Weekly message from the angels

 Worries end where faith begins!

Ek draai jou toe ...

EK draai JOU toe in die kombers van my LIEFDE, sê die Here.

Ek stel My ENGELE op tussen jou en die vyand.

Jy is BESKERMD onder die SAMBREEL van My GENADE.

Ek laat jou by My FEESMAAL aansit,

terwyl jou vyande moet toekyk (Ps. 23). 

Ek het die vyand reeds OORWIN aan die KRUIS.

Daarom sal jy nie VREES nie.

Jy is VRY.

Dis Ek wat jou pad VERLIG.

Jy vrees NIE die TOEKOMS nie.

EK SORG vir jou, sê die HERE,

jou Voorsiener en VOORSPRAAK.

Jou Raadgewer en HELPER.

Dankie JESUS.

[Aangestuur deur Rosetta.]

Liz' thoughts

Click HERE for more.

Woensdagwense: week 46

Ons Huis se wenslys

Ons Huis benodig o.a. die volgende:

Elektriese skeermesse
Ensure, aanmaakkoeldrank
Handskoene en urinestokkies
Klere vir die klerewinkel
Kuiers oor 'n koppie tee - veral hier rondom die vakansie en Kerstyd
Lakens en "linen savers"
Pleisters en verbande
Skoonmaakmiddels
Skryfbehoeftes
Snoeperye
Tuinmeubels vir die onderdak stoepe.
Toiletware
Vrywilligers wat sal kom lees

U kan ook ‘n donasie maak om genoemde items te koop. Die inwoners is lief vir kuier en 'n geselsie - kom maak gerus 'n sosiale draai by Ons Huis. 

Vandag se internetgebed vir jou: Geloof

Lees hier: Is jy dalk alleen of bly jou familie ver?

Hier is Ons Huis-inwoners wat nie meer familie het nie of hulle kinders bly oorsee - die storie van ons tyd. Die verlange na hul kinders gaan saam met 'n leemte wat hulle daagliks voel en wat aan hulle gemoed knaag. Hulle probeer die leemte wat hul kinders en kleinkinders los, vul met allerhande aktiwiteite of stokperdjies. Dit bly egter 'n probleem en soms soek hulle 'n gewillige oor om hierdie verlange mee te deel.

Kom neem gerus 'n oupa of ouma aan - kom kuier vir hulle, luister na hulle stories en brei jou plaaslike familiekring uit - iemand wat elke aand vir jou sal bid, wat graag vir jou 'n drukkie sal gee en wat uitsien na jou kuiertjies.

Moenie hierdie goue geleentheid deur jou vingers laat gaan nie.

Gedagtes: Simpatie

'n Roos het langs 'n muur gegroei,

Die môredou het dit benat,

En God's lig het dit laat bloei,

So geurig soos 'n wierookvat.

--000--

Sy ranke het hy uitgestuur,

En groter ruimtes nagestreef,

Tot by 'n gaping in die muur,

In ligstraal het daar ingesweef.

--000--

Met nuwe krag het dit voortgebeur,

En onvermoeid ook volgehou,

Die lig, die dou, die visioen,

Was weer soos van oudsher af daar,

Sy blare was weer welig groen,

Sy bloeisels soet en rein en klaar.

--000--

Sal dan die dood ons hoop verdoof,

Ons moed ons faal in hierdie uur?

Nee, laat ons sterk wees in geloof,

Die roos groei voort oorkant die muur.

--000--

Daar sprei sy wierook oor die wand,

Daar bly hy in sonlig bloei,

Soos voorheen aan die binnekant,

So sal dit ewig aanhou groei.

--000--

Mag u krag in die gedagtes,

Vind dat in u groot verdriet,

Daar ander is wat met u deel,

Verlang om hulp en troos te bied.

[Suster - inwoner] 

Saterdaglagmedisyne - dokter

Die tante gaan saam met haar man dokter toe. Sy sit in die wagkamer. Kort daarna kom die dokter uit en sê vir sy ontvangsdame: "Bring asseblief my hamer vir my."

Die dokter verdwyn weer in die spreekkamer in.

Die tante wonder wat haar man dan kan makeer.

Kort daarna kom die dokter weer uit.: "Suster, ek het 'n beitel ook nodig."

Die tante spring op. "Dokter," sê sy, "nou kan ek dit nie meer hou nie. Wat makeer my man?"

"Dit weet ek nog nie, Mevrou," sê die dokter. "Ek sukkel nog om my tas oop te kry."

--000--

"Dokter, dokter, elke nag wanneer ek slaap, is daar snaakse geluide in my kop."

"Daar is iewers 'n skroef los!"

Resep: Mieliemeel-maalvleiskasserol

'n Maklike, eenvoudige en goedkoop resep, maar baie lekker.

Bestanddele

1 koppie mieliemeel

2 koppies water

1 tl sout

1 ui, grof gekap

Halwe groen soetrissie (in blokkies gesny)

15 ml olie

500 g maalvleis

knippie braaivleisspeserye

sout en peper

60 ml tamatiesous

1 tamatie in skywe gesny  

2 eiers

Halwe koppie melk

Metode

Voorverhit oond tot 180 grade C

Smeer 'n oondvaste bak.

Meng die mieliemeel, water en sout in 'n kastrol en kook tot gaar.

Roer gereeld.

Sorteer die ui en soetrissie in die olie tot sag.

Voeg maalvleis by en braai tot gaar - maar nie bruin nie.

Geur met braaivleisspesery en sout en peper.

Voeg die tamatiesous by en meng.

Meng hierdie mengsel met die mieliepap en skep in die voorbereide bak.

Plaas tamatieskywe bo-op en geur liggies met sout en peper.

Klits die eiers en melk saam en giet bo-oor.

Bak sowat 30 minute of tot die eiermengsel gestol het.

Genoeg vir 4-6 mense

Wenk

Bedien met groen slaai of heerlike mengelslaai.

[Hierdie resep is een van die inwoners se staatmakerresep]

Weekly message from the angels

 Live, love and laugh!

Woorde tussen vriende

As God ‘n yskas gehad het,

was jou foto daarteen.
As Hy ‘n beursie gehad het,

was jou foto daarin.
As Hy ‘n selfoon gehad het,

was jy sy “wallpaper”.
Hy gee elke somer vir jou blomme.
Hy gee elke oggend vir jou ‘n pragtige sonsopkoms.
Hy gee elke aand vir jou ‘n pragtige sonsondergang.
Glo dit!

Hy is mal oor jou!
God beloof nie dae sonder pyn,

lag sonder seer en son sonder reën nie.

Hy belowe wel sterkte vir elke dag,

uitkomste vir trane en

lig aan die einde van elke donker tonnel.
As God vir jou ‘n klip op jou pad plaas,

sal Hy dit ook vir jou wegrol.

Glo dit!

Hy is mal oor jou.

Jy is die appel van Sy Oog!!

[Geleen]

Liz' thoughts

Click HERE for more.

Ons kla ...

Ons kla oor grys hare -

'n kankerpasiënt wens sy het hare gehad!

Ons kla oor nuwe skoene -
die kreupele wens hy het voete gehad!

Ons gooi kos weg -
honger mense bid net vir stukkie brood!

Ons baklei en vloek ons geliefdes -
êrens in die lewe sit iemand alleen
en bid vir liefde om oor hulle pad te kom!

Ons ouers irriteer ons soms of ons opinies verskil -
maar êrens in 'n ouetehuis sit ou mense
en bid vir 'n kuiertjie van hul kinders wat hulle weggegooi het!

Ons baklei met ons kinders en ons kinders met ons -
êrens sit 'n ma of 'n kind by 'n graf en ween
en wens net vir nog een dag saam met daardie persoon!

Ons bekommer onsself oor watse geskenk ons gaan kry of koop -
êrens sit n ma en bid dat sy net die Kersfees 'n brood
en 'n bottel aanmaakkoeldrank en miskien n stukkie hoender vir haar kinders kan voorsit!
Wat nog te sê 'n geskenk?

Ons moan oor vet of maer wees -
êrens veg iemand om oorlewing en wag vir 'n orgaan!

Wees dankbaar vir wat jy het,
wie in jou lewe is
en wees tog geduldig
en klaar dinge uit op 'n mooi manier!

Dink oor hoe geseënd jy is
en hoe jy dinge sommer maar net verwag omdat dit jou toekom!
Dis aardse goed en 'n gejaag na wind!

Hartsake en liefde is meer werd
as enige groot duur geskenk of 'n nietige bakleiery!

Die dood is so finaal,
maak die beste van jou en jou geliefdes se lewe!!!!
[Anoniem]

Verjaardagwense

Mev. Hanekom, baie geluk met u verjaardag. Mag elke oomblik gevul wees met ons Vader se groot genade. Vreugde vir 'n heerlike dag.

Woensdagwense: week 45

Tips from Granny: Honey takes the sting out of scars

“My grandmother always put honey on our wounds to help them heal faster and reduce the appearance of scars. Now there is even research to back up what she said, and honey is even used on surgical scars today.”

'n Uit-die-hart-dankie!

Aan ons Saterdag-engele
Dankie vir julle omgee, uitreik, liefde en heerlike bederfies.
Ons sien uit na julle besoeke en waardeer julle kuiers!
Vreugde en seën vir julle!
Ons Huis-inwoners!!

Maandagoggend-waarheid

Marie Moses, 'n jarelange inwoner van Kimberley, het vanoggend 'n gesprek gedeel wat sy en haar kinders oor die naweek gehad het.

Sy het hulle herinner aan die bekende, sowel as die onbekende. 

"Ons ken ons geboortedatum - dag, maand en jaar - ons weet wanneer die seisoene verander en die somer aanbreek. Maar ons ken nie ons terugkeerdatum nie. Net God alleen weet dit."

[Gaan lees gerus die onderhoud HIER wat met Marie in 2019 gevoer is.]

Vandag se internetgebed vir jou: Oggendgebed

Vrae wat die geselskap om die etenstafel 'n hupstootjie kan gee

Vra gerus hierdie vrae aan jou tafelgenote en kyk hoe die gesigte eers op 'n dinkplooi getrek word, daarna breek die lig deur en dan praat die vier of ses tafelgenote gelyktydig. Geniet dit en stuur gerus nog interessante tafelgespreksvrae in.  

'n Soet Saterdag in November

Wat 'n heerlike Saterdagoggend was dit nie? Die engele, gewapen met smaaklike kolwyntjies, het ons kunstalente weer beproef en sommer goeie oefening ook gegee. Daar was versierings te kus en te keur en ons kon ons kolwyntjies ryklik versier met 'n swaar hand!    

Dankie vir 'n heerlike kuier ... dankie dat ons ons naweek op 'n hoë soet noot kon begin en dankie vir die heerlike eetgoed. Ons waardeer julle!  

Foto's: Millie Mouton

Saterdaglagmedisyne: 'n Paar komiese antwoorde, deur A.G Visser.

Spesiaal vir pensioenarisse op die vraag: Hoe gaan dit?

1. Baie goed ... ek het vanoggend darem mos bo die grond wakker geskrik.
2. Wel, opgestaan en self aangetrek.
3. Nie te goed nie ... ek het soveel pyn dat ek nie eens plek het vir almal nie.
4. Ag my vriend, ek kla nie oor my pyne nie, want ek kry dit verniet.
5. Dit gaan baie goed, elke pyn is op sy regte plek.
6. Ek is darem nog padwaardig, maar moet net nie my enjinkap oopmaak nie.
7. Wel wel wel, ek kners op my agtertande en glimlag met my voortande.
8. Ek voel vandag soos 'n kriek wat Doom ingekry het, ek beur al na die een kant toe.
9. Dit gaan op-en-af en heen-en-weer soos met 'n bak jellie wat onrustig is.
10. Dit gaan tussen sleg en verskriklik.
11. Ek druk deur, al maak dit seer.

[Dankie, Elmari, vir die tong-in-die-kies-antwoorde.]

Resep: Mieliemeelvetkoek

Bestanddele

2 koppies krummelpap

1,5 koppie melk (kan suur- of karringmelk ook gebruik)

2 eiers

sout na smaak

2,75 tl bakpoeier

1.5 koppie koekmeel

Metode

• Klits eiers, melk en sout saam.
• Voeg pap by - meng goed.
• Sif meel en bakpoeier by - meng goed.
• Bak in warm olie soos gewone vetkoek.  

Een van die inwoners het 'n klompie mieliemeelresepte met Ons Huis gedeel wat die volgende paar Saterdae  geplaas gaan word.

Verjaardagwense

Mnr. Oosthuizen, hartlike wense vir 'n gelukkige dag. Mag vreugde en liefde jou deel wees vir die res van die dae wat op u wag. Geniet hierdie dag!

Weekly message from the angels

May your day be filled

with all kinds of 

bright sunny things!

November-verjaardae

2 - Mnr. H Oosthuizen

7 - Mev. S Hanekom

16 - Mev. J van Staden

25 - Mev. A van den Berg

26 - Mev. E Lambert

Gebed van 'n ou spoorwegman ...

'n Ou spoorwegman het op 'n byeenkoms tot bekering gekom en is gevra om te bid. Hy het 'n oomblik geaarsel en toe eerbiedig met 'n bewende maar helder stem gesê:

O Here, noudat ek die vlag gestryk het, bid ek U, neem my voete van die ruwe spoorbaan af en plaas hulle veilig bo-op die trein van redding. Laat wysheid my handlamp wees en die Bybel my hooflig. Laat die trein gekoppel wees met die sterk skakel van liefde. En ... Hemelse Vader, hou alle wissels gesluit wat na sylyne uitdraai en veral dié wat lei na 'n doodloopstraat.

O Here, as dit U wil is, laat elke sinjaal langs die lyn die witlig van hoop vertoon, sodat ek die lewensreis kan aflê sonder om stil te hou. En Here, laat die tien gebooie my rooster wees. En wanneer ek die reis afgelê het en in die groot donker stasie van die dood ingetrek het, mag die Superintendent van die Heelal sê: "Mooi so, goeie en getroue dienaar, kom teken die betaalstaat en ontvang jou loon van ewige geluksaligheid."

(Uit: Senior Bulletin - "Oom" van Vryheid)

Woensdagwense: week 44

Vandag se internetgebed vir jou: Dankie, Here

Gebed: Terwyl ons siek is ...

Here, wanneer ons siek is en vrae vra, is dit U wat ons hand neem en ons dra.

Wanneer ons swak is en soms só moeg voel weet ons met alles het U 'n perfekte plan en doel. 

Net U ken die begin en einde van ons lewe en in geen situasie sal U ons ooit, ooit  begewe nie.

Daarom sal ons in gesondheid en siekte u naam prys. U is ons Geneesheer en u sal die pad vir ons aanwys!

Resep: Mieliemeelmuffins

Bestanddele

2 koppies mieliemeel
2 koppies koekmeel
5 ml sout
35 ml bakpoeier
3 groot eiers
500 ml melk
1 blikkie sweetcorn
1 blikkie heelpitmielies
250 g botter of magarien, gesmelt

Metode

• Voorverhit die oond tot 180 grade C.
• Klits eiers en melk saam.
• Voeg die mielies en botter by en meng goed.
• Voeg die mieliemengsel by die droë bestanddele en meng liggies.
• Skep die beslag in groot muffinpannetjies.
• Bak vir 30-35 minute of tot goudbruin en gaar.
• Laat vir 10 minute in die pan afkoel.
• Haal 12 heerlike groot muffins uit.
• Geniet!!

Een van die inwoners het 'n klompie mieliemeelresepte met Ons Huis gedeel wat die volgende 4 Saterdae  geplaas gaan word.

Saterdaglagmedisyne

Verjaardagwense vir die ouderling van Ons Huis

Elsa, Hy wat jou gedra het tot hier, is dieselfde God wat met jou sal wees al die dae van jou lewe. Baie vrede, vreugde en gesondheid vir jou nuwe lewensjaar. Geniet dié dag! 

Uitnodiging: Kom drink gerus 'n koppie tee saam met ons dat ons weer 'n slag lekker kan kuier!

Bybelleesprogram: Lees vir 'n 100 dae - week 17 dag 5

Weekly message from the angels

Every day is a new day
for new thoughts and
new chance to be kind.

Verjaardagwense

Mnr. Maritz, baie geluk met u verjaardag. Mag die Here al u gebede verhoor en u gee wat u graag wil hê. Geniet 'n besondere verjaardag.

 

Liz' thoughts

Click HERE for more.

Bybelleesprogram: Lees vir 'n 100 dae - week 17 dag 4

Interessante feite: Die storie agter koffie

Daar word vertel dat koffie in die jaar 850 ontdek is toe 'n bokwagter in Ethiopië gesien het hoe sy bokke vroliker as gewoonlik rondtrippel as hulle rooi bessies van 'n plaaslike struik vreet. Die bokwagter het met die bessies begin eksperimenteer en self gelukkiger gevoel.

Die eerste koffiebome vir produksie is in ongeveer 1100 deur die Arabiere geplant wat begin het om koffie te rooster en te brou. Die Arabiere het die qahwa genoem.

Die heel eerste koffiewinkel is in 1475 in Konstantinopel geopen.

Koffie het Europa in die jare 1600 bereik via die hawe van Venesië. Die eerste koffiewinkel in Italië het in  1654 geopen.

In 1652 het koffiewinkels in Engeland begin oopmaak.

Die Engelse woord tips (fooithe) het sy ontstaan gehad in hierdie Britse koffiehuise waar daar 'n bordjie langs die blikkie geplaas is wat gelees het: To Insure Prompt Service. Almal wat goeie diens en 'n goeie sitplek wou bekom, moes 'n munt in die blikkie gooi.

James Kilbourn van Stereo Café in Westdene, Bloemfontein, vertel dat koffie word op koffieplase oor die wêreld heen gekultiveer, geoes en geprosesseer. Sodra dit verpak, verhandel en na die finale bestemming versend is, word die groen bone verhit tot 'n verkose temperatuur oor 'n sekere tyd - hoe warm en hoe lank sal die smaak en sterkte van die koffie bepaal.

Elke tipe boon reageer anders teenoor hierdie veranderlikes, gebaseer op unieke karaktereienskappe.

Koffiebraaimeesters (roast masters) soos James het elk sy eie resep om 'n unieke braaitipe te skep en elkeen kan dieselfde bone braai, maar met verskillende resultate.

Koffie kan op verskillende maniere gebrou word soos filter, espresso, 'n moka-pot, Turks of dompelaar - en op selfs meer maniere bedien word. 

[Bron: Spesiale fokus//koffie] 

 

Bybelleesprogram: Lees vir 'n 100 dae - week 17 dag 3

Woensdagwense: week 43

Bybelleesprogram: Lees vir 'n 100 dae - week 17 dag 2

Tips from Granny: Mend your clothes

"There are a lot of modern and young people out there that don’t even know how to sew on a new button. This is really sad in my opinion because it doesn’t take much time or skill to do and it extends the life of your clothes exponentially. Learning to do things such as mending seams, patching holes or sewing on a button will really save you money in the long run, especially if you have children or a husband who are hard on their clothes."