Dankie vir die gereelde dagstukkies!

Tips from Granny: Granny really DOES know best!

Readers remember and use pieces of advice from their grandparents as they go through life. A study revealed that pearls of wisdom passed on by their grandparents stay with most of the readers for the rest of their lives. Grandmothers tend to give better advice than grandfathers. (Do you perhaps know why?)

The typical grandparents pieces of advice: The most common advice from grandparents is good manners don’t cost anything, followed by you can only do your best.

Gems such as practice makes perfect and never go to bed on an argument are among the tips.

Life will have high peaks and low valleys, and neither is forever. Enjoy the peaks, pull yourself out of the valleys and keep going.

Aside from the words of wisdom, other skills that people have learnt from their parent's parents include baking, cooking, gardening and budgeting. You are never to old to learn something new. Pass these wisdom on to the next generation.

Click HERE to read all the pieces of advice from granny.

Vandag se internetgebed vir jou: Wees U die lig op ons pad

Liefdevolle God, ons maak oop vir U werking in die nuwe jaar.
U het ons gemaak om geesvervulde lewens te lei.
Wys ons die kreatiewe krag van hoop.
Berei ons lewens voor om deur U verander te word.
Wys ons om in 2025 so te lewe dat ons vir ander tot seën sal wees. 
Wees U die lig op ons pad en in die onbekende jaar.
Amen

Oomblik van stilte: 2 Sam. 22:

In hierdie hoofstuk is soveel krag opgesluit (vergelyk met Ps 18) dit was die dag toe God Dawid gered het van al sy vyande.

Loof en prys die Here in gebed met die Psalm wat Dawid aan die Here opgedra het en verlustig jou in die grootheid en almag van God

Vers 2 en 3: Die Here is my rots my bergvesting en my redder. My Skild en redding van my heil, my rotsvesting en toevlug, my verlosser van geweld.
Vers 7: U hoor my vanuit u paleis
Vers 10: U buig en daal neer vanuit die hemel en wolkedonkerheid is onder u voete.
Vers 13: Uit die glans voor U het gloeiende kole gebrand.
Vers 14: Uit die hemel het U gedonder ...
Vers17: Uit die hoogte het U my uit diep waters getrek.
Vers 19 -20: het U my verlos en my gered
Vers 20: U is my lamp, o Here!
Vers 30: met U loop ek 'n bende storm, met my God spring ek oor 'n muur.
Vers 31: U weg is volmaak; die woord van die Here is gelouter; Hy is 'n skild vir almal wat by Hom skuil.
Vers 33: U is my sterk toevlug
Vers 34 37: U maak my voete soos die van herte en laat my op my hoë hoogtes staan. Hy leer my hande om oorlog te voer, sodat my arms 'n koperboog kan span.
U het my 'n skild van uitredding gegee en u neerbuigende goedheid het my groot gemaak.
U het my voetstap onder my ruim gemaak, en my enkels het nie gewankel nie. 

Saterdaglagmedisyne

Weekly message from the angels

Keep your face

to the sunshine

and you cannot

see a shadow!!

Liz' thoughts

Click HERE for more.

 

Kersgebed

Vader, ons is dankbaar vir die vredevolle boodskap van die engele oor die geboorte van u Seun, Jesus Christus. Mag ons die vrede van Christus ervaar te midde van die gejaagdheid van hierdie seisoen. Help ons om vrede te bring waar daar konflik is, en laat ons harte gerus wees in u teenwoordigheid. Amen.

Woensdagwense: week 52

Vreugde van Kersfees

Gaan voort en deel die vreugde van Kersdag -

nie net op 25 Desember nie,

maar vanaf 1 Januarie tot 31 Desember ...

en elke dag daarna. 

Juis oor hierdie feit, wil ek aan een en elk

hierdie 25 Desember tonne vol saamwees toewens.

Lag, wees bly ... koester familie, geliefdes en vriende.

Maak kontak met die waarmee jy slegte gevoelens het,

dit is die beste tyd ooit om te vergewe. 

Onthou, dood is ons konstante metgesel,

en volgende jaar sit jy dalk met verwyte aan die etenstafel.

Vergifnis kos niks nie, 

in teenstelling met al die rande wat op geskenke spandeer is.

[Dankie, Estelle]

Kerswense

Verjaardagwense

Mnr. Volschenk, baie geluk met u verjaardag. Mag hierdie spesiale dag eindelose vreugde en baie kosbare herinneringe aan u bring! U is dubbeld geseën met hierdie spesiale dag!

Die Kersgeskenk

Dis die dag voor Kersfees.

Ek en my wederhelf is op pad na die plaaslike ouetehuis. Sedert my pa, wat ‘n inwoner daar was en presies drie jaar gelede oorlede is, neem ons elke jaar Kersgeskenkies vir die inwoners.

Ons hou stil voor die gebou en elkeen haal ‘n groot sak vol geskenke uit die kattebak. Binne gekom, stap sy na die vrouevleuel en ek loop die blinkgepoleerde gang af na die mansafdeling.

By elke kamer gaan ek in en gee ‘n geskenkie af. Die inwoners is uitgehonger vir geselskap en dis eers laatoggend toe ek by die laaste kamer instap. Oom Nathan se kamer.

Oom Nathan en my pa was vriende en ek kuier altyd lekker by hom.

Sy oë blink toe ek sy pakkie oorhandig.

“Ek hoop dis tjoklits,” sê hy terwyl hy dit in die laai van sy bedkassie wegbêre.

Ek sit nog ‘n rukkie by hom en gesels.

Hy is weer op sy gunstelingonderwerp, sy wedervaringe gedurende die Tweede Wêreldoorlog toe hy in Noord-Afrika diens gedoen het. Dan vertel hy weereens van sy verloofde, Beth, wat hom vir ‘n ander man gelos het terwyl hy weg was. Hulle het albei in Londen gewoon en het ‘n maand voor die oorlog uitgebreek het, verloof geraak. Sy was ‘n winkelassistent en hy ‘n soldaat in die weermag

Soos alle verliefdes, het hulle ewige trou aan mekaar gesweer. In die begin was daar gereeld briewe, maar toe tref ‘n ramp hom. Sy tenk word deur ‘n mortier getref en hy is met ernstige beserings afgevoer na ‘n veldhospitaal toe, daarna na ‘n plaaslike hospitaal waar hy vir meer as drie maande aangesterk het. Namate sy gesondheid verbeter het, het hy begin navraag doen oor enige pos van Beth, altyd was die antwoord dieselfde. Briewe wat hy geskryf het was nooit beantwoord nie.

Hy het toe maar aanvaar dat sy liewe Beth moed opgegee het nadat sy vir so lank nie van hom gehoor het nie.

Hy is later ontslaan en in Londen aangekom, was hy geskok om te sien dat die buurt waar Beth gewoon het verpletter was deur die Duitsers se bomaanvalle. Ook die winkel waar sy werksaam was, is heeltemal vernietig. Na maande se vrugtelose gesoek het hy aanvaar dat Beth moes omgekom het in die aanvalle wat Londen nag na nag geteister het. Kort daarnan het hy verhuis Suid-Afrika toe om ‘n nuwe lewe te begin. Ons kuier lekker vir nog ‘n uur of so toe my vrou saggies aan die deur klop en aandui dat ons moet aanstaltes maak.

Op pad huis toe gaan die gesprek oor die spesifieke twee oumensies, Tannie Liz en Oom Nathan. Ons stem saam dat dit so tragies is dat die oorlog soveel mooi verhoudings tot niet laat gaan het. Ek vra uit oor Tannie Liz se omstandighede. My vrou vertel dat sy in Londen woonagtig was en pas verloof geraak het toe die oorlog uitbreek en haar verloofde, Jonathan weg is Noord-Afrika toe.

Ek voel hoe kry ek hoendervleis en gaan parkeer in die eerste en beste parkeerplek.

“En nou?” vra my vrou, “is daar iets verkeerd?”

“Ek weet nie, maar sê nou net ...” prewel ek.

“Hoe bedoel jy nou?” vra sy so half opgewonde, sy kan sien dat iets my geweldig pla.

“Tant Liz en Oom Nathan, kan jy dit nie sien nie? Dink jy dit kan moontlik wees?” ek is nou heel opgewonde, oortuig dat ek iets hier beet het.

“Hoe bedoel jy nou?” sy snap nog nie wat ek probeer sê nie.

“Dink net, Jonathan en Nathan, Beth en Liz, verloof, oorlog,” rammel ek my gedagtes af.

Sy staar my met groot oë aan: “Dis ongelooflik, maar ek dink jy kan reg wees, draai om, ons moet gaan seker maak.”

By die ouetehuis aangekom is ek dadelik na Oom Nathan toe en my vrou na Tannie Liz se kamer.

Ons plan is om soveel moontlik van die twee se verloofdes uit te vind en dan ons bevindinge te vergelyk. ‘n Halfuur later is ons in die sitkamer met ons “bewyse.”

“Ek dink ons is reg,” my vrou is nou heel opgewonde, “Tannie Liz het haar verloofde Jonathan genoem!”

“En Oom Nathan het sy verloofde Beth genoem!” ek kan my opgewondenheid nie beteuel nie.

“En hier is die finale bewys,” kom dit triomfantelik van my vrou, “Liz het vir my ‘n foto van Nathan gegee.”

Met bewende hande vat ek die foto by haar, die foto van ‘n jong soldaat, onmiskenbaar Oom Nathan.

Ons kyk mekaar aan: “Weet jy wat dit beteken?”

Ek voel skoon aangedaan en die trane loop by my vrou se wange af.

Sonder om verder te praat drafstap ons in die gang af na Oom Nathan se kamer.

“My maggies, is jy alweer hier, ou seun?” glimlag hy ons toe.

“Ja, Oom, kom saam, ek wil Oom aan iemand gaan voorstel.” Ek help hom uit sy gemakstoel uit.

Stadig beweeg ons in die gang af na die aangrensende vleuel van die tehuis.

Ons sien Tannie Liz in die sitkamer in die sonnetjie op ‘n rusbank sit. In die sitkamer heers ‘n Kersatmosfeer. Die vertrek is versier met dle allermooiste versiersels met ‘n groot Kersboom met liggies wat flikker in die een hoek. Ons stap na haar toe. Sy kyk vraend op van haar hekelwerk.

“Kan ek Tannie aan iemand voorstel?” 

Haar gesig verstar as sy na Oom Nathan kyk, dit lyk of sy ‘n spook gesien het.

“Jonathan?” kom dit huiwerig van haar.

“Beth?” antwoord hy, die ongeloof duidelik in sy stem.

Huiwerig gaan sit hy langs haar. Met ‘n bewerige hand streel hy oor haar wang en neem haar dan in sy arms. Sy snik saggies.

My wederhelf pluk aan my mou en dui aan dat ons moet spore maak.

Net toe ons omdraai sê Tannie Liz met ‘n betraande gesig, “Dankie julle, vir die beste Kersgeskenk ooit.”

Presies ‘n week later is ons eregaste op die grootste troue wat nog by die ouetehuis plaasgevind het.

[Peter Thomas - dankie! Klik HIER vir die oorspronklike storie - dankie, Anoniem, wat dit vir ons aangestuur het.]

Tips from Granny: Buy cheaper cuts of meat

"I’m sure you’ve bought many packs of boneless, skinless chicken breasts in your day, buy what about the cheaper cuts of meat? Have you ever tried chicken thighs, drumsticks or leg quarters? These are often half the price with tons more flavor. Consider trying something new with a lower price tag in the meat department. You might be surprised at just how good it tastes."

Kersfees gaan nie oor geskenke nie ...

Waaroor gaan KERSFEES ...?

Geskenke???

Kersfees, vanuit Kerst, 'n Middelnederlandse naam vir ‘Christus’, en dus letterlik Christusfees, is 'n tradisionele herdenkingsdag op die Christelike kalender wat plaasvind op die vyf-en-twintigste (en ses-en-twintigste) dag van Desember en vier die geboorte van Jesus.

 
Kersfees gaan nie oor geskenke nie. Ons moenie onself vasvang in die gedagte dat Kersfees oor ons gaan nie, en dat ons kyk wie kan vir wie die duurste geskenk koop nie.

Waar is die dae wat kindertjies nog glo in Kersvader en vir hom koekies en melk los? Waar hulle soms tot 00:00 wag om hulle geskenkies oop te maak.

 
Die dag is 'n belangrike dag, nie om geskenke oop te maak nie, maar om Jesus se geboorte te vier, asook om ons kindertjies van Jesus te vertel!

 
Kersfees moet terug gaan soos wat dit was. Mense moet weer herinner word en besef waaroor Kersfees regtig gaan!

 
Vir elke geskenk wat jy vir iemand gee, onthou die regte rede vir Kersfees en die gedagte wat tel.

Moenie Kersdag nog 'n dag vir menslikheid maak nie, maar maak dit 'n dag wat gevier word vir Jesus se geboorte.

Die beste geskenk wat jy vir Jesus kan gee, is liefde. Wens Hom 'n gelukkige *geboortedag* en vier dit saam Hom, net soos wat Hy jou verjaardag elke jaar saam jou vier.

Bron: Internet

Vandag se internetgebed vir jou: Bid vir die wêreld

WATERDRUPPEL vir die WEEK = ‘n Maand vol dankbaarheid

Groete en Vrede!!!

Desember is spesiaal. Desember is baie spesiaal want Desember is ‘n maand vol dankbaarheid.

‘n Maand om jou te verbeel

Dat elke sonstraal wat jou ontblote vel warm streel,

Jou oortuig van ‘n sagte soen

Wat Vader liefderik en aanhoudend doen.

‘n Maand waar Sy liefde as warm herinnering

Lewegewende reënwolke van Bo af bring,

‘n Genademantel wolksambreel

Wat jy met almal na aan jou moet deel.

Ek en die Mooiste Mooi wil ook dankie sê vir soveel mense wat êrens in die loop van die jaar by die binnevoerings van ons harte stilgestaan het. Mense soos jy!!! Dankie vir die wete dat daar spesiale voorwêreld mensegoed soos jy is. Mensegoed wat belangstel in die meeste van ons doen en late en natuurlik aan ons dink voordat jy in jou binnekamer met die Skepper van hemelgoed en stofaarde oor ons praat. Ek en die Mooiste Mooi woon, werk en kerk in ‘n uitgestrekte wêreld vol sand, son en klip. En tog is die wete dat jy aan ons dink veel kosbaarder as koel soetwater in ‘n dorre woestyn. Voorwaar ‘n voorreg ... voorwaar ‘n spesiale voorreg!

Desember se sonsteek dae sal stadig maar seker aanskuif net om weer een oggend aan te kondig dat dit Kersfees is. Vir sommige bring dit oorweldigende vreugde, terwyl ander se slagare rooipers sal bult van omgekrap wees. Kom ek en jy wees eerder stil en staan weg van die geveg af. Laat ons eerder die Kripkind dank en daarop fokus dat geen Vrede en Genade enigsins moontlik sou wees sonder Jesus as God die Kêrelkind se geboorte nie. 

Neem tog ook asseblief kennis dat hierdie ook my laaste geskrif is vir 2024. As alles mooi uitwerk soos ek en die Mooiste Mooi hoop en beplan, behoort jy weer een Maandagoggend vroeg – dit is nou kort voor 2025 se Januarie klaarmaak – ‘n Waterdruppel vir die Week te ontvang.

Wel, alvorens hierdie jaar se Groot dae aan ons voordeur klop, moet daar heelwat doendinge eers afgehandel word. Mag die jaar wat kom, ‘n besondere geloofsjaar vir jou en jou hartsmense wees. Mag julle verhouding met die Skepper van hemelgoed en stofaarde veel meer intenser en intiemer wees as wat jy ooit sou dink of droom. En tot 2025 met al sy potensiaal en beloftes deel van ons menswees is ... rus goed, slaap diep, kuier lekker, los mooi spore en moet tog nie vergeet om te onthou dat daar iewers agter sandduine mense woon wat vir jou omgee omrede jy kosbaar en spesiaal is nie. 

Kol 2 vers 7 (NLV) = "Bly in Christus geanker en bou op Hom, standvastig in die geloof soos julle geleer is, en loop oor van dankbaarheid.

Sandkorrel baie seëninge.

Divine Life Bediening (HJ & Dalene Cronjé)

Selnr: 082 772 2192

WhatsApp: 081 568 7549

Klik HIER om meer van ons doen en late te lees. Kontak ons gerus en sit ons op jou gebedslysie, asb.

[Dankie, Valerie, wat so gereeld hierdie wonderlike WATERDRUPPELS met ons deel. Dit is só spesiaal en mag hierdie voetspore ook hulle pad vind na waar die behoefte die grootste is.]

Verjaardagwense

Mev. Steyn, gelukkige verjaardag!! Wens u 'n wonderlike jaar toe vol vreugde, vrede en gesondheid. Geniet hierdie mooi dag.

Aan al die mooi vouens wat hier lees en ons oumas in die tehuis*

🌀Wat maak my swak? My vrese.
🌀Wat maak my heel? My God.
🌀Wat hou my staande? My geloof.
🌀Wat maak my goedhartig? My vermoë om nie heeltyd aan myself te dink nie.
🌀Wat maak my eerlik? My integriteit.
🌀Wat hou my gedagtes skoon? My soektog na ware kennis.
🌀Waaruit leer ek die beste lewenslesse? My foute.
🌀Wat as ek nie kan uithou en aanhou nie? Dit is nooit 'n opsie nie.
🌀Wat maak my suksesvol? My moed om aan te hou met opstaan as ek geval het.
🌀Wat maak my bevoeg vir alles wat ek doen? My selfvertroue.
🌀Wat maak my mooi? My alles!
🌀Wat maak my 'n vrou? My hart.
🌀Wie is ek? Ek is voluit vrou!

🔹Vir mooi oë, kyk altyd na ander se goeie eienskappe;
🔹Vir mooi lippe, sê net vriendelike woorde;
🔹Vir grasie, loop met die wete dat jy nooit alleen is nie.

* Dankie, Oumas, dat julle vir ons jonger geslag 'n voorbeeld gestel het. 

[Dankie, Rina, vir die aanstuur van hierdie mooi gedagte.]

Weekly message from the angels

Count your age by friends,

not years!

Terugflits: God gee altyd krag

Daar het ons in die pastorie nou ook 'n gasstoof en natuurlik 'n gaslamp of twee, 'n pak kerse en ons braai baie meer as gewoonlik vleis.

Dit is net tiek dan hoor jy die kinders in 'n koor uit hul verskillende ruimtes sugtend sê: "Agge nee, nie al weer nie." 

Tog raak 'n mens aan alles gewoond. Selfs aan beurtkrag.

Die aanpasbaarheid van die mens is eintlik wonderlik. Selfs vir die jongste in die pastorie is dit nou nie meer vreemd nie.

Die eerste keer het sy geskrik en was bang vir die skielike stikdonkerte, veral in die bad en dit word skielik pikdonker. Deesdae roep sy net: "Bring 'n kers, krag is al weer af."

Nou word die kerse in die huis al 'n speletjie. Rondom 'n kers kan 'n mens regtig ook lekker saamkuier en min ander dinge doen. Dit is wonderlik indien die skootrekenaar en die tablette en selfone se batterye pap is, dan moet almal maar doodgewoon sit en saamkuier of lees.

Ek hoor die kinders sin 'n spotliedjie, na analogie van 'n liedjie van Laurika Rauch: "Gee ons net so 'n bietjie krag ..."

In die laaste Twyfelhoekie van die jaar bid ek julle almal krag toe.

Nie elektrisiteitskrag nie - dit ook, ja - maar krag vir 'n nuwe jaar en nuwe uitdagings. Dit wat ons nou in die dagboeke skryf en dit wat in praktyk gebeur, verskil dikwels baie. Kyk ons terug oor die jaar was die krag daar wanneer ons dit nodig gehad het. Kyk ons vorentoe sal die krag vir elke dag se dagaak weer daar wees.

Intussen, rus goed uit, beplan lekker, geniet die etes en kuier by gesinne en familie, ry veilig na vakansiebestemmings en bou krag op vir 'n nuwe jaar. Wanneer jy kragteloos en moedeloos voel, onthou om te vra en te pleit: "Gee my krag vir die dag."

En onthou: God werk nie met beurtkrag nie. Hy het genoeg vir almal van ons.

Ons hoef nie met 'n kers ons binnekant te verlig nie. Sy Lig het na die wêreld gekom, en in die Kerstyd dink ons weer daaraan.

Krag vir julle almal toegebied, groete tot in die nuwe jaar.     

Liz' thoughts

Click HERE for more.

Woensdagwense: week 51

Tips from Granny

A young lady sat in a bus. At the next stop a loud and grumpy old lady came and sat by her. She squeezed into the seat and bumped her with her numerous bags.

The person sitting on the other side of the young lady got upset, asked her why she did not speak up and say something.

The young lady responded with a smile: "It is not necessary to be rude or argue over something so insignificant, the journey together is so short. I get off at the next stop."

This response deserves to be written in golden letters: "It is not necessary to argue over something so insignificant, our journey together is so short"

If each one of us realized that our time here is so short; that to darken it with quarrels, futile arguments, not forgiving others, discontentment and a fault finding attitude would be a waste of time and energy.

Did someone break your heart? Be calm, the journey is so short.

Did someone betray, bully, cheat or humiliate you? Be calm, forgive, the journey is so short.

Whatever troubles anyone brings us, let us remember that our journey together is so short.

No one knows the duration of this journey. No one knows when their stop will come. Our journey together is so short.

Let us cherish friends and family. Let us be respectful, kind and forgiving to each other. Let us be filled with gratitude and gladness.

If I have ever hurt you, I ask for your forgiveness. If you have ever hurt me, you already have my forgiveness.  After all, our journey together is so short!

[Author: unknown]

Dankie, vir jou teenwoordigheid in my lewe

Soos 'n klein skulpie het jy eendag op my strand uitgespoel 

Ek het jou niksvermoedend opgetel, om van nader te beskou 

Min het ek die WAARDE daarvan besef ... 

Iets wat ek ALTYD in my HART wil hou ...

Vir ALLES wat jy vir my beteken, is die klein woord:

DANKIE eintlik te nietig ...

Jou skulpie is met 'n doel op my strand ... 

God het geweet dat ek jou nodig het ... 

Dankie vir jou teenwoordigheid, in my lewe ...

Terwyl ons in Desembermaand is, en die jaar einde se kant toe staan ...

besef ek dis tyd om dankie te sê vir iemand so spesiaal soos JY. 

JY wat deur elke maand van hierdie jaar ‘n verskil gemaak het in my lewe met jou boodskappe, liefde en omgee!  

[Dankie, Nerine, wat ons daaraan herinner om vir die mense langs ons lewenspad dankie te sê vir wat hulle vir ons beteken het. Dankie vir elke ouma en oupa en personeellid se bydrae hierdie jaar in die ouetehuise en aftreeoorde. Dankie vir ons donateurs en ons kuiergaste. Ons Huis wil spesiaal DANKIE SÊ vir ons 2024-engele wat een maal 'n maand ons Saterdag kom inkleur het met joviale kuiers, vrolikheid en baie lag. Julle is ons skulpies.]

Vandag se internetgebed vir jou: Moeilike omstandighede

Voel jy soms of die Here te ver is
Twyfel jy soms aan God se bestaan
Jy moet glo dat Hy met jou sal saamgaan
Dat Sy Gees oral met jou sal gaan
Amen

WATERDRUPPEL vir die WEEK = Kies jou geskenk

Groete en Vrede!!!

Met die “groot dae” aan die kom en die ergste hittigheid van ons wêreld op sy snykant, beweeg die Kalahari se mensegoed gewoonlik so bietjie stadiger. Die bietjie meer as twintigtal Bybelskoolstudente weet ook dat daar kort duskant Desember gewoonlik afsluiting gehou word. Afsluiting om die jaar behoorlik toe te maak. Maar dit is nie sommer net ‘n afsluiting nie. Die tafels kreun gewoonlik van al die kossigheid, yskoue koeldrank, stroopsoet poeding, oorvol lekkergoed pakkies, ‘n verskeidenheid van terte. Daar is ook kleurvolle bewoningsertifikate en natuurlik geskenke. Dit is al waaroor daar gepraat en gewonder word. Die afsluiting ... en alles wat daardie dag geëet en gedrink gaan word en natuurlik die verrassingspakkies wat toegedraai is in kleurvolle geskenkpapier.

 
Hierdie jaar het die Mooiste Mooi haar behoorlik afgesloof om te sorg dat die Ark ‘n kleurvolle lushof vir die oog is. Haar handewerk vertel onomwonde 'n storie van behoorlike feesvieringe. As die nie amptelike moeder van die gemeenskap het sy behoorlik seker gemaak dat die Bybelskoolstudente behoorlik getrakteer word met helder liggies, vrolike musiek en keurig versierde tafels. Daar is natuurlik genoeg kossigheid en amper te veel yskoue koeldrank. Genoeg om selfs Egipte se onthaallokale en kostafels koeskop te laat staan. En natuurlik die geskenke - moet tog samblief nie van die geskenke vergeet nie. Verrassingspakkies wat toegedraai is in kleurvolle geskenkpapier
So sit ons 2024 se saak laas week in die sakkie. Ons eet en drink en lag en gesels. Ons onthou die mooi en die minder mooi, die lekker en die onlekker, die uitdagings en die oorwinnings asook die oorvloed sowel as gebrek. En natuurlik moes elkeen iets vertel van wat die Bybelskool die afgelope jaar vir hom of haar beteken het.

 
Sommer kort nadat die poedingbakkies in die Ark se wasbak gesit is, breek die groot oomblik aan. Geskenketyd. Die oomblik waaroor daar so baie gepraat, gewonder en selfs gehoop is. Veral nadat ek al vroeër die jaar met skimpe en leidrade vertel het wat moontlik in die pakkies mag wees.

 
Die atmosfeer in die Ark is botterdik. Almal se oë is op die Mooiste Mooi gevestig wat baie versigtig en tydsamig ‘n naam uit ‘n hoed trek. Sodra die naam uitgelees is, kon hy of sy ‘n geskenk uitsoek. ‘n Geskenk wat in bont papier toegedraai is. ‘n Geskenk wat op daardie stadium gekies maar nog nie oopgemaak mag word nie. En as ‘n geskenk uitgesoek is, moes die Mooiste Mooi weer ‘n naam trek. Al te versigtig en al te tydsamig.

 
Ek staan so half eenkant en drink die gebeure wat voor my afspeel, in. Meteens besef ek dat, desondanks die rou werklikheid dat geeneen van hulle enige seggenskap of besluit gehad het in die geskenkpakkies nie, blydskap en dankbaarheid uit almal se binneste binne stroom. Sien, hierdie klompie Kalahari mensegoed kon kies watter geskenkpakkie hulle wil hê, maar nie een kon kies wat daarin is nie. Daarvoor was hulle totaal en al aan my en die Mooiste Mooi se guns en goedhartigheid uitgelewer. Ons het besluit wat in elke pakkie toegedraai moes word.

 
Verdermeer besef ek ook dat dit nie die geval is wanneer die bekende storie van die verlamde man langs Betesda se "gesond-word-water" gelees word nie. In Johannes 5 (waar die storie opteken is) bied Jesus ‘n geskenk op ‘n onverwagte en onrealistiese wyse aan ‘n kreupel man. As die Geskenkgewer wat goed vertroud is met die man se siekte die afgelope 38 jaar, vra Jesus hom of hy gesond wil word. By implikasie vra God se Kêrelkind - wat weet van die verlamde man se hoop, sy drome, sy ideale en natuurlik ook sy verwagtinge - wat hom bly sal maak. As ontvanger kan hy kies wat sy geskenk moet wees. ‘n Geskenk wat meer as net sy lewe onherroeplik verander. ‘n Geskenk wat ook die koninkryk van God help uitbrei.

 
Dit is 2024 en niks het regtig verander nie. Net mooi niks nie. Die Kêrelkind van God weet steeds alles van my en van jou. Daarmee saam weet Hy ook van elke mensegoed se kopseer, seer lyf, vernielde binnevoering, gebroke verhoudinge en natuurlik ons beursies. Hy is ook deeglik bewus van alle mensegoed se hartsbegeertes, drome, ideale en verwagtinge. Niks en absoluut niks is vir Hom weggesteek nie.

En net soos vir die verlamde kreupele langs Betesda se "gesond-word-water", vra die Skeppergod se Geskenkgewer vandag vir my en jou wat ons as geskenk wil hê. Ons kan kies. Ons kan ons eie geskenk kies. ‘n Kleurvolle kosbare geskenk wat meer as net ons individuele lewens onherroeplik sal verander. Dié geskenk sal ook tot voordeel van Sy koninkryk wees. Ons moet net kies.

 
Joh 5 vers 6 (NLV) = "Jesus het hom daar sien lê. Hy het geweet dat die man al lank siek was en vra hom toe: “Wil jy graag gesond word?”"

Sandkorrel baie seëninge.

Divine Life Bediening (HJ & Dalene Cronjé)
Selnr: 082 772 2192
WhatsApp: 081 568 7549
Klik HIER vir verdere inligting.

[Dankie, Valerie, vir die deel van hierdie stukkie. Waardeer. Indien jy as leser wil en betrokke kan raak by hierdie uitreiking, maak asseblief gebruik van die kontakdetail hierbo.]

Oomblik van stilte: Gal. 3:7

Julle verstaan dan dat die wat uit die geloof is, hulle is kinders van God. 

Die Here sê vandag vir jou dat die belofte wat Hy aan Abraham gedoen het, is ook vir jou.

Jy is nou gered en deur jou geloof geseën,  deur die belofte dat al die nasies in Abraham geseën sal wees.

God se wil was nog altyd, om alle mense te seën en die saad van Abraham het vir jou verlossing en seën gebring. 

Jesus is uit die geslag van Abraham, Isak en Jakob. Hy het aan die kruishout almal losgekoop en soos sy belofte aan Abraham, is jy deel van die belofte aan Abraham. 

Dankie Here, U het reeds 'n paar duisend jare terug met u woord vir my verlossing gebring. U kan nie lieg soos 'n mens nie. U, is waarlik getrou aan u woord. Al het die mens U nooit gesoek nie, het U my tot God in u lig gebring. Ek is nou eenmaal die geseënde van die Here. Ek is dankbaar en bring al die eer aan U. Amen. 

[Aangestuur deur Pieter Swanepoel]

Dankbaarheidsgebed

Here, ons dank U vir die lig van hoop wat in Jesus kom. Mag ons harte vol vreugde wees terwyl ons u belofte van verlossing vier. Help ons om hierdie tyd van voorbereiding te gebruik om na U uit te sien met verwagting en hoop. Amen.

Afsluitingsfunksie: Ons Huis se engele gaan met vakansie

Ons Huis se engele besoek die inwoners op 'n gereelde basis en dan word daar sommer lekker gekuier, baie gesels en heerlik geëet aan al die snoepgoed wat saamgebring word. Dit bly mos maar die hoogtepunt van elke kuier as jou smaakkliere net so hard kan saamgesels.

Voeg daarby mededingende bingo, met verrassende pryse om te wen, en die Saterdag bars uit sy nate. Geniet Desembermaand met verskeie hoogtepunte. Die engele gaan DV volgende jaar na al die Desembervakansiestories kom luister.    

Foto's: Millie Mouton

Saterdaglagmedisyne: tandartse

'n Vrou bel haar tandarts toe sy 'n yslike rekening van hom ontvang.

"Ek's geskok," kla sy verontwaardig. "Dis drie keer meer as wat jy my normaalweg laat betaal. Gaan jou tariewe oornag op?"

"Ja, ek weet," sê die tandarts, "maar jy het so hard gegil terwyl ek jou tand gestop het, dat jy twee ander pasiënte die skrik op die lyf gejaag het, en hulle gaan nou na 'n ander tandarts." 

ooOOoo

'n Man besoek verlede week die tandarts en sê vir hom: "Wat kan ek doen met hierdie geel tande van my?"

Die tandarts antwoord: "'n Bruin das sal dalk mooi daarby pas ..."

ooOOoo

'n Vrou en haar man moet noodgedwonge hul vakansie onderbreek om die tandarts te besoek.

"Ek wil die tand getrek hê, en ek wil nie inspuitings hê nie, want ons is baie haastig," sê die vrou. "Trek net die tand so gou moontlik sodat ons weer in die pad kan val."

Die tandarts was nogal beïndruk. "Jy is 'n baie sterk vrou," sê hy. "Watter tand is dit?"

Die vrou draai na haar man en sê: "Wys hom jou tand, Skat."

Weekly message from the angels

You must be the 

change 

you wish to see

in the world!!

Liz' thoughts

Click HERE for more.

 

135 000 keer is daar by Ons Huis ingeloer!

Kom kuier gerus vir ons op Ons Huis se blog oor die Kersseisoen - ons het heerlike goedvoelstories, ernstige stories en ook genoeg Huisgenotjies om 'n permanente glimlag op jou gesig te sit. 

Nog beter, kom kuier vir ons in lewende lywe! Dan skryf ons ons eie goedvoelstorie. Ons waardeer elkeen van julle in die besonder!

Woensdagwense: week 50

Dankie, Kimberley Biker's

Kimberley se motorfietsryers het Saterdag in die gees van Kersfees kragte saamgesnoer om van die Pension Run-inisiatief 'n reuse sukses te maak. 

Hierdie Kimberliete se positiewe aansteeklikheid, saam met die broodnodige skenkings en geskenkies, het breë glimlagte op die gesigte van die inwoners van Resthaven, Belgrave Lodge en Ons Huis gesit.

Meer as 50 pakke doeke vir volwassenes is aan elkeen van die drie tehuise oorhandig, danksy die ondersteuning van donateurs en die borge. Doeke is 'n duur noodsaaklikheid vir baie bejaarde inwoners. Die organiseerders hoop om die Pension Run 'n jaarlikse tradisie te maak om te verseker dat senior burgers in Kimberley 'n stresvrye feesseisoen kan geniet.

Elke besoek Saterdag was gevul met glimlagte, liefde, omgee, dankbaarheid en 'n gevoel van gemeenskap. En is dit nie juis die belangrikste boodskap wat uitgedra moet word nie?

Inwoners: 'n Uit-ons-hart-dankie vir hierdie ongelooflike en heerlike verrassing. Julle sal nooit weet wat hierdie besoekie vir ons beteken het nie. Mag  julle nog diep spore in Kimberley trap!

[Klik HIER en HIER om na ongeveer 80 foto's te kyk.]

Dankie, Babsie, dat jy hierdie goeie nuus met ons lesers deel. Waardeer dit!