the cost of running the dryer and extending the life of our clothes in the process. It’s really a win-win, so why not give it try? And loadshedding don't influence us."

Bybelleesprogram: Lees vir 'n 100 dae - week 3 dag 1

Wees deel van hierdie Bybellees-UITDAGING:
- Miskien is dit nie toevallig dat hierdie uitdaging juis op hierdie tydstip van jou lewe kom nie.
- ⁠Ervaar die verryking van gereelde Bybellees.
- ⁠Hoor opnuut weer die Gees van die Here met jou persoonlik praat deur sy Woord.
- ⁠100 Bybelgedeeltes wat jou ‘n goeie oorsig oor Bybel as geheel bied.
- ⁠Lees 5 dae per week.
- ⁠20 weke, dus 100 dae van lees.
- ⁠Indien jy nog nie begin lees het nie, begin nóú deelneem aan die uitdaging. Aan die einde kan jy gedeeltes in haal wat jy gemis het.

- 100 ESSENSIËLE SKRIFGEDEELTES!

Vandag se internetgebed vir jou: God is 'n God van stukkende harte

Vader, soms is my hart regtig flenters-seer, sodat ek myself in 'n kokon wil toespin. Dankie dat U in sulke tye die woorde hoor wat ek nie kan uitspreek nie en die groot seer sien. Dankie vir U sagte hand van liefde wat my dra tot ek weer die wêreld kan begroet. Dankie dat U by uitstek 'n Vader vir mense met stukkende harte is.
Amen