Oomblik van stilte: Sef. 3:5

Die Here is regverdig binne-in hom, Hy doen geen onreg nie; elke môre laat Hy sy reg aan die lig kom, dit ontbreek nooit nie; maar die kwaaddoener ken geen skaamte nie.

As die Gees van God wat Jesus uit die dode opgewek het in jou woon, sal jy vir ewig lewe. Deur sy genade gee Hy elke dag vir jou die krag en gesondheid om op te staan en jou werk te kan doen. Hy laat elke oggend sy reg soos lig die donker van die nag verdryf en ook skyn Hy in jou lewe en verdryf die onheil met sy reg; sy lig ontbreek nooit nie. Die kwaaddoeners ken nie die lig en genade van God nie. en is ook nie skaam oor hulle dade nie.

Here my God, dankie vir u geregtigheid oor my vanoggend. Dit wat ek nie verdien nie, maar wat U deur genade aan my gee. Vanoggend ervaar ek weer u goedheid en trou oor my. U is elke dag getrou aan u woord en beloftes oor my, al is ek ontrou. Ek loof en prys U Heilige Naam. Ook bid ek vir dié wat U nie ken nie dat u Gees aan hulle die goedheid en deernis van die Vader kan openbaar; dat hulle tot bekering sal kom en ook u Naam sal loof elke oggend, elke dag! Amen.

[Aangestuur deur Pieter Swanepoel]