’n Airbus 380 is op pad oor die Atlantiese Oseaan. Dit vlieg konsekwent teen 800 km/h teen 30 000 voet, toe 'n Eurofighter met Tempo Mach 2 skielik verskyn.
Die vlieënier van die vegvliegtuig verminder spoed, vlieg langs die Airbus en groet die vlieënier van die passasiersvliegtuig per radio: "Airbus, vervelige vlug, is dit nie? Kyk nou hier!”
Hy rol sy straler op sy rug, versnel, breek deur die klankgrens, styg vinnig tot 'n duiselingwekkende hoogte, en swaai dan af byna tot by seevlak in 'n asemrowende duik. Hy voer ‘n lusvlug uit tot terug langs die Airbus en vra: "Wel, hoe was dit?"
Die Airbus-vlieënier antwoord: “Baie indrukwekkend, maar nou moet jy kyk!”
Die stralervlieënier hou die Airbus dop, maar niks gebeur nie. Dit bly hardnekkig reguit vlieg, teen dieselfde spoed. Ná 15 minute vra die Airbus-vlieënier oor die radio: "Wel, hoe was dit?"
Verward vra die stralervlieënier: "Wat het jy gedoen?" Die Airbus-vlieënier lag en sê: "Ek het opgestaan, my bene gerek, teruggestap na die agterkant van die vliegtuig om die badkamer te gebruik, toe kry ek 'n koppie koffie en 'n sjokolade-fudge pasteitjie.
Die moraal van die storie is:
As jy jonk is, blyk spoed en adrenalien wonderlik te wees.
Maar soos jy ouer en wyser word, leer jy dat vertroosting en vrede belangriker is.
Dit word S.O.S. genoem: Stadiger, Ouer, maar Slimmer.
Dit is waar almal van ons in Ons Huis nou is - op ons S.O.S.-fase.
Klik HIER en kikker jou dag 'n bietjie op.
Dit is n groot stukkie waarheid daardie. Dankie vir die deel Meisie
ReplyDelete