Hartsake oor 'n koppie tee: Die stoel voor die bed

Langs die bed van 'n bejaarde Christen het 'n stoel gestaan wat so getrek was asof iemand daarop gesit het.

Toe 'n besoeker hom daarna vra, het hy gesê: "Jare gelede het ek dit moeilik gevind om te bid. My gedagtes het gedwaal, en soms het ek op my knieë aan die slaap geraak. Toe het ek die stoel voor my bed gesit en my verbeel die Here sit daarop. Van toe af praat ek met Hom soos met 'n vriend. Hy het vir my baie werklik geword. Daarom staan die stoel so by my bed. Ek is bevoorreg om daagliks 'n besoeker te hê wat werklik vir my omgee."

Later daardie week het die ou man gesterf met sy hand op die stoel.'

Ons Heiland het belowe: "Ek sal jou nooit begewe en jou nooit verlaat nie." (Heb. 13:5).

[HMS Richards]