Terugblik op 'n Covid-jaar: Bybelse karakters wat ingeperk was ...

Een van die aangrypendste FB-videos wat ek gesien het, kom uit Stellenbosch Moederkerk waar ds. Richard van Wyk persoonlikhede uit die Bybel gaan navors het wat ook almal in inperking was en wat die Here deur hulle lewens gedoen het daarna. Ek deel dit hier met erkenning aan Richard: Soek dit gerus op Facebook. Dit is die moeite werd.

Die volgende Bybelse karakters was almal ingeperk en wat God gedoen het met hulle: 

• Noag en sy familie vir 'n hele jaar lank in die Ark - hy word die vader van alle nasies; 
• Jakob was gegrendel by Laban - 20 jaar later is hy terug as Israel - Josef van 17 - 30 jaar oud - dit word die skool waar hy voorberei word vir leierskapsposisies; 
• Moses in die woestyn vir 40 jaar en verlos sy volk; 
• Naomi in Moab; 
• Dawid 15 jaar nadat hy koning geword het en word hy 'n man na God se hart; 
• Elia by die spruit Krit en daarna staan Elia alleen voor die Baalpriesters; 
• Jona word ingeperk in die maag van 'n vis en as Jona daar uitkom dan preek hy onophoudelik; 
• Daniel - 70 jaar in Babilonie; 
• Ester in paleis en red haar volk van uitwissing; 
• die dissipels in die bokamer en hulle ontvang die Heilige Gees en die Kerk word gebore, 
• Paulus in gevangenisskap - hy skryf talle briewe aan gemeentes wat in die Bybel opgeneem word in hierdie tyd; 
• Johannes word ingeperk op die eiland Patmos en daar skryf hy Openbaring - die grootste profetiese boek van alle tye. 
•  God grendel vir Jesus vir drie dae in 'n klip graf voordat Hy opstaan en verlossing bewerk vir 'n ganse wêreld!

Aangrypend dankie Richard! Sal my altyd bybly. Nou is die vraag: wat gaan God doen na ons inperking? Ek kan nie wag om te sien hoe Hy ons gaan gebruik nie.

[Dankie vir die persoon wat dit na die blog gestuur het.]