Vandag se internetgebed vir jou

Halleluja, dankie Here, vir al U liefde, vrede, krag en genade

wat ons vandag van U ons Skepper en Saligmaker sal ontvang.

Dankie Vader, dat ons vandag kan opstaan

en weet dat U so sterk soos 'n vaste rots altyd daar is vir ons,

waarteen ons kan leun as ons swak voel.

Vader, dankie dat U ons leidsman sal wees

in alles wat ons in hierdie dag moet en wil doen,

want sonder U krag, en genade liewe Heer

sal ons nie daartoe instaat wees nie.

Here, dankie dat U altyd luister as ons praat,
Dankie dat U ons te hulp snel waar ons 'n oomblik van stilte

en met 'n stem vol van benoudheid in 'n noodkreet U Naam aanroep en sê:

Here waar is U? Ons het U nodig. 

Dankie dat U ons dan sal antwoord en sê: 'My kind, ek staan hier regs langs jou,"

Dankie dat ons altyd op U ons troue God se liefde en genade kan staatmaak.

Ons dank U in U verheerlike Naam,

vir nou en vir altyd.

In die naam van die Vader, Seun en Heilige Gees.

Amen.

[Internetgebed]