Vandag se internetgebed vir jou: Vergifnis

My gebed saam met jou is aan die hand van Peter Scazerro se Daily Office:

Here, vergeef my my sondes
soos ek diegene vergeef wat my seergemaak het.
Lei my op my reis
om deur hierdie lydenstyd voortdurend nader aan U te leef.
Lei my deur die proses van vergifnis, deur die seer na heelwording
sodat ek werklik goedgesind kan wees teenoor die mense wat my seergemaak het.
Help my om soos Aäron en Moses in gehoorsaamheid aan U
'n seëning vir die mense rondom my te wees.
In Jesus se Naam,
Amen.