DIE meeste volwassenes en ouer garde onder ons, dink aan hulle
jeug as ’n wonderlike tyd in hulle lewe.
Hulle onthou hoeveel energie, planne en geesdrif hulle gehad
het. Hulle het aangename herinneringe van ’n tyd toe hulle baie minder
verantwoordelikhede gehad het. Dit was ’n tyd toe hulle lekker kon speel en die
bekommernisse hulle ouers s'n was. Daar het vir hulle ’n hele lewe vol
geleenthede gelê en wag.
Jou jeug is 'n tyd waarin keuses gemaak moet word. Van die
keuses wat 'n mens maak, beïnvloed jou die res van jou lewe. Slim en wyse besluite
dra by tot die sukses van jou lewe, maar dan is daar ongelukkig ook die
verkeerde besluite, wat jou hele lewe kan bederf.
Daarom is die raad van die inwoners van Ons Huis op Jeugdag aan
die jeug: Wend 'n doelbewuste poging aan om die regte besluit te neem, wanneer
dit by besluitneming kom. Benut geleenthede wat jou pad kruis, oordeelkundig. Gee
doelbewus aandag aan die raad van jou ouers en onderwysers. Hulle het al die
pad gestap!
Laastens, geniet jou jeug, dit gaan só gou verby.
No comments:
Post a Comment