Saterdaggenotjies: So ietsie om ons dag op te kikker

Die Kleutereiendomswet:

1. As ek daarvan hou, dan is dit myne.
2. As dit in my hand is, dan is dit myne.
3. As ek dit van jou kan vat, dan is dit myne.
4. As ek dit ’n rukkie gelede gehad het, dan is dit myne.
5. As dit myne is, dan moet dit nooit lyk of dit dalk aan jou behoort nie.
6. As ek iets doen of bou, dan is al die stukke myne.
7. As dit soos myne lyk, dan is dit myne.
8. As ek dit eerste gesien het, dan is dit myne.
9. As jy met iets gespeel het en jy sit dit neer, dan word dit outomaties myne.
10. As dit stukkend is, dan is dit joune.